Eklesiastee̱ 12:1 - Xo̱jo̱n eén Néná

¹ Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji, ngindiee̱ nga kji̱ndi̱bá ni̱xtjin xi ndajiín, kósꞌe̱ bi̱ sé jí: «jè ngiti̱ tsjajín tjínna nga tikón an nga̱sondie».

Eklesiastee̱ 12:1 Iomraidhean Croise

Jenesii̱s 39:2

Achichí nda kisꞌijña Kosiee̱ ndiꞌaa̱ nda̱ Ejiptoo̱ xi ndi̱a̱a̱ kamá, ngatꞌa̱ Néná tikónjo̱.

Jenesii̱s 39:23

Kó kui nda̱ xi ngito̱ko̱o̱ ndo̱bo̱a̱ya̱à nde chjiénjín nga askotsijee̱n ni xi je ngi̱ya tsja Kosiee̱ tikón, ngatꞌa̱ Néná tikónjo̱ Kosiee̱, kó kuí boá xi bosikójo nga nda kamá ngayeje ni xi katsꞌén.

Joo̱b 30:2

¡Kó sa̱ꞌín kui xotaa̱, xi je ngiti̱ jmí ngaꞌniújiín!

Xo̱jo̱n Salmoo̱ 119:55

Ji Ne, kjiꞌanga jñoó chjiá an jaꞌée̱n, mejénna nga kjuíntjíngí an kjo̱a̱bokoyáa̱,

Xo̱jo̱n Salmoo̱ 34:11

Ja̱bíchonjnúꞌun jún ndí jákjíndí, ¡tasiénijónjnúꞌun! Kokoyámárajnúꞌun tsi̱ꞌe̱ nga xcha̱ndikónjnú Néná.

Xo̱jo̱n Salmoo̱ 63:6

Kjiꞌanga je kjiꞌijña an, kó foaꞌátsjienna ji, jí boá xi tsꞌenkjoó nga ngo ni̱xtji̱e̱e̱n.

Xo̱jo̱n Salmoo̱ 90:10

Ichítié ko̱jo kan tsí nó mindyionjne̱ nga̱sondie, kó xota̱ xi ngi̱chí tjingáꞌniuú ngaskande ichítié ko̱jo kantié nó fóchó, ta̱nga ngayeje kjo̱a̱nkꞌakoo̱n, ta̱ ni xi jmí ni chjíjiín tsí bo̱a̱, ngatꞌa̱ tsá foaꞌa, xikoó tsi mongíntji̱e̱njne̱.

Énkjínkón 22:6

Ti̱ꞌinchji̱ni̱ ji ndíi̱ ndeskande nga xi̱xi̱, kó ngaskande nga ka̱maxchá ku̱i̱ꞌíjñámasienjín ni xi akakoyée̱.

Énkjínkón 8:17

Tsꞌentjó an xota̱ xi tsꞌéntjóna an, kó tsja mana nga sakoó an ngayeje xota̱ xi ja̱koxi̱ nga an mongasena.

Eklesiastee̱ 11:10

Chje̱ꞌéxíi̱n ini̱ma̱a̱ kjo̱a̱xtindaa̱, kó chje̱ꞌéxíntꞌée̱ yojòo̱ ni xi ndajiín, ngatꞌa̱ ni̱xtjin nga má xo̱ngo̱ò, ni xi ta̱kjo̱a̱ndaní bo̱a̱ nga.

Eklesiastee̱ 11:2

Tsi yito ko̱jo tsi ngaskande jin xota̱ ti̱ꞌinkjaꞌasée̱n ni xi tjiín, ngatꞌa̱ nde yejín ji mí ni xi ndajín xi ka̱maa̱ tꞌanangii̱.

Eklesiastee̱ 11:8

Ta̱nga ndatsi achichí kjín nó maá nga ꞌbíjñá xota̱ nga̱sondiee̱, kó nga tsjatsꞌèn kisꞌijña ngayeje kui ni̱xtjii̱n, ngatjaꞌátsjiee̱n nga ti̱ achichí ka̱ma ni̱xtjin nga sꞌi̱jñoó. Kó ngayeje ni xi sꞌe̱ ndibaá, ta̱kjo̱a̱ndaní bo̱a̱ nga.

Kjo̱a̱chaꞌaá 3:27

Achichí ndakjiꞌi nga ndeskande nga kjindí xota̱ nga̱sondiee̱ nga ku̱i̱ꞌínieé yojoo̱ kjo̱a̱chji̱ni̱e̱e̱ Néná.

Rkaa̱ 1:15

Ngatꞌa̱ ndíi̱ achichí ꞌniú nkꞌa xá xí kꞌuieé ngindyi̱ko̱n Néná. Jmí bino̱ ko̱jo jmí xán kꞌuijín, kó ndeskande nga tjiyáꞌmá nga A̱si̱énni̱xtjii̱n Néná tsja̱angaꞌniuú.

Rkaa̱ 18:16

Kó Kjisoo̱ tsíchji̱a̱a̱ xota̱a̱, kó bi̱ katsoó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná, kuí xí ka̱ma kꞌo̱sꞌien kui xi xikoó kui jákjíndií.

Xota̱ Éfeso̱ 6:4

Kó jún xi xi xchájnú, ngata̱ niꞌánxtindajínjnú ndíjnú, ta̱sá nda ti̱ꞌanchji̱ni̱e̱jnú, ko̱jo ndókjo̱a̱jojnú nga si̱ꞌanxchájnú xikótsꞌèn mejeén Ndi̱a̱ná.

Ndeuteronomio̱ 8:18

Ta̱sá ngatjaꞌátsjienjnú nga Néná boá xi katsjájnú ngayeje kui nii̱, kó bo̱a̱ katsꞌén, ngatꞌa̱ katsꞌénkjatjosón ni xi katsóyàtjoón xota̱ xi xcháná nga tsja̱á.

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.