Eklesiastee̱ 4:1 - Xo̱jo̱n eén Néná

¹ Kósꞌe̱ ti̱ askotsijen ngiñá an, kó kui nii̱ xi kamábe an: Achichí má xota̱ xi tjíꞌbiniéꞌniuú xá, kuí nga̱sondiee̱, kó kui xota̱ xi bo̱a̱ ndyi̱tsꞌe̱én, kuí boá xi botixómaá, ndyi̱kjandà xotaa̱, kó nde jmíjín xi tsꞌéndájoón.

Eklesiastee̱ 4:1 Iomraidhean Croise

Joo̱b 16:4

Tsi ngajona tindyiónjnú, ¡ti̱ bo̱a̱ ti̱ tsꞌén kuichjiájojnúꞌun nga! ꞌNiú kongítaꞌínjnúꞌun, kó kojnókiejnúꞌun nga sa̱ꞌintíyáa̱ tokó án.

Joo̱b 35:9

»Achichí ni xi ndajín xi tjín kuí nga̱sondiee̱, nga xotaa̱ míꞌá nga ko̱siko̱jo, tsi̱ꞌe̱ nga kjo̱tjongii̱ yojoo̱ ngi̱ya tsja xota̱ xi tjiín ngaꞌniuú.

Joo̱b 6:29

Kixi̱ ti̱ꞌanjo̱jnúꞌun, kó ngiti̱ ta̱xkiya fongitaꞌínjínjnúꞌun ngo jé, ta̱sá tꞌíyájnú nga jmíjéjínna.

Joo̱b 9:24

Tsi ngo xota̱ xi ꞌniú ndajín kjíbé kjo̱a̱ꞌniú ngo xoꞌba, Néná boá xi bójñoó ndyi̱ko̱n xota̱ xi botíjeé. Kó tsi Nénájín xi bo̱a̱ tsꞌeén, ja̱ ꞌyání tsobo̱a̱.

Xo̱jo̱n Salmoo̱ 12:5

Ta̱nga ta̱ngatꞌanii̱ nga ndajín kjimataꞌin xota̱ ni̱ma̱a̱, ko̱jo ta̱ngatꞌanii̱ nga ni̱ma̱ ndyi̱tsó xota̱ xi ni̱ma̱kjo̱a̱a̱, kuíni nga bi̱ kase ji: «Ngotꞌe̱ ꞌne̱ kjo̱stjíe̱n mára an, tsi̱ꞌe̱ nga skóo̱n xota̱ xi tjímojnóchaá».

Xo̱jo̱n Salmoo̱ 142:4

Nda má tsitsíjin ji nga fojnína: ¡ta̱ꞌyajín xi tsꞌensénna! ¡Ta̱ꞌyajín xi kónna! ¡Ta̱ꞌyajín xi ndasen maa̱ an!

Xo̱jo̱n Salmoo̱ 142:5

Ji Ne, jí boá xi ꞌniú tsꞌénmíꞌaá ko̱jo bi̱ tꞌíxiaán: «¡Jí boá xi tichínní! ¡Kꞌi̱e̱ kui nga̱sondiee̱ jí boá ngayeje ni xi tjínna!»

Xo̱jo̱n Salmoo̱ 42:3

Ndándyíkón án boá xi kamá ni chiniena ko̱jo ni xi katsꞌe an nga ni̱xtjin ni̱xtji̱e̱n, tji̱e̱nga nga ngo ni̱xtjii̱n nga bi̱ kiꞌmína: «¡Ñá tikón Nèe̱ ngotꞌe̱ ꞌne̱!»

Xo̱jo̱n Salmoo̱ 42:9

Bi̱ xiáa̱n kui: Ji xi ndi̱jo̱ jena. Míkjo̱a̱a̱ nga kiniꞌínchíyéní. Míkjo̱a̱a̱ nga tikón xa̱ꞌya̱ an, ta̱ngatꞌanii̱ nga kondra̱na ndajín tjítsꞌénjo̱na.

