Eklesiastee̱ 6:2 - Xo̱jo̱n eén Néná

² Tjín xota̱ xi Néná achichí kjo̱a̱cho̱n, ko̱jo ni, ko̱jo kjo̱a̱yandikón tsjaá. Tjiín ngayeje ni xi chjieén, ko̱jo ni xi mejeén nga kꞌuieé, ta̱nga Néná tsjandièjiín tsi̱ꞌe̱ nga tsjatsꞌèn sa̱ꞌínkjién ngayeje kui nii̱. Kó ta̱sá kje̱ꞌe xota̱ xi nde yajín ꞌyá kuií bo̱a̱ xi tsjatsꞌèn tsꞌénkjién. Kui nii̱ ti̱ ta̱kjo̱a̱ndaní bo̱a̱ nga, kó ni xi achichí tsꞌénꞌónná boá.

Eklesiastee̱ 6:2 Iomraidhean Croise

Xo̱jo̱n Salmoo̱ 17:14

¡Ti̱ꞌinkjìn jí ndse̱ nga ko̱ꞌna̱xiéꞌéní ngi̱ya tsja kui xota̱ xi ndajiín, kui xi achichí ni xi kjimaa̱ nga kꞌuieé ni xi tjín nga̱sondiee̱! Jè katseꞌée̱ tsie kjo̱a̱cho̱n xi tse̱, kó ngaskande kꞌo̱ngii̱, tsi̱ꞌe̱ nga tsja̱á ndí xí xi̱xi̱ ngasee̱.

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Xo̱jo̱n Salmoo̱ 73:7

¡Kjifotjoꞌmé má ndyi̱ko̱n nga yiꞌi kui xotaa̱! ¡Kó tsꞌénkjátjosón ni xi ndajín xi maxkè ini̱ma̱a̱!

Eklesiastee̱ 4:4

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 5:13

Jè kamábe an nga kui nga̱sondiee̱ nga ndajínkjiꞌi nga tsie to̱n chja̱ꞌátjó, ngatꞌa̱ kuí boá kui nii̱ xi ndajín tsꞌeén xota̱ xi bo̱a̱ tsꞌeén.

Eklesiastee̱ 5:16

Achichí nga ndajínkjiꞌi kui nii̱: Nga xikótsꞌèn jeꞌe kui nga̱sondiee̱, ti̱ bo̱a̱ ti̱ tsꞌén ko̱e̱je̱ nginí. Kósꞌe̱ mí chjínií nga bo̱a̱ nda katsꞌénxá kjo̱a̱nda.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Eklesiastee̱ 5:19

Ti̱ bo̱a̱ ti̱ tsꞌén, ngayeje xota̱ xi Néná katsjaá kjo̱a̱cho̱n, ko̱jo nga tsie ni tjiín, ti̱ katsjaá nga ki̱a̱ skji̱ni̱e̱ ko̱jo nga ki̱a̱ kꞌuiní, nga skjíbé ni xi tsoboaá, kó tsjangatamaa̱ kjo̱a̱a̱ xaá, ngatꞌa̱ kui nii̱, ni xi ta̱ katsjáná Néná boá.

Kjo̱a̱chaꞌaá 5:2

Ngayeje ni xi tjínjne̱ jè ngi̱ya tsja kondraa̱ je tikón, kó ndiꞌajne̱ jè xota̱ xi xín nangii̱, je kui tsi̱ꞌe̱.

Ndeuteronomio̱ 28:33

»Ngayeje ni̱xtjin nga xota̱ xi nde yàjínjnú xi sa̱ꞌínchejéjnú, kó ndajín sa̱ꞌínjo̱jnú, kó kuí boá xi kꞌo̱je̱n ni xi jún ikꞌítji̱e̱jnú, xota̱ xi nde yàjínjnú ꞌyá kuí bo̱a̱ xi skji̱ni̱e̱ ni xi achichí kjo̱a̱ni̱ma̱ ikꞌítji̱e̱jnú.

Ndeuteronomio̱ 28:43

Xota̱ xi xín nangi chji̱a̱ni xi ki̱a̱ síndo na̱xi̱ńdájnú, saꞌniú sáꞌniú ngase ka̱macho̱n, kó jún saꞌniú sáꞌniú ngase ka̱mani̱ma̱jnú.