Eklesiastee̱ 7:8 - Xo̱jo̱n eén Néná

⁸ Chjí ngasenii̱ nga ndatsꞌèn si̱ꞌankjietꞌani ngo ni, ta̱bo̱a̱jiín nga ndatsꞌèn ku̱i̱ꞌítsꞌi̱yanii̱. Chjí ngasenii̱ ngo xota̱ xi koyakjo̱a̱, ta̱bo̱a̱jiín ngo xota̱ xi nkꞌakon.

Eklesiastee̱ 7:8 Iomraidhean Croise

Énkjínkón 13:10

Kjo̱a̱nkꞌakoo̱n ta̱ kjo̱a̱xti tsí xi ꞌboxié, kó xota̱ xi ni̱ma̱kjo̱a̱a̱ boá xi tjiín kjo̱a̱kjínkón.

Énkjínkón 14:29

Xota̱ xi kjínkón boá kui xi achichí tsiekoo̱n, ta̱nga xota̱ kitikjo̱a̱ boá kui xi tsiejínkoón.

Énkjínkón 15:18

Xota̱ xi achichí xtindaa̱, kjo̱a̱xti ꞌboxié, ta̱nga xota̱ xi tsiekoo̱n, kuí boá xi tsꞌénkꞌíxió kjo̱a̱xtii̱.

Énkjínkón 16:32

Chjí ngasenii̱ kjo̱a̱chiyákjo̱a̱a̱, ta̱bo̱a̱jiín kjo̱a̱chꞌokoo̱n, chjí ngasenii̱ nga ñá kotixomáa̱ yojoná, ta̱bo̱a̱jiín nga ngo na̱xi̱ńdáꞌniú ko̱ti̱xomáa̱.

Énkjínkón 28:25

Xota̱ xi xki̱ꞌáto̱o̱n, ta̱ kjo̱a̱xti boá xi ko̱ngase, ta̱nga kui xi Néná kjimaꞌniátakoón, kuí boá xi nda ko̱e̱je̱e̱.

Eklesiastee̱ 7:1

Chjí ngasenii̱ kjo̱a̱yandikoón, ta̱bo̱a̱jiín ndásíje̱n xi nda ngasee̱. Chjí ngasenii̱ ni̱xtjin nga mayá, ta̱bo̱a̱jiín ni̱xtjin nga tsen.

Rkaa̱ 16:25

Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 21:19

ꞌNiú ti̱ndyiàjnú tsi̱ꞌe̱ nga kjo̱tjoꞌajnú.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Éfeso̱ 4:2

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

Xota̱ Ebreo̱ 10:36

Chjiéngá kꞌuiéjnú kjo̱a̱chiyákjo̱a̱, tsi̱ꞌe̱ nga si̱ꞌánjnú ni xi mejeén Néná, kó bo̱a̱ tsꞌén nga sa̱kójnú ni xi katsóyàtjón nga tsja̱á.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.

Xo̱jo̱o̱n Sandiyaá 5:8

Jún ti̱ bo̱a̱ ti̱ tsꞌén ngatꞌiéjnú kjo̱a̱chiyákjo̱a̱, kó te̱ꞌéngaꞌniújnúu̱ ini̱ma̱jnú, ngatꞌa̱ jè kjimatiña ni̱xtjin nga kjo̱e̱ꞌe nginí Ndi̱a̱ná.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.