Xo̱jo̱n Salmoo̱ 69:20

Kjo̱a̱mojnóchaá je katsꞌénꞌoón ini̱ma̱na, achichí ndasen je tikón an, Askoyáa̱ nga tjín xí ni̱ma̱ ka̱maa̱ an, ta̱nga jmíjín xi bo̱a̱ katsꞌén, askoyáa̱ nga tjín xí sa̱ꞌíndajonna, ta̱nga jmíjín xi jachó,

Xo̱jo̱n Salmoo̱ 69:21

ni xi tjiín sa ikindyiaa̱ ni chiniena, kó kjiꞌanga kamáxíndána, bino̱ san katseꞌéna.

Xo̱jo̱n Salmoo̱ 80:5

Ngindiee̱ nga nichinie xi ko̱e̱ꞌée̱, ta̱sá pan xi tjiín ndándyíkon katseꞌée̱, Ngindiee̱ nga ni xi ꞌyó ko̱e̱ꞌée̱, ta̱sá achichí ndándyíkón katseꞌée̱ nga katsꞌe.

Éksondo̱ 1:16

—Kjiꞌanga ko̱ꞌna̱je̱njnú ndií ínchjín ebreoo̱, tsitsíjenjnúu̱ tsi xi̱ꞌin ko̱jo tsi chjo̱on, tsi chjo̱on ngata̱ jmí ni niꞌánjo̱jínjnú, ta̱nga tsi xi̱ꞌin, ¡ti̱ꞌankꞌiènjnú!

Éksondo̱ 1:22

nda̱ ree̱ nangi Ejipto̱, bi̱ katsoó nga atíxomaa̱ ngayeje xota̱ na̱xi̱ńdaá: «¡Ngayeje ndí xí xi̱ꞌin xi stse̱én ínchjín Israee̱l, ngi̱jin ndáfoaa̱ tjajmijinjnú, kó ki̱a̱ ngatjisón ngándá, ta̱nga ndí xí ínchjiín, ngata̱ jmí ni niꞌánjo̱jínjnú!»

Énkjínkón 19:7

Ngayeje já ntsꞌi̱e̱ xi xota̱ xi ni̱ma̱a̱ tsꞌenchꞌó, ngatꞌa̱ jmí to̱njiín ¡kó ngaskande já amingoo̱ tsꞌénkjin yojoo̱! Mongase kó ka̱tso̱o̱ tsi̱ꞌe̱ nga kji̱ndi̱bá nginí, ta̱nga ngiti̱ jmí én sakójiín.

Énkjínkón 28:3

Xota̱ ni̱ma̱ xi tsꞌénchéjeé kje̱ꞌe xota̱ ni̱ma̱, xikónií ngo stsé ꞌniú xí tsꞌenkjié ngayeje ni tjieé.

Énkjínkón 29:2

Kjiꞌanga makjín xota̱ xi kixi̱i̱, tsjá maá xota̱ na̱xi̱ńdaá, ta̱nga kjiꞌanga xota̱ xi ndajiín xi makjín, ndasen ꞌbíndo xota̱ na̱xi̱ńdaá.

Eklesiastee̱ 3:16

Kó ti̱ kamábe ngase an ni kui nga̱sondiee̱, ni xi ndajín xi ma ki̱a̱ nínga botíjeé xotaa̱, ko̱jo ni xi ꞌniú ndajín xi ma ki̱a̱ nínga kixi̱tsꞌèn mandajin kjo̱a̱xtii̱ xotaa̱.

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Eklesiastee̱ 7:7

Xota̱ xi kjínkoón xikónií tsi ngo xota̱ xi chi̱ni ka̱ma kjiꞌanga tjín xí tsja̱á ngo to̱n, tsi̱ꞌe̱ nga tjín xí kjo̱a̱ndaa̱ ko̱e̱je̱ni, ngatꞌa̱ kui to̱o̱n, kuí boá xi sa̱ꞌínkjatsón ini̱ma̱a̱.

Eklesiastee̱ 8:9

Ngayeje kui nii̱ xi je kamábe an kjiꞌanga tsangasendi̱yàa̱ ngayeje ni xi niꞌán kui nga̱sondiee̱, ko̱jo xikó kjiꞌi ngaꞌniú xí tjiín xota̱ nga̱sondiee̱ nga ni xi ndajín tsꞌénjo̱ xkjín.

