Eklesiastee̱ 2:26 - Xo̱jo̱n eén Néná

²⁶ Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 2:26 Iomraidhean Croise

Jenesii̱s 7:1

Kósꞌe̱ Néná bi̱ katsoó Noee̱: «Ngi̱jii̱n ngayeje xota̱ xi tjín kuí ni̱xtjin xi̱ꞌbi̱, jè kamábe an nga ta̱ jí tsí xi nda ji xota̱, kuíni nga ti̱tjásꞌi̱e̱njnú ngi̱ya kui tjotso xi ta̱nisién ꞌniú jee̱, ji ko̱jo xota̱ ndiꞌàa̱.

Joo̱b 32:8

Nga ja̱koxi̱ xota̱ nga̱sondiee̱ tikónjii̱n ngo a̱siénni̱xtjin, ngo tjo̱ xi katsjaá Néná xí tsi̱ꞌe̱ ngayeje ngaꞌniuú, kó kuí boá kui a̱si̱énni̱xtjii̱n xi tsjaá kjo̱a̱kjíntakón.

Joo̱b 38:36

Tꞌíyéní ꞌyá xí katsjaá kjo̱a̱kjínkón cho̱ ibii̱s ko̱jo xo̱nda̱xi̱ꞌii̱n.

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Énkjínkón 13:22

Xota̱ xi ndaxotaa̱ ꞌbijñaá ni ndíndeé, ta̱nga kjo̱a̱cho̱o̱n xota̱jeé, xota̱ xi kixi̱i̱ boá xi sa̱ko̱ó.

Énkjínkón 2:6

Ngatꞌa̱ Néná boá xi tsjá kjo̱a̱kjínkoón, kó kjo̱a̱kjíntakoón, ko̱jo kjo̱a̱chji̱ni̱e̱e̱ tsꞌoa boá xi fotjonii̱.

Énkjínkón 28:8

Xota̱ xi kjimacho̱n nga tsꞌénkíyà to̱n nga tsie ndyi̱ko̱n foaꞌáchjí, kui to̱o̱n, tsi̱ꞌe̱ xota̱ xi nda tsꞌénjo̱ xota̱ ni̱ma̱ boá.

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 1:14

Askotsijèe̱n ngayeje xá xí niꞌán kui nga̱sondiee̱, kósꞌe̱ kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 2:25

Ngatꞌa̱, ꞌyání xí nda ngase skji̱ni̱e̱ nichinie, ko̱jo xi nda ngase skoón yojoo̱, xikoó án.

Eklesiastee̱ 3:10

Jè kamábe an xá ꞌniú xi Néná ꞌbínieé xota̱ nga̱sondiee̱, tsi̱ꞌe̱ nga sa̱ꞌínkjatjosón.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Juaa̱ 16:24

Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.