Eklesiastee̱ 5:2 - Xo̱jo̱n eén Néná

² Nga ta̱xkiya ndokjo̱e̱jín ji, ko̱jo nga ta̱xkiya niꞌínkjéjín ji ngo én xí ko̱ndókjo̱e̱ ji ngindyi̱ko̱n Néná, ngatꞌa̱ Néná nkꞌajmii̱ boá nínga tikón, kó jí, kꞌi̱e̱ tindyin ji kꞌi̱e̱ tꞌanangii̱, kuíni nga chiboa tsí én xí ti̱ꞌinkjìn jí.

Eklesiastee̱ 5:2 Iomraidhean Croise

Jenesii̱s 18:27

Ta̱nga Abraa̱n ti̱ bi̱ ti̱ katsó nginií Néná: —Ne tsa̱ꞌa̱n, ti̱ꞌinjetakínní nga bi̱ tsꞌén tsꞌénchji̱a̱joo ji, ja̱ jè yé ji nga ngindyikin ji jmí ni chjíjiín an.

Jenesii̱s 18:30

Kó ti̱ bi̱ ti̱ katsó nginí Abraa̱n: —Ne tsa̱ꞌa̱n, ngata̱ niꞌínxchínjín ji tsi ta̱kó kuichjiájoraa̱, ta̱nga, kó tsi ta̱ kantié tsí má xota̱ xi nda xi tjín ki̱a̱a̱ ki. Kó Néná bi̱ katsó: —Tsi sa̱kóna kantié kui xotaa̱, sa̱ꞌinkjiéjín an na̱xi̱ńdaá.

Jenesii̱s 18:32

Kó ti̱ bi̱ ti̱ katsó nginí Abraa̱n: —Ngata̱ niꞌínxchínjín ji Ne tsa̱ꞌa̱n tsi ingo ndi̱yà kuichjiájoo ji. Kó tsi ta̱ tie tsí má xi síndo ki. Kó Néná bi̱ katsó: —Ta̱ngatꞌanii̱ nga tjóna kui xi tiee̱, sa̱ꞌinkjiéjín an.

Jenesii̱s 28:20

Sꞌe̱ jaskan Jakoo̱b bi̱ katsó nga sa̱ꞌínkjatjosón ngo ni: «Tsi Néná ko̱e̱je̱jona, kó tsi skónna ndi̱yà nínga tsꞌénfí an, kó tsi tsja̱ana ni xi skjíni̱e̱ an ko̱jo ńjño xi koajà an,

Jenesii̱s 28:22

Kó kui ndi̱jo̱ xi je iskjininkꞌa an kꞌi̱e̱e̱, kuí boá xi ka̱ma chi̱bo̱a̱a̱ ngi̱ndie nínga ngayeje xi kji̱ndi̱bá tsꞌéndíkón Néná, kó ngayeje ni xi tsja̱ana Néná, tie nga úchán tsja ngiñáa̱ kui».

Xo̱jo̱n Salmoo̱ 115:3

¡Ta̱nga ji ki̱a̱ tindyin ji nkꞌajmii̱, kó niꞌín ji ngayeje ni xi mejeén si̱ꞌin ji!

Énkjínkón 10:19

Xota̱ xi tsie chji̱a̱a̱, tsꞌénjé boá, ta̱nga xi bóxioó tsꞌoa, xota̱ kjínkón boá.

Énkjínkón 20:25

Ndikón kjíꞌí nga xotaa̱ tsá ku̱i̱chji̱a̱ ngo ni xi sa̱ꞌínkjatjosoón Néná, ngatꞌa̱ jaskan sa̱ꞌínkjó, kó sa̱ꞌínkjatjosónjín.

Eklesiastee̱ 10:12

Achichí tsjá máná én xí chji̱a̱ nda̱ xi kjínkoón, ta̱nga ni xi chji̱a̱ tsꞌoa nda̱ xi kitikjo̱a̱a̱, ti̱kuíní yojoo̱ xi tsꞌénchájá.

Eklesiastee̱ 10:13

Nda̱ xi kitikjo̱a̱a̱ nga ꞌbítsi̱yanii̱ nga chji̱a̱, én kitikjo̱a̱ boá xi chji̱a̱, kó nga fetꞌanii̱ ni xi ta̱tsóta̱má boá xi chji̱a̱.

Eklesiastee̱ 5:3

Ngatjaꞌátsjiee̱n nga xota̱ xi ꞌniú nda̱ maa̱ ngo ni, chi̱ni chꞌo tsó boeꞌeé, kó xota̱ xi achichí chji̱a̱a̱, ni chi̱ni boá xi chji̱a̱.

Eklesiastee̱ 5:7

Kui nga̱sondiee̱ tjikítsie maá ni xi niꞌánkjiín takón, ko̱jo én, ko̱jo ni xi ta̱kjo̱a̱ndaní bo̱a̱, ta̱nga ji chjiéngá ko̱ké ji nga yendikín jí Néná.

Matioo̱ 6:7

Kó kjiꞌanga ko̱ndókjoée̱ Néná, ngata̱ ti̱ kui ti̱ kuijín ni ndokjo̱e̱ ji, xikoó xota̱ xi jundío̱jín, ngatꞌa̱ tsꞌénkjó kuí xotaa̱ nga kjiꞌá boá nga ku̱i̱ntꞌie̱é Néná kjiꞌanga tsie én xí chji̱a̱.

Matioo̱ 6:9

Bi̱ tsꞌén ndókjo̱a̱jnúu̱ Néná: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n.

Markoo̱ 6:23

Kó bi̱ katsó ngasee̱: –Ngiboanéná nga ta̱ ni xi chji̱e̱ꞌéní xí tsjaa, ngaskande masien ngi̱ndie nínga botixoma an tsi mejeén.

Xo̱jo̱o̱n Sandiyaá 3:2

Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.