Eklesiastee̱ 1:3 - Xo̱jo̱n eén Néná

³ Mí chjínií kjo̱a̱a̱ ngayeje xá xí tsꞌén xotaa̱ kui nga̱sondiee̱.

Eklesiastee̱ 1:3 Iomraidhean Croise

Eklesiastee̱ 2:11

Sꞌe̱ askotsijèe̱n ngayeje xá xí je katsꞌen an, ko̱jo xikó kjiꞌi kisꞌingina nga katsꞌen an, kó kꞌi̱e̱ bí nga kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná, kó nga jmí ni chjíjiín kꞌi̱e̱ kui nga̱sondiee̱.

Eklesiastee̱ 2:18

Kó ti̱ bo̱a̱ ti̱ tsꞌén kamáchꞌona ngayeje xá xí katsꞌen an kui nga̱sondiee̱, ngatꞌa̱ ngayeje kui xaá, kui xi kꞌuijñá ngajona, kuí tsi̱ꞌe̱ ka̱ma.

Eklesiastee̱ 2:19

Kó ꞌyá xí bená tsí kjínkón ko̱jo tsi kitikjo̱a̱ ka̱ma kui xi ko̱tíxomaa̱ ngayeje xána, kui xá xí achichí kjo̱a̱ni̱ma̱ ko̱jo kjo̱a̱kjínkón kisꞌingina nga katsꞌen an kui nga̱sondiee̱. Ti̱ ta̱kjo̱a̱ndaní bo̱a̱ kui nii̱ nga.

Eklesiastee̱ 2:22

Ngatꞌa̱, mí ni xi tsꞌén xota̱ nga̱sondiee̱ kjo̱a̱a̱ ngayeje xaá ko̱jo ngaꞌniú xí katsꞌén nga achichí nda̱ kamaá nga katsꞌénxá kuí nga̱sondiee̱.

Eklesiastee̱ 3:9

Mí ta̱ ni nda xi ꞌboxieé xaá xota̱ xi ꞌniú tsꞌénxaá.

Eklesiastee̱ 4:3

Kó nga ja̱koxi̱ kuí xí kji̱e̱ tsenjiín xi ꞌniú tsjátjín ngasee̱, ta̱bo̱a̱jiín kui xi je jesoón ko̱jo xi to̱kó síndoo̱, ngatꞌa̱ kui, kji̱e̱ bejín ni xi ꞌniú ndajín xi kjima kui nga̱sondiee̱.

Eklesiastee̱ 4:7

Askotsijen an ingo ndiè, kó ti̱ kamábe an ngo ni xi ta̱kjo̱a̱ndaní bo̱a̱ xi niꞌán kui nga̱sondiee̱:

Eklesiastee̱ 5:16

Achichí nga ndajínkjiꞌi kui nii̱: Nga xikótsꞌèn jeꞌe kui nga̱sondiee̱, ti̱ bo̱a̱ ti̱ tsꞌén ko̱e̱je̱ nginí. Kósꞌe̱ mí chjínií nga bo̱a̱ nda katsꞌénxá kjo̱a̱nda.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Eklesiastee̱ 6:12

Nga ja̱koxi̱, jmíjín xi be mí ni xi nda ngase ka̱maa̱ xota̱ nga̱sondiee̱ kjo̱a̱a̱ ngayeje ni̱xtjin xi je tjixki̱ nga kꞌuijñá kui nga̱sondiee̱ xi ta̱kjo̱a̱ndanií. Ngatꞌa̱ foaꞌa ni̱xtjii̱n xikó maá tsi ngo tji̱nkꞌi̱én. Kósꞌe̱, ꞌyá xi ka̱tso̱yaa̱ ni xi ka̱ma kui nga̱sondiee̱ ngije kꞌien kui.

Eklesiastee̱ 7:11

Achichí nda kjo̱a̱kjíntakoón xikó maá ngo ni xi ikꞌíjñáná, kó nda sa̱ꞌiín xota̱ xi síndo kui nga̱sondiee̱.

Eklesiastee̱ 9:13

Ti̱ kamábe an kꞌi̱e̱ kui nga̱sondiee̱ ngo kjo̱a̱kjínkón xi achichí je mána:

Eklesiastee̱ 9:3

Kuí bí kui ni xi ndajiín xi ma kui nga̱sondiee̱, nga ngayeje xotaa̱ ti̱kuíní ni xi maa̱, ko̱jo nga xota̱ nga̱sondiee̱ ngi̱jin ini̱ma̱a̱ tjikítsie maá ni xi ndajín, ko̱jo kjo̱a̱chi̱ni, ngayeje ni̱xtjin nga síndo kui nga̱sondiee̱, kósꞌe̱ nga fetꞌani ꞌme ꞌne̱ ngijee̱.

Eklesiastee̱ 9:6

Nijan jesónjo̱ kjo̱a̱tjoó, ko̱jo kjo̱a̱niꞌánchꞌoó, ko̱jo kjo̱a̱ꞌontakoón, kó jmíni̱xtjin ka̱ma sa̱ꞌín ngase ni xi niꞌán kui nga̱sondiee̱.

Matioo̱ 16:26

Ngatꞌa̱ mí chjínií tsi ngo nda̱ ku̱i̱e̱je̱e̱n ngayeje ni xi tjín kuí nga̱sondiee̱, tsi kichajá ini̱ma̱a̱. Axa̱ mí ni xi tsja̱á ngo nda̱ xi ko̱sítꞌa ini̱ma̱a̱.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

1 Xota̱ Korinto̱ 16:16

ꞌNiú míꞌájnúꞌun jún, nga tasiénijónjnúu̱ kui xota̱ xi xikoó xota̱ xi̱ꞌbi̱, ko̱jo ngayeje xota̱ xi ndyi̱bosikójo kui jaá, ko̱jo xi ti̱ kuii̱ kui xaá ndyi̱tsꞌèn.