Eklesiastee̱ 6:6 - Xo̱jo̱n eén Néná

⁶ Ka̱maraa̱ jó mi̱ nó kꞌuijñá nga̱sondiee̱ kui xotaa̱, kó tsi ndajín tsꞌén katsꞌénkjién ngayeje ni nda xi kisꞌiee̱, nga fetꞌani kjo̱a̱, a mí tsí ngajoó nga ta̱ ngo tsí ngi̱ndie fochó.

Eklesiastee̱ 6:6 Iomraidhean Croise

Jenesii̱s 5:5

Kó Andaa̱n nijan úchán ko̱jo kantié noó nga kꞌien.

Joo̱b 1:21

kósꞌe̱ bi̱ katsó: «Jmí ni yaꞌajín an nga jatjoni an ndo̱bo̱a̱ndií na̱anna, kó ti̱ jmí ni koaꞌajín an nga kjo̱tjoni an kui nga̱sondiee̱ nga, ¡Néná katsjána, kó Néná jaꞌáxínna! ¡Ngatamachikonñé jaꞌeén Néná!»

Joo̱b 30:23

kó jè be án nga kjiꞌa kjo̱chó ni̱xtjin ki̱a̱ kꞌuínje̱ní kjo̱a̱bo̱yaa̱, nínga tikón ngi̱ndie nínga ku̱i̱ndyionjne̱ ngatsjéni̱xtjin.

Joo̱b 7:7

Ngatjaꞌátsjiee̱n ji Ne, nga kjo̱a̱mindyionna xikónií tsi ngo ndi̱yà chjondá, kó nga jè ngiti̱ skuiejín an ngase mí nii̱ bo̱a̱ ni xi ndaa̱.

Xo̱jo̱n Salmoo̱ 34:12

ꞌYá nda̱a̱ bo̱a̱ xi mejeén nga kꞌuieé kjo̱a̱mindyion, kui xi mejeén nga tsie ka̱maa̱, tsi̱ꞌe̱ nga sku̱i̱e̱ ni xi ndaa̱.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 2:14

Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Eklesiastee̱ 3:20

Ngayejee̱ nga ta̱ ngo tsí ndiè fochó, ngayejee̱ nga chojo kamándani, kó ngayejee̱ nga chojo ka̱má nginí.

Eklesiastee̱ 6:3

Tjínrá xota̱ xi ka̱ma kꞌuieé úchán ndí, kó ka̱mara̱ kjín nó kꞌuijñá nga̱sondie, ta̱nga ndatsi kjín nó kꞌuijñá, tsi katsjájiín kjo̱a̱tsja ini̱ma̱a̱ kjo̱a̱a̱ ni xi kisꞌiee̱, kó tsi nde kamájín akjanijín, bi̱ xian an, nga ta̱sara̱ nda ngase ngo ndí xí katsenxtió, ta̱bo̱a̱jiín kui xota̱ xi̱ꞌba̱.

Eklesiastee̱ 6:5

kó kji̱e̱ bejín, ti̱nde jmíni̱xtjin sku̱i̱e̱ ndiꞌií tsꞌueé, ta̱nga tjín ngasee̱ kjo̱a̱xió kuí, ta̱bo̱a̱jiín kui xota̱ xi̱ꞌba̱.

Eklesiastee̱ 7:2

Chjí ngasenii̱ nga ngo ndiꞌa nínga tjín xí kꞌien mongín, ta̱bo̱a̱jiín tsi ngo sꞌué mongín, ngatꞌa̱ kjo̱a̱bo̱yaa̱ boá nínga fetꞌani ni̱xtjii̱n xotaa̱, kó xota̱ xi síndo ngasee̱ chjiéngá kjo̱a̱ꞌátsjiee̱n kui nii̱.

Eklesiastee̱ 9:2

Ti̱ bo̱a̱ ti̱ kjiꞌini ni xi maa̱ ngayeje xotaa̱ nga fetꞌani. Ti̱ kuínií tsi kixi̱ ko̱jo tsi kixi̱jín, tsi ndaxota̱ ko̱jo tsi ndajínxota̱, tsi tsjie ko̱jo tsi tsjiejín, tsi xi tsꞌenkꞌásꞌién kjo̱a̱tjó ko̱jo tsi tsꞌenkꞌásꞌiénjín, tsi xi tsꞌén ni xi ndaa̱ ko̱jo tsi xi tsꞌénjeé, tsi xi tsáyàtjoón ko̱jo tsi tsáyàtjónjiín Néná ni xi sa̱ꞌín.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.