Eklesiastee̱ 4:8 - Xo̱jo̱n eén Néná

⁸ Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 4:8 Iomraidhean Croise

Jenesii̱s 2:18

Sꞌe̱ jaskan bi̱ katsó Néná: «Ndajínkjiꞌi nga kꞌuijñá soboá nda̱ xi̱ꞌii̱n. Ta̱sá sa̱ꞌindàa̱ ngo xi ka̱maa̱ nga nda ko̱síko̱jo nga nijan ka̱ma».

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Xo̱jo̱n Salmoo̱ 39:7

»Kó ngotꞌe̱ ꞌne̱ Ne, mí xí skoya ngasèe̱ an. ¡Jí boá xi kjo̱a̱chiyána ji!

Énkjínkón 27:20

Nga̱tsjo̱ó ko̱jo kjo̱a̱bo̱yaa̱, jmíni̱xtjin tsiee̱, kó ndyi̱ko̱n xotaa̱ tsie ngase ni mejeén sku̱i̱e̱.

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 1:8

¡Achichí ꞌbojónná ngayeje nii̱, kó nde jmíjín xi kó ka̱tso̱! ¡Nde ngojín xi fenda nga kotsijen! ¡Nde ngojín xi fenda nga ntꞌié!

Eklesiastee̱ 2:21

Kjiꞌanga ngo xota̱ xi sa̱ꞌínkjién kjo̱a̱kjínkoón, ko̱jo kjo̱a̱kjíntakoón, ko̱jo kjo̱a̱kixi̱i̱, kósꞌe̱ sa̱ꞌinkꞌasꞌiee̱n ni xi kisꞌiee̱, ngo xota̱ xi jmí ni kisꞌingíjiín, ngayeje kui nii̱ xi ti̱ ta̱kjo̱a̱ndaní bo̱a̱ nga, kó ta̱nisién ndajínkjiꞌi.

Eklesiastee̱ 2:23

Ngatꞌa̱ ngayeje ni̱xtjin nga kjo̱a̱ni̱ma̱ tsꞌénfoaꞌatio, nga katsꞌén xá xí tsjajín kamaá nga katsꞌén, kó ndatsi nga jñoó nde jmí kjo̱a̱xió kisꞌiejiín ini̱ma̱a̱. ¡Kó kui nii̱, ti̱ ta̱kjo̱a̱ndaní bo̱a̱ nga!

Eklesiastee̱ 4:7

Askotsijen an ingo ndiè, kó ti̱ kamábe an ngo ni xi ta̱kjo̱a̱ndaní bo̱a̱ xi niꞌán kui nga̱sondiee̱:

Eklesiastee̱ 5:10

Xota̱ xi tjoó to̱o̱n, tsꞌéntsiejiín to̱o̱n, kó xi tjoó kjo̱a̱cho̱o̱n, jmíni̱xtjin nga tsie kjo̱a̱cho̱n sakoó. Kó kui nii̱ ti̱ ta̱kjo̱a̱ndaní bo̱a̱ nga,

Eklesiastee̱ 5:9

Kó ingo ni ngase, ni xi tsjá tꞌanangii̱ ngayeje xota̱ na̱xi̱ńdaá xi nda maá, kó ngaskande ti̱ kuii̱ nda̱ ree̱ koyakjo̱a̱a̱ tꞌanangii̱ nga.

Matioo̱ 11:28

Ndibáchonjnúꞌun ngayejejnú jún xota̱ xi je jendajnú nga kiniꞌánxájnú, ko̱jo xi ni xi é kichꞌiájnú, kó án xí sa̱ꞌin an nga si̱ꞌankjaꞌyájnú.

Rkaa̱ 12:20

Ta̱nga Néná, bi̱ katsoó: “Nda̱ chi̱ni, a yejín nga kui ni̱xtji̱e̱e̱n ko̱yè jí, kó ni xi je kachjeꞌétjé ji, ꞌyá xí tsi̱ꞌe̱ ka̱ma.”

1 Xo̱jo̱o̱n Juaa̱ 2:16

Ngatꞌa̱ ngojín ni xi tjín kuí nga̱sondiee̱ xi Na̱ꞌmii̱ ndibánií, xikoó ni xi ndajín xi mejeén yojoná, ko̱jo ni xi ya xi mejénná si̱ꞌantsa̱ñá, ko̱jo kjo̱a̱nkꞌatakón xi tsjáná nga tsꞌatio ni xi machjiénná ꞌbéná. Ngayeje kui nii̱ nga̱sondiee̱ ndibánií.