Eklesiastee̱ 2:10 - Xo̱jo̱n eén Néná

¹⁰ Ngayeje ni xi kamámejénna nga skuie an, kamábe an, ngayeje kjo̱a̱tsja xi kamámején ini̱ma̱na, katsꞌenkjatjosón an, ngatꞌa̱ ini̱ma̱na tsja kamaá kjo̱a̱a̱ ngayeje xá xí katsꞌen an, kó ngayeje kui nii̱ xi katsꞌen an kjo̱a̱a̱ kui xaá.

Eklesiastee̱ 2:10 Iomraidhean Croise

Jenesii̱s 3:6

Kó kui naa̱ askotsijee̱n nga ma chinie kui too̱, kó nga tsjakon kamaá, kamáxke̱, sꞌe̱ katsꞌénkjiín ini̱ma̱a̱ nga kui too̱ xi tsja̱á kjo̱a̱kjínkón. Kó bo̱a̱ tsꞌén tsꞌenje̱n ngo too̱ kui yaá, sꞌe̱ iskjinie. Jaskan katsjaá xi̱ꞌii̱n, kó iskjinie kui nda̱a̱ nga.

Jenesii̱s 6:2

Kósꞌe̱ ndií Néná nga kamábe nga tsjakon kamá ndí xí ínchjiín xota̱ nga̱sondiee̱, jaꞌájin ínchjín xi kamámejeén sꞌe̱ kisꞌińdojo̱.

Joo̱b 31:1

»Jè bo̱a̱ kixiáa̱n ndyikón an nga chꞌójín tsꞌén skotsíjee̱n ínchjín xo̱ngo̱ò.

Xo̱jo̱n Salmoo̱ 119:37

Ngata̱ boeꞌéndièjín ji nga ni xi Nénájín xi kjuíntjíngí an, ngatꞌa̱ ta̱ jí tsí xi sa̱ꞌindikoón. ¡Ti̱ꞌinkjatjosén ji ni xi kiꞌmíyetjén, kó ti̱ꞌinꞌnítakínní!

Xo̱jo̱n Salmoo̱ 128:2

Tsi kui nii̱ tiniꞌín ji, Néná achichí tsie sa̱ꞌínchikonñeé. Ki̱a̱ ndiꞌàa̱ xi̱ni̱ ji nichinie, ko̱jo tsjatsꞌèn si̱ꞌinkjìn jí ni xi si̱ꞌin nga si̱ꞌinxé. Achichí ndí kꞌuieé chjóo̱n. ¡Xikó maá ngo én tostsi̱je̱è ka̱ma! Jmí ni̱xtjin xcha̱ja nichinie nga̱són yámíxa̱a̱, kó ndíi̱ ka̱maxchá xikó maá tsi yá olibo̱.

Énkjínkón 23:5

A jè kamáyè ji tsi tjín kjo̱a̱cho̱n. Jmí jmíjín. Ngatꞌa̱ xikónií tsi nga̱a̱ ja̱ fotjoo̱, sꞌe̱ fítji̱e̱n nga chaja nkꞌa jàn.

Eklesiastee̱ 11:9

Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Eklesiastee̱ 2:1

Kósꞌe̱ bi̱ tsꞌén katsꞌenkjó án: Ngotꞌe̱ ꞌne̱ nga skotꞌa an kjo̱a̱tsjaa̱, ko̱jo ni nda xi tjiín kjo̱a̱mindyioo̱n. ¡Ta̱nga ngaskande kui nii̱ xi ta̱kjo̱a̱ndaní bo̱a̱ nga!

Eklesiastee̱ 2:22

Ngatꞌa̱, mí ni xi tsꞌén xota̱ nga̱sondiee̱ kjo̱a̱a̱ ngayeje xaá ko̱jo ngaꞌniú xí katsꞌén nga achichí nda̱ kamaá nga katsꞌénxá kuí nga̱sondiee̱.

Eklesiastee̱ 2:24

Jmíjín ingo ni xi nda ngase, nga xota̱ nga̱sondiee̱ skji̱ni̱e̱ ko̱jo kꞌuí, ko̱jo nga tsja ka̱maa̱ nga kꞌuijñá nga̱sondie kjo̱a̱a̱ xaá. Kó jè kamábe an nga kui nii̱, ngi̱ya tsja Néná ndibání.

