Eklesiastee̱ 1:8 - Xo̱jo̱n eén Néná

⁸ ¡Achichí ꞌbojónná ngayeje nii̱, kó nde jmíjín xi kó ka̱tso̱! ¡Nde ngojín xi fenda nga kotsijen! ¡Nde ngojín xi fenda nga ntꞌié!

Eklesiastee̱ 1:8 Iomraidhean Croise

Xo̱jo̱n Salmoo̱ 63:5

¡Nda stsi̱e̱é ini̱ma̱na xikó maá tsi yojo ko̱jo tsi xinié jè iskjinie! ¡Kó ndso̱ꞌba án achichí tsjá ka̱maa̱ nga sa̱ꞌíntsjaá!

Énkjínkón 27:20

Nga̱tsjo̱ó ko̱jo kjo̱a̱bo̱yaa̱, jmíni̱xtjin tsiee̱, kó ndyi̱ko̱n xotaa̱ tsie ngase ni mejeén sku̱i̱e̱.

Eklesiastee̱ 1:7

Ngayeje ndejeèꞌ ki̱a̱ fochó ngi̱jin ndáchíkoón, kó ndáchíkoón jmíni̱xtjin sꞌikitsie, ki̱a̱ nínga kjindibáni ndejeèꞌ ki̱a̱ fí nginí, kó ki̱a̱ fí nginí tsi̱ꞌe̱ nga mongaya nginí ndi̱ya̱à.

Eklesiastee̱ 2:11

Sꞌe̱ askotsijèe̱n ngayeje xá xí je katsꞌen an, ko̱jo xikó kjiꞌi kisꞌingina nga katsꞌen an, kó kꞌi̱e̱ bí nga kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná, kó nga jmí ni chjíjiín kꞌi̱e̱ kui nga̱sondiee̱.

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 6:7

Ngayeje xá xí tsꞌén xota̱ nga̱sondiee̱, ta̱ tsi̱ꞌe̱ nga skji̱ni̱e̱ ko̱jo nga kꞌuí tsí, kó ngaskande bo̱a̱ tsꞌén jmíni̱xtjin tsiee̱.

Matioo̱ 11:28

Ndibáchonjnúꞌun ngayejejnú jún xota̱ xi je jendajnú nga kiniꞌánxájnú, ko̱jo xi ni xi é kichꞌiájnú, kó án xí sa̱ꞌin an nga si̱ꞌankjaꞌyájnú.

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.