Eklesiastee̱ 3:14 - Xo̱jo̱n eén Néná

¹⁴ Jè kamákjínna nga ngayeje ni xi katsꞌén Néná ngatsjéni̱xtjin nga sꞌi̱jña, jmíjín ni xi sꞌi̱soón, ti̱nde jmíjín ni xi chja̱ꞌáxiín, kó kui nii̱ xi tsꞌén Néná, tsi̱ꞌe̱ nga xota̱ nga̱sondiee̱ sku̱i̱e̱ndikón.

Eklesiastee̱ 3:14 Iomraidhean Croise

Xo̱jo̱n Salmoo̱ 33:11

Ta̱nga kjo̱a̱botíxomaa̱ Néná ngatsjéni̱xtjin nga tikón, kó kjo̱a̱niꞌánkjoó tikón ta̱kjiꞌání.

Xo̱jo̱n Salmoo̱ 64:9

Kó ngayeje xota̱ nga̱sondiee̱ stsa̱kjonní, kósꞌe̱ kjiꞌá boá nga ku̱i̱chji̱a̱ kjo̱a̱a̱ ni xi je katsꞌén Néná, kó ka̱makjiín kui nii̱.

Xo̱jo̱n Salmoo̱ 76:10

Jí boá xi tsꞌéntsjaà kjo̱a̱xcha̱án xota̱ nga̱sondiee̱, kó xikoó tsi ngo tji̱xinꞌbíkjá niꞌín ji kjo̱a̱xchán xí jmí ni chjíjiín xi ꞌbongii̱ xotaa̱.

Énkjínkón 19:21

Achichí má ni xi ꞌbínda nga sa̱ꞌín ngo xota̱, ta̱nga kjo̱a̱botíxomaa̱ Néná boá xi kꞌuijñá ngatsjéni̱xtjin.

Énkjínkón 21:30

Ngindyi̱ko̱n Néná jmíjín ngo kjo̱a̱kjínkón xi chjínií, ko̱jo tsi ngo kjo̱a̱kjíntakón, ko̱jo tsi ngo kjo̱a̱botíxoma.

Énkjínkón 30:6

Ngata̱ fosénjín ngasèe̱ ni eén Néná, ngatꞌa̱ tsájmi̱ sa̱ꞌínjeé nga ko̱kó nga tiꞌbíndisé jí.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Eklesiastee̱ 5:6

Ngata̱ boeꞌéndièjín ji nga ndso̱ꞌbe ko̱ngijeé, ti̱nde nga bo̱a̱jín sé ji ngindyi̱ko̱n ndítsjiee̱ nga ta̱xkiya kandokjo̱e̱ ji. Jmí kjo̱a̱jín nga Néná sa̱ꞌínxchán kjo̱a̱a̱ ni xi kase ji, kósꞌe̱ sa̱ꞌínkjatsón ngayeje xá xí jè kiniꞌín ji.

Eklesiastee̱ 5:7

Kui nga̱sondiee̱ tjikítsie maá ni xi niꞌánkjiín takón, ko̱jo én, ko̱jo ni xi ta̱kjo̱a̱ndaní bo̱a̱, ta̱nga ji chjiéngá ko̱ké ji nga yendikín jí Néná.

Eklesiastee̱ 7:18

Ndakjíꞌí nga chjábé ji kui nii̱, kó ti̱ ꞌniú tjaꞌní jí ni xi ingoo̱ nga, ngatꞌa̱ kui xota̱ xi bendikón Néná, ngayeje nii̱ xi nda fotjoo̱.

Ni xi kamá 2:23

kuí nda̱a̱, xi kiniꞌánkꞌasꞌien nga ja̱bo̱a̱ je índa Néná nga bo̱a̱ ka̱maa̱, kui xi ikꞌítꞌaꞌniújnú ko̱jo xi kiniꞌánkꞌiénjnú, nga kiniꞌánkꞌasꞌienjnú ngi̱ya tsja xota̱ xi ndajín nga akjatꞌa kro,

Ni xi kamá 4:28

tsi̱ꞌe̱ nga sa̱ꞌín ni xi ja̱bo̱a̱ je ikꞌínde ji, ko̱jo ja̱bo̱a̱ je bo̱a̱ kase nga bo̱a̱ ka̱ma.

Ni xi kamá 5:39

ta̱nga tsi tsi̱ꞌe̱ Néná kui xaá, ka̱májínjnú si̱ꞌankjiejnú. Chónjnú yojojnú ngatꞌa̱ tsi ta̱ Néná xí ndyi̱bixkánjo̱jnú. Kó kui jaá katsꞌénseén ni xi kiꞌmií.

Xota̱ Roma̱ 11:36

Ngatꞌa̱ Néná boá xi katsꞌénda ngayeje nii̱, kó ngayeje nii̱ síndo ta̱ngatꞌanii̱ kui, kó kuí tsi̱ꞌe̱. Néná xí Na̱ꞌmii̱ kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Xota̱ Éfeso̱ 3:11

Kui nii̱ xi índa tjón tjón Néná, ndeskande koó ngasꞌe̱, kó ngotꞌe̱ ꞌne̱ je jatjosón ngatꞌaa̱ Kristo̱ Kjisoo̱, kui xi Ndi̱a̱ná.

Ndeuteronomio̱ 32:4

Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.