Eklesiastee̱ 1:13 - Xo̱jo̱n eén Néná

¹³ Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 1:13 Iomraidhean Croise

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Joo̱b 28:3

Xota̱ xi tsꞌénxá ngi̱ya ti̱xa̱na̱xi̱i̱, boaꞌa ndiꞌí xí tsꞌentsíjee̱n nínga ꞌniú jñoó tꞌanangii̱, kó mongase ndi̱jo̱ tsjakon nínga ꞌniú kjii̱n ko̱jo nínga ꞌniú jñoó ti̱xa̱na̱xi̱i̱,

Xo̱jo̱n Salmoo̱ 111:2

¡Achichí yiꞌi kjo̱a̱ndikón xi je katsꞌén Néná! Achichí tsjá maá xotaa̱ nga ꞌbindíkón kuí nii̱.

Énkjínkón 18:1

Xota̱ xi ndikonkoón, ta̱ ni xi nda maá kuí tsí xi mongase, kó chꞌo maa̱ nga tjín xí tsjaá ngo kjo̱a̱botíxoma xi nda.

Énkjínkón 18:15

Xota̱ xi makjiín sakoó kjo̱a̱kjínkoón, kó xota̱ xi nda bosiénníjoón, tsie ngase ni xi ka̱makjiín.

Énkjínkón 23:26

Ji xi̱ꞌin, an ti̱ꞌinkꞌasꞌinní ini̱ma̱a̱, kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.

Énkjínkón 25:2