Eklesiastee̱ 3:22

Kuíni nga jè kamábe an, nga jmíjín ingo ni xi nda ngase nga tsja ka̱maa̱ xota̱ nga̱sondiee̱ kjo̱a̱a̱ xaá, ngatꞌa̱ kuí bí kui nii̱ xi tsoboaá nga sa̱ꞌín, ngatꞌa̱, ꞌyá xí kjo̱e̱ꞌéjo̱ nginí kui nga̱sondiee̱ tsi̱ꞌe̱ nga sku̱i̱e̱ ni xi kamá jaskan ngije kꞌien.

Eklesiastee̱ 5:10

Xota̱ xi tjoó to̱o̱n, tsꞌéntsiejiín to̱o̱n, kó xi tjoó kjo̱a̱cho̱o̱n, jmíni̱xtjin nga tsie kjo̱a̱cho̱n sakoó. Kó kui nii̱ ti̱ ta̱kjo̱a̱ndaní bo̱a̱ nga,

Eklesiastee̱ 5:17

Kó ngayeje ni̱xtjin nga kꞌuijñá, kꞌuijñá xikoó tsi nínga jñó tikón, kó ndasen ka̱maa̱, kꞌuieé xi so xi ndakjan, kꞌuieé chiꞌin, ko̱jo kjo̱a̱xti.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Eklesiastee̱ 6:2

Tjín xota̱ xi Néná achichí kjo̱a̱cho̱n, ko̱jo ni, ko̱jo kjo̱a̱yandikón tsjaá. Tjiín ngayeje ni xi chjieén, ko̱jo ni xi mejeén nga kꞌuieé, ta̱nga Néná tsjandièjiín tsi̱ꞌe̱ nga tsjatsꞌèn sa̱ꞌínkjién ngayeje kui nii̱. Kó ta̱sá kje̱ꞌe xota̱ xi nde yajín ꞌyá kuií bo̱a̱ xi tsjatsꞌèn tsꞌénkjién. Kui nii̱ ti̱ ta̱kjo̱a̱ndaní bo̱a̱ nga, kó ni xi achichí tsꞌénꞌónná boá.

Eklesiastee̱ 6:9

Chjí ngasenii̱ ni xi ndyi̱be ndyikón, ta̱bo̱a̱jiín ni xi ta̱ niꞌánkjínñáa̱ takón. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 8:15

Kuíni nga an ta̱sá tsjá kamána kjo̱a̱a̱ kjo̱a̱tsjaa̱, ngatꞌa̱ ni xi nda ngase xi ka̱ma sa̱ꞌín xota̱ nga̱sondiee̱, kuí boá nga skji̱ni̱e̱, nga kꞌuí, ko̱jo nga tsja tsꞌén kꞌuijñá, ngatꞌa̱ ta̱kuítsí kui nii̱ xi tsijeén kjo̱a̱a̱ xá xí katsꞌén ni̱xtjin xi katsjaá Néná nga kisꞌijña kui nga̱sondiee̱.

Eklesiastee̱ 9:6

Nijan jesónjo̱ kjo̱a̱tjoó, ko̱jo kjo̱a̱niꞌánchꞌoó, ko̱jo kjo̱a̱ꞌontakoón, kó jmíni̱xtjin ka̱ma sa̱ꞌín ngase ni xi niꞌán kui nga̱sondiee̱.

Eklesiastee̱ 9:9

Tsjatsꞌèn ti̱ndyinje̱ ji chjo̱on xí tjoó, ngayeje ni̱xtjin nga ku̱i̱ndyin ji kui nga̱sondiee̱, ngayeje kui ni̱xtjin xi ta̱kjo̱a̱ndanií, ngatꞌa̱ kuí boá kui nii̱ xi tsoboaá, ko̱jo xá xí kꞌuiníi̱ yojòo̱ kui nga̱sondiee̱.

1 Xo̱jo̱o̱n Juaa̱ 2:16

Ngatꞌa̱ ngojín ni xi tjín kuí nga̱sondiee̱ xi Na̱ꞌmii̱ ndibánií, xikoó ni xi ndajín xi mejeén yojoná, ko̱jo ni xi ya xi mejénná si̱ꞌantsa̱ñá, ko̱jo kjo̱a̱nkꞌatakón xi tsjáná nga tsꞌatio ni xi machjiénná ꞌbéná. Ngayeje kui nii̱ nga̱sondiee̱ ndibánií.