Eklesiastee̱ 2:16 - Xo̱jo̱n eén Néná

¹⁶ Ngatꞌa̱ jmíjín xi sa̱ꞌínkjaꞌátsjien xota̱ xi kjínkoón ko̱jo xota̱ xi kitikjo̱a̱a̱, ngatꞌa̱ ni̱xtjin xi jaskan ndibaá ngayeje nii̱ xi si̱ꞌanchíyá, kó ko̱yà xota̱ xí kjínkoón, kó ti̱ ko̱yà xota̱ xí kitikjo̱a̱a̱ nga.

Eklesiastee̱ 2:16 Iomraidhean Croise

Xo̱jo̱n Salmoo̱ 103:16

ta̱nga ngije foaꞌa tjo̱o̱, jè ngiti̱ mindyiónján nga̱sondie, kó ingojín xi ma be ngasená.

Xo̱jo̱n Salmoo̱ 49:10

Ngatꞌa̱ sku̱i̱e̱ nga ngaskande xota̱ xi kjínkoón fesón nga, kó ti̱ fesón xota̱ xi jmí ni bejín, ko̱jo xi kitikjo̱a̱a̱ nga, kó kjo̱a̱cho̱o̱n kje̱ꞌe xí ꞌbijñaá.

Xo̱jo̱n Salmoo̱ 88:12

A tjín xí sku̱i̱e̱ndikón kjo̱a̱ndikón xí niꞌín ji, ki̱a̱ nínga ꞌniú jñoó, axa̱ tjín xi sku̱i̱e̱ndikón kjo̱a̱kixi̱ xi niꞌín ji, ki̱a̱ ngi̱ndie nínga je kiniꞌánchíyaá.

Éksondo̱ 1:6

Jaskan ngije jaꞌa ni̱xtjin kꞌien Jakoo̱b, ko̱jo Kosiee̱, ko̱jo ngayeje xota̱ xi nijan jachójo̱ nangi Ejipto̱.

Éksondo̱ 1:8

Jaskan ngije jaꞌa kjín nó, atíxoma ngo nda̱ re tja̱tsi̱e̱ xi kamábejín ngayeje ni nda xi katsꞌén Kosiee̱ nga asíko̱jo nangi Ejipto̱,

Énkjínkón 14:8

Xota̱ xi kjínkoón ko̱jo xi xi̱ꞌinkjo̱a̱a̱, jè be ndi̱yà nínga fí, ta̱nga xota̱ xi kitikjo̱a̱a̱, ti̱kuíní kjo̱a̱kitikjo̱a̱a̱ xi ꞌboṉcha̱jo.

Eklesiastee̱ 1:11

Jmíjín ngo kjo̱a̱foaꞌátsjien kjo̱a̱a̱ ni xi je kamaá, ti̱nde xota̱ xi jaskan stse̱én, kjo̱a̱ꞌátsjienjiín ni xi ka̱ma.

Eklesiastee̱ 2:14

Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Eklesiastee̱ 2:15

Kósꞌe̱ bi̱ tsꞌén katsꞌenkjó án: xikó ka̱maa̱ xota̱ xi kitikjo̱a̱a̱, ti̱ bo̱a̱ ti̱ ka̱mana an nga. Kósꞌe̱ mítsjà katsꞌenxá án ngaskande nga xota̱ xi kjínkón kamá an. Kósꞌe̱ bi̱ tsꞌén katsꞌenkjó án, nga ko̱jo kui nii̱ xi ta̱kjo̱a̱ndaní bo̱a̱ nga.

Eklesiastee̱ 6:8

Ngatꞌa̱, mí ni xi tjín ngasee̱ xota̱ xi kjínkoón, ko̱jo xota̱ xi kitikjo̱a̱a̱. Kó mí ni xi tjín ngasee̱ xota̱ xi ni̱ma̱a̱, kui xi kamaá nga jaꞌatio kui nga̱sondiee̱.

Eklesiastee̱ 7:2

Chjí ngasenii̱ nga ngo ndiꞌa nínga tjín xí kꞌien mongín, ta̱bo̱a̱jiín tsi ngo sꞌué mongín, ngatꞌa̱ kjo̱a̱bo̱yaa̱ boá nínga fetꞌani ni̱xtjii̱n xotaa̱, kó xota̱ xi síndo ngasee̱ chjiéngá kjo̱a̱ꞌátsjiee̱n kui nii̱.

Eklesiastee̱ 8:10

Ti̱ je kamábe an nga achichí ndikóntsꞌèn fonijín xota̱ xi ꞌniú ndajiín, tji̱e̱nga kui xota̱ xi ngotjón ngotjón kijí ki̱a̱ ndiꞌandikoón, kiniꞌánchíyá ti̱ ki̱a̱a̱ na̱xi̱ńdáꞌniú nínga achichí kixi̱ kamá. Kó kui nii̱ ti̱ ta̱kjo̱a̱ndaní bo̱a̱ nga.

Eklesiastee̱ 9:15

kó kui ngi̱ndiee̱ kisꞌijña ngo nda̱ xi ni̱ma̱ xi jmí to̱njiín, xi kjínkón kamá, xi kamaá katsꞌénkjién kjo̱a̱kjínkoón nga tsꞌaxiéꞌá kui ndí na̱xi̱ńdáꞌniuú katsaki, ta̱nga kjo̱a̱a̱ nga achichí ni̱ma̱, ¡nde ngojín xi jaꞌátsjiee̱n kui nda̱a̱!

Eklesiastee̱ 9:5

Ngatꞌa̱ xota̱ xi to̱kó síndo ngasee̱, jè be nga kjo̱chó ni̱xtjin nga ko̱yà, ta̱nga xota̱ xi je jesoón, jè ngiti̱ jmí ni bejín kuí, ti̱nde ngiti̱ jmí to̱n tsꞌénjín ngase, ngatꞌa̱ kjo̱a̱foaꞌátsjiee̱n jè kisꞌijñachíyá.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.