Eklesiastee̱ 12:7 - Xo̱jo̱n eén Néná

⁷ Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 12:7 Iomraidhean Croise

Jenesii̱s 18:27

Ta̱nga Abraa̱n ti̱ bi̱ ti̱ katsó nginií Néná: —Ne tsa̱ꞌa̱n, ti̱ꞌinjetakínní nga bi̱ tsꞌén tsꞌénchji̱a̱joo ji, ja̱ jè yé ji nga ngindyikin ji jmí ni chjíjiín an.

Jenesii̱s 2:7

Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Joo̱b 20:11

ndatsi ngotꞌe̱ achichí ngaꞌniú tjiín xikoó tsi xo̱ngò, ta̱nga ki̱a̱ nga̱tsjo̱ó chojo kamá nginí.

Joo̱b 7:21

Ánní nga niꞌínjetakínjínní, sꞌe̱ niꞌínchíyé ji ni xi ndajín xi katsꞌen an. Ngatꞌa̱ jè ńdie ka̱má ngiñá an, kó tsi ndyiojón ku̱i̱ndyi̱séní, jè ngiti̱ jmíjín an, jè aya an».

Xo̱jo̱n Salmoo̱ 103:14

Jè be nda nda Néná kókón ñá, ¡jè be nda nda nga chojo boá ñá!

Xo̱jo̱n Salmoo̱ 104:29

Tsi niꞌínsénjíi̱n achichí tsakjón má, tsi chje̱ꞌéxíi̱n tjo̱ xi kjiendáni, fesón kó chojo má nginí,

Xo̱jo̱n Salmoo̱ 146:4

Kjiꞌanga ꞌme kui xotaa̱ chojo má nginí, kó kui ni̱xtjii̱n nijan fesón kui ko̱jo ngayeje ni xi índa.

Xo̱jo̱n Salmoo̱ 31:6

Chꞌóna xota̱ xi ne xi jmí ni chjíjiín kjimaꞌniátakón, ¡ta̱nga an, Néná boá xi tsꞌénkoyàa̱!

Xo̱jo̱n Salmoo̱ 90:3

Jí boá xi niꞌín ji nga chojo má nginí xota̱ nga̱sondiee̱, kó bi̱ sée̱: Chojo ngatama nginíjnú jún ndií Andaa̱n.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Xki̱ 27:16

—Ne tsa̱ꞌa̱n, jí boá xi tiboeꞌéjne̱ kjo̱a̱mindyion ngayeje ji̱n. Án míꞌaá nga te̱ꞌée̱ xota̱ Israee̱l ngo ngito̱ko̱

Rkaa̱ 23:46

Kósꞌe̱ Kjisoo̱ achichí ꞌniú askjandáyà, nga bi̱ katsó: –¡Na̱ꞌmi, ngi̱ya ndse̱ ji ꞌbijñá an ini̱ma̱na! Ngije bo̱a̱ katsó, jeꞌetsíꞌoón, sꞌe̱ kꞌien ngijee̱.

Ni xi kamá 7:59

Kó tji̱e̱nga tjifóyà ndi̱jo̱ Ixtibaa̱, bi̱ katsó nga tsíchji̱a̱a̱ Néná: –Ji Ndi̱a̱ Kjiso̱, chjábé ji a̱si̱énni̱xtjinna.

Xota̱ Ebreo̱ 12:23

Ki̱a̱ jáchójnú nínga kamátikó xota̱ xi tjón kamá ndií Néná kui xi je kjitꞌa jaꞌeén ki̱a̱ ndiꞌakꞌajmii̱. Tsangínchon tiñajnú kui Ne xi tsáyà tsi nda ko̱jo tsi ndajín tsꞌén ngayeje xotaa̱, ki̱a̱ nínga síndo a̱si̱énni̱xtjii̱n xota̱ xi ndaa̱, kui xi Néná katsꞌén xi chjiéngá ka̱ma.

Xota̱ Ebreo̱ 12:9

Kui nga̱sondiee̱ kjiꞌanga jákjíndí kamá ñá, xi xcháná boá xi katsꞌénchji̱ni̱e̱ná, kó kamáyàndikón kuí. Kó kótsꞌèn nga ndajín ngase ko̱nda̱ꞌyáꞌée̱n kui Na̱ꞌminá xi tsi̱ꞌe̱ a̱si̱énni̱xtjii̱n, tsi̱ꞌe̱ nga tsja̱aná kjo̱a̱mindyion.