Eklesiastee̱ 5:1 - Xo̱jo̱n eén Néná

¹ Kjiꞌanga kꞌuín jí na̱ngo̱xi̱i̱ Néná, chíi̱n nga ta̱xkiya si̱ꞌínjín ji ngo ni, ta̱sá tjón tꞌendàꞌyé ji, ngindiee̱ nga ki̱a̱ kꞌuínje̱ ji xota̱ xi kitikjo̱a̱ xi tsꞌenkꞌásꞌién kjo̱a̱tjoó, kui xi nde bejín nga ndajín ndyi̱tsꞌe̱én.

Eklesiastee̱ 5:1 Iomraidhean Croise

Joo̱b 11:2

«¡Ngayeje én xí ta̱xkiya ndokjo̱a̱a̱, chjiéngá kꞌuieé ngo ngakixi̱! ¡Jmí tsi kjo̱a̱a̱ nga tsie ko̱ndókjo̱a̱, sꞌe̱ bo̱a̱ kjiꞌi ngayeje ni xi kandokjo̱a̱a̱!

Joo̱b 22:12

»A mí tsí nkꞌajmii̱ tikón Néná, tsitsíjìi̱n kókjiꞌi nkꞌa síndo ńño ꞌna̱a̱.

Xo̱jo̱n Salmoo̱ 89:7

Achichí yandikón Néná kjiꞌanga matikó ndítsjiee̱, ngayeje xi síndo nga ngo foaꞌatjiyajoo̱n xi bendikón.

Éksondo̱ 3:5

Kó Néná bi̱ katsoó: —¡Ngata̱ ndibéboeꞌéjín ji ngase! ¡ꞌNa̱xié ji tji̱xíndiée̱, ngatꞌa̱ ngindyikón án boá nínga tasín ji, kó ndikón kuí ngi̱ndiee̱!

Éksondo̱ 30:18

«Mejénna nga si̱ꞌinde ji ngo ni ńtsó xí ki̱cha̱ bronse̱ ko̱jo ngo ngindie xi ti̱ kuii̱ ki̱cha̱a̱ ngatamandani nga. Tꞌíkitsieni ji ndáfoa, kó ki̱a̱ tꞌíjñí ji ngamasiee̱n nínga tikón ndiꞌandikoón ko̱jo ṉchandikoón,

Énkjínkón 10:19

Xota̱ xi tsie chji̱a̱a̱, tsꞌénjé boá, ta̱nga xi bóxioó tsꞌoa, xota̱ kjínkón boá.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Énkjínkón 21:27

Achichí chꞌoó Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, kó ngase má nga ndajín tsꞌén tsꞌenkꞌásꞌién.

Lebitiko̱ 10:3

Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Ni xi kamá 10:33

Kó kuíni nga tji̱e̱nmá katsangiya an nga kijíndyiseé, kó ji kiniꞌín ji kjo̱a̱nda nga kjindibé ji. Ngotꞌe̱ ꞌne̱ kꞌi̱e̱ tindyión xtín ngayeje ñá ngindyi̱ko̱n Néná, kó mejénjne̱ ko̱nda̱ꞌyájne̱ ngayeje ni xi je katsoó Néná nga kꞌuiyéjne̱.

Ni xi kamá 17:11

kó kui xota̱ jundíoo̱ nda ngase xota̱ kamá ta̱bo̱a̱jínnii̱ xi síndo na̱xi̱ńdáꞌniú Tesalónika̱, ngatꞌa̱ achichí tsja kamaá nga tsintꞌieé eén Néná, kó ndyiojón ndyiojón iskjítꞌoyà xo̱jo̱n eén Néná kui já jundíoo̱, ta̱ tsi̱ꞌe̱ nga sku̱i̱e̱ tsi kjeén nga ja̱koxi̱ én xí tjíꞌmíyaá.

1 Xota̱ Korinto̱ 11:22

A jmíjínjnú ndiꞌa nínga ka̱ma xi̱ni̱e̱ ko̱jo nínga ka̱ma sꞌi̱o̱jnú. Míkjo̱a̱a̱ nga niꞌánchꞌójnú xota̱ na̱ngo̱xi̱i̱ Néná, kó mejénjnú ko̱e̱ꞌéjnúu̱ kjo̱a̱soboá xota̱ xi ta̱ jmíjín ni xi tjiín. Mí xí xiánjnúꞌun. A tsjatsꞌèn kuichjiájojnúꞌun. ¡Kjo̱a̱a̱ kui nii̱, jmí!

Xota̱ Ebreo̱ 10:26

Ngatꞌa̱ tsi ngayeje takón nga si̱ꞌanjé ngije kamáyà ni xi ja̱koxi̱i̱, jè ngiti̱ jmíjín ingo kjo̱a̱tjó xi ka̱ma si̱ꞌankꞌasꞌien kjo̱a̱a̱ jeé.

Xo̱jo̱o̱n Sandiyaá 1:19

Ngatamajnú kui nii̱ jún ndí ntsꞌie xi tjóna: Ti̱ndyiondajnú nga tsá ko̱si̱e̱nnijónjnú ngo ni, ta̱nga ngata̱ tsájín ndokjo̱a̱jnú, ko̱jo nga ta̱ tsájín niꞌánxchánjnú.