Kjo̱a̱chaꞌaá 1:16

Ta̱ngatꞌanii̱ kui nii̱ nga kjandà an, kó ndyikón án, ndyikón an, kjifotjoo̱ ndándyíkon xikoó ndejèꞌ, ngatꞌa̱ je katsꞌénkjinna yojoo̱ kui xi tsꞌéndájoón ko̱jo xi tsjangaꞌniuú ini̱ma̱na. Ndína achichí ndyi̱kjandà, ngatꞌa̱ kondraa̱ je katsꞌénjne̱.

Kjo̱a̱chaꞌaá 1:17

Na̱xi̱ńdáꞌniú Sioo̱n tsꞌénmején tsja ta̱nga nde ngojín xi tsꞌéndájoón. Néná boá xi katsꞌén nga xota̱ tꞌa ndiꞌaa̱ Jakoo̱b, ti̱ kuii̱ xi kondra̱a̱ ka̱ma. Na̱xi̱ńdáꞌniú Jerusalee̱n jè xikoó tsi ngo ni xi ndándí jè kamá.

Kjo̱a̱chaꞌaá 1:2

Achichí ndasen kjandá nga jñoó, kó ndándyíko̱n ngaskande tꞌanijon tsꞌénkꞌándyi̱. Nde ngojín xi̱ńꞌniú xí kamámejeén ngasꞌe̱ xi mejeén tsꞌéndájoón ngotꞌe̱. Ngayeje xota̱ amingoo̱ je ngiti̱ ꞌniátakónjín, kó je kondra̱ síndonii̱.

Kjo̱a̱chaꞌaá 1:9

Xtjímasienkjaá boá xi je ndándí, kó katsꞌénkjójín ni xi ka̱maa̱ nga kju̱i̱e̱tꞌani. Achichí fíndikónna nga ni̱ma̱kjo̱a̱ ikꞌíjñá, kó nde jmíjín xi katsꞌéndajoo̱n. Ngotꞌe̱ ꞌne̱ bi̱ tsó: «Ji Ne, tsitsíjìi̱n kjo̱a̱ni̱ma̱na, ngatꞌa̱ achichí ngaꞌniú kisꞌie ngasee̱ kondraa̱»

Matioo̱ 26:56

Ta̱nga ngayeje kui nii̱ kjimá tsi̱ꞌe̱ nga kjo̱tjosón ni xi kjitꞌa xo̱jo̱n eén Néná xí katsꞌénda já chji̱ni̱e̱ꞌe̱én Néná. Kósꞌe̱ ngayeje xota̱ tsi̱ꞌe̱ Kjisoo̱ íjñámasien, sꞌe̱ tsanga.

Ndeuteronomio̱ 28:33

»Ngayeje ni̱xtjin nga xota̱ xi nde yàjínjnú xi sa̱ꞌínchejéjnú, kó ndajín sa̱ꞌínjo̱jnú, kó kuí boá xi kꞌo̱je̱n ni xi jún ikꞌítji̱e̱jnú, xota̱ xi nde yàjínjnú ꞌyá kuí bo̱a̱ xi skji̱ni̱e̱ ni xi achichí kjo̱a̱ni̱ma̱ ikꞌítji̱e̱jnú.

Ndeuteronomio̱ 28:48

Kuíni nga Néná achichí kondra̱ sa̱ngíyájnú, kó kuí boá kui xotaa̱ xi ka̱majnú mosoo̱. Néná kjo̱a̱ꞌáxínjnú ngayeje ni xi katsjájnú, kó ni̱ma̱ sa̱ꞌínkꞌíndojnú. Jmí nichinie kꞌuiéjínjnú, ti̱nde kꞌuiéjínjnú ndáfoa, ti̱nde kꞌuiéjínjnú ńjño. ¡Moso̱ ka̱majnú, kó bo̱a̱ tsꞌén nga kju̱i̱e̱ kjin kjinjnú!

Xo̱jo̱o̱n Sandiyaá 5:4

Tsitsíjenjnúu̱ nga kui já moso̱ xi katsꞌénxájin ngi̱jin jno̱jnú xi katseꞌéjínjnú chjií nga kichꞌíṉcha̱jojnú, kui chjií je ndyi̱bongítaꞌinjnú. Ni xi ndyi̱kjandayà kui já mosoo̱, je tsintꞌieé kui Ndi̱a̱ná xi tjiín ngaꞌniuú.