Eklesiastee̱ 3:1 - Xo̱jo̱n eén Néná

¹ Ngayeje nii̱ xi ni̱xtjin tjiín, kó chi̱bo̱a̱ tjiín nga ma ni xi ma nga̱sondiee̱.

Eklesiastee̱ 3:1 Iomraidhean Croise

Énkjínkón 15:23

Achichí tsjá maá xotaa̱ nga be nga nda ni xi chji̱a̱, kó achichí nda ngase maa̱ kjiꞌanga kuí má chi̱bo̱a̱a̱ nga tsjá ngo én.

Énkjínkón 24:27

Ngindiee̱ nga si̱ꞌinde ji ndiꞌàa̱, tjónmára ti̱ꞌin ji xá xí niꞌín ji nínga xín, ko̱jo xá xí niꞌín ji ngi̱jin jno̱o̱.

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 2:17

Kuíni nga katsꞌenchꞌó an kjo̱a̱mindyioo̱n, ngatꞌa̱ xá xí niꞌán kui nga̱sondiee̱ je tsꞌajonna, ngatꞌa̱ ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 2:3

Kósꞌe̱ kamámejénna nga katsjáa̱ kjo̱a̱tsja yojona nga achichí bino̱ katsꞌe an, kó jmíni̱xtjin nga kichajá tokó án. Kamámejénna katsꞌen an kui ni xi chi̱nii̱, tsi̱ꞌe̱ nga skuie an mí ni xi nda xi sakoó xotaa̱, kjo̱a̱a̱ ngayeje xá xí tsꞌén ni̱xtjin nga síndo kui nga̱sondiee̱.

Eklesiastee̱ 3:17

Kósꞌe̱ bi̱ tsꞌén katsꞌenkjó án: Xota̱ xi kixi̱i̱ ko̱jo xota̱ xi ꞌniú ndajiín, Néná boá xi ko̱kó tsi nda ko̱jo tsi ndajín katsꞌén, ngatꞌa̱ ki̱a̱ boá nínga tikón ngo ni̱xtjin kjo̱a̱a̱ ngayeje ni xi mejénná si̱ꞌán, ko̱jo ngayeje ni xi niꞌán.

Eklesiastee̱ 7:14

Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Matioo̱ 16:3

Kó tsi nga ta̱jño̱ó, bi̱ ꞌmíjnú: Stsé ko̱jo tjo̱ ka̱ma, tsi iní ngindie jàn ko̱jo tsi ṉdi̱ ndyi̱a̱. ¡Xota̱ jókje̱n! Ánní nga yàjnú nga nda, axa̱ ndajín ka̱ma ni̱xtjii̱n nga tsitsijenjnúu̱ kókjiꞌi nkꞌa jàn. Kó ánní nga makjínjínjnú chi̱bo̱a̱ xi tjisꞌíjñá kui ni̱xtjii̱n.