Eklesiastee̱ 7:2 - Xo̱jo̱n eén Néná

² Chjí ngasenii̱ nga ngo ndiꞌa nínga tjín xí kꞌien mongín, ta̱bo̱a̱jiín tsi ngo sꞌué mongín, ngatꞌa̱ kjo̱a̱bo̱yaa̱ boá nínga fetꞌani ni̱xtjii̱n xotaa̱, kó xota̱ xi síndo ngasee̱ chjiéngá kjo̱a̱ꞌátsjiee̱n kui nii̱.

Eklesiastee̱ 7:2 Iomraidhean Croise

Xo̱jo̱n Salmoo̱ 90:12

Takoyèjne̱ tsi̱ꞌe̱ nga nda xꞌi̱a̱xki̱ ni̱xtjinjne̱, tsi̱ꞌe̱ nga ini̱ma̱jne̱ kꞌuieé kjo̱a̱kjínkón.

Eklesiastee̱ 2:14

Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Eklesiastee̱ 2:16

Ngatꞌa̱ jmíjín xi sa̱ꞌínkjaꞌátsjien xota̱ xi kjínkoón ko̱jo xota̱ xi kitikjo̱a̱a̱, ngatꞌa̱ ni̱xtjin xi jaskan ndibaá ngayeje nii̱ xi si̱ꞌanchíyá, kó ko̱yà xota̱ xí kjínkoón, kó ti̱ ko̱yà xota̱ xí kitikjo̱a̱a̱ nga.

Eklesiastee̱ 3:19

Ngatꞌa̱ ni xi maa̱ xota̱ nga̱sondiee̱ ko̱jo cho̱ tamaá, ti̱kuíní ni: Ngajoó nga fesón, ngajoó nga tjo̱ kjiendá, ti̱nde tsiejín ngase ni tjiín xota̱ nga̱sondiee̱, ti̱nde tsiejín ngase ni tjiín cho̱ tamaá. Ngayeje kui nii̱ xi ta̱kjo̱a̱ndaní bo̱a̱ nga.

Eklesiastee̱ 3:20

Ngayejee̱ nga ta̱ ngo tsí ndiè fochó, ngayejee̱ nga chojo kamándani, kó ngayejee̱ nga chojo ka̱má nginí.

Eklesiastee̱ 6:6

Ka̱maraa̱ jó mi̱ nó kꞌuijñá nga̱sondiee̱ kui xotaa̱, kó tsi ndajín tsꞌén katsꞌénkjién ngayeje ni nda xi kisꞌiee̱, nga fetꞌani kjo̱a̱, a mí tsí ngajoó nga ta̱ ngo tsí ngi̱ndie fochó.

Eklesiastee̱ 9:2

Ti̱ bo̱a̱ ti̱ kjiꞌini ni xi maa̱ ngayeje xotaa̱ nga fetꞌani. Ti̱ kuínií tsi kixi̱ ko̱jo tsi kixi̱jín, tsi ndaxota̱ ko̱jo tsi ndajínxota̱, tsi tsjie ko̱jo tsi tsjiejín, tsi xi tsꞌenkꞌásꞌién kjo̱a̱tjó ko̱jo tsi tsꞌenkꞌásꞌiénjín, tsi xi tsꞌén ni xi ndaa̱ ko̱jo tsi xi tsꞌénjeé, tsi xi tsáyàtjoón ko̱jo tsi tsáyàtjónjiín Néná ni xi sa̱ꞌín.

Eklesiastee̱ 9:3

Kuí bí kui ni xi ndajiín xi ma kui nga̱sondiee̱, nga ngayeje xotaa̱ ti̱kuíní ni xi maa̱, ko̱jo nga xota̱ nga̱sondiee̱ ngi̱jin ini̱ma̱a̱ tjikítsie maá ni xi ndajín, ko̱jo kjo̱a̱chi̱ni, ngayeje ni̱xtjin nga síndo kui nga̱sondiee̱, kósꞌe̱ nga fetꞌani ꞌme ꞌne̱ ngijee̱.

Eklesiastee̱ 9:5

Ngatꞌa̱ xota̱ xi to̱kó síndo ngasee̱, jè be nga kjo̱chó ni̱xtjin nga ko̱yà, ta̱nga xota̱ xi je jesoón, jè ngiti̱ jmí ni bejín kuí, ti̱nde ngiti̱ jmí to̱n tsꞌénjín ngase, ngatꞌa̱ kjo̱a̱foaꞌátsjiee̱n jè kisꞌijñachíyá.

Xki̱ 23:10

»¡Xota̱ nda boá xota̱ Israee̱l! Jmíjín xi ka̱maa̱ ku̱i̱ꞌíxki̱. ¡Xota̱ xi tjiín kjo̱a̱xió boá xota̱ Israee̱l! ¡Achichíra̱ ndatsi bo̱a̱ kon ka̱ma an xikoó kui xotaa̱!»

Matioo̱ 5:4

Achichíra̱tsjaa̱ xota̱ xi ndyi̱kjandà, ngatꞌa̱ kuí xí sa̱ko̱ó kjo̱a̱niꞌándajon.

Ndeuteronomio̱ 32:29

Tsi ngi̱chíra xi̱ꞌinkjo̱a̱jnú katsaki, xcha̱ra̱jnú kjo̱a̱botíjé xi sa̱kójnú.

Ndeuteronomio̱ 32:46

Ngi̱chií sájín Moisee̱, bi̱ katsoó xota̱ na̱xi̱ńdaá: «Nda má ti̱ꞌankjójnú kjo̱a̱a̱ ngayeje ni xi je akoyájnúꞌun, kó tatíxomájnúu̱ ndí xíꞌínjnú ko̱jo ndí ínchjínjnú, tsi̱ꞌe̱ nga ku̱i̱ntꞌiéꞌén nga ngo nga ngo kui kjo̱a̱botíxomaa̱.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.