Eklesiastee̱ 3:11 - Xo̱jo̱n eén Néná

¹¹ Ni̱xtjin nga katsꞌénda Néná ngayeje nii̱ achichí tsjákón katsꞌén, kó íjin ngi̱jii̱n ini̱ma̱a̱ xotaa̱ tsi̱ꞌe̱ nga ka̱makjiín kjo̱a̱a̱ kjo̱a̱mindyion ngatsjéni̱xtjii̱n, ta̱nga xotaa̱ niꞌin makjiín ni xi je katsꞌén Néná ndeskande koó nga ítjatsꞌennii̱, ngaskande nga kju̱e̱tꞌanii̱.

Eklesiastee̱ 3:11 Iomraidhean Croise

Jenesii̱s 1:31

Kó tji̱e̱nga Néná askotsijee̱n nga tsjakon kamá ni xi katsꞌéndaa̱, kamájñó, sꞌe̱ jaskan kisisie̱èn. Kuí boá xi̱ꞌba̱ ni̱xtjin xi ma juu̱n.

Joo̱b 11:7

»A beriítakín ji nga ka̱maa̱ xchi̱e̱ ji ni xi tjiꞌmaá Néná. A ka̱maári kixi̱ ka̱ma ji, xikoó kui Néná xi tjiín ngayeje ngaꞌniuú.

Joo̱b 37:23

Nde ka̱makjínjínná kjo̱a̱je xi tjiín Néná xí tsi̱ꞌe̱ ngayeje ngaꞌniuú, achichí ngaꞌniú tjiín, ko̱jo achichí je kjo̱a̱kixi̱i̱.

Joo̱b 5:9

Kui xi tsꞌén kjín kjo̱a̱ndikón ko̱jo ni xi fíndikónná, xi nde jmíjín xi ka̱makjiín.

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Énkjínkón 16:4

Tjín ngo kjo̱a̱ nga Néná katsꞌénda ngayeje nii̱, ¡kó ngaskande xota̱ xi ꞌniú ndajiín, kamánda tsi̱ꞌe̱ ni̱xtjin nga ka̱majeé!

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 11:5

Xikótsꞌèn nga yejín ji ñá xtji̱e̱e̱n fí tjo̱o̱, ko̱jo nga yejín ji kótsꞌèn kjimaxchá ngo ndí ngi̱ya ndo̱bo̱a̱ndií na̱aa̱n, ti̱ bo̱a̱ ti̱ tsꞌén nde yejín ji ni xi tsꞌén Néná, kui Néná xi katsꞌénda ngayeje nii̱.

Eklesiastee̱ 7:13

Tsitsíjìi̱n ni xi je katsꞌénda Néná, ngatꞌa̱, ꞌyá xí ka̱maa̱ sa̱ꞌínna̱xo̱ ni xi kui katsꞌénti̱ki̱e̱n.

Eklesiastee̱ 7:23

Kjo̱a̱kjínkoón katsꞌenkjién án nga askotꞌayákón ngayeje kui nii̱, kósꞌe̱ bi̱ kixian an: xota̱ xi kjínkón ka̱ma an, ta̱nga tsanga boaꞌána kjo̱a̱kjínkoón.

Eklesiastee̱ 7:29

Ta̱kuitoto kui nii̱ xi kasakona: nga Néná kixi̱tsꞌèn katsꞌénda xota̱ nga̱sondiee̱, ta̱nga xota̱ nga̱sondiee̱ boá xi tsꞌenníꞌiín kjo̱a̱mindyioo̱n.

Eklesiastee̱ 8:17

bo̱a̱ tsꞌén nga je kamábe an ngayeje ni xi je katsꞌénda Néná, kó ti̱ je kamábe an nga xota̱ nga̱sondiee̱ jmíni̱xtjin nga ka̱makjiín ni xi ma kui nga̱sondiee̱. Ndatsi ꞌniú ka̱mamejeén nga ka̱makjiín, ka̱makjínjiín, kó ndatsi xota̱ xi kjínkoón xi bo̱a̱ ka̱tso̱ nga mejeén nga ka̱makjiín, jmí tsi kjo̱a̱a̱ kui nii̱, sꞌe̱ ka̱makjiín ngijee̱.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 13:22

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n tsꞌénxí eén Néná, kó kui nii̱ xi tsjandièjín nga boajaá to.

Markoo̱ 7:37

Kó achichí kijíndikoón xotaa̱ kui nii̱, kó bi̱ katsó: –Ngayeje nii̱ xi nda tjítsꞌén. ¡Ngaskande tsꞌénkíntꞌié xota̱ xi xtiya, ko̱jo tsꞌénkíchji̱a̱ xota̱ xi ni̱ma̱!

Xota̱ Roma̱ 1:28

Kó nga akó kui xotaa̱ nga kamámejénjiín katsꞌénseén Néná, Néná índomasien tsi̱ꞌe̱ nga kjo̱tsòn kjo̱a̱kjíntakoón, tsi̱ꞌe̱ nga sa̱ꞌín ni xi májín niꞌán.

Xota̱ Roma̱ 11:33

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.

Ndeuteronomio̱ 32:4

Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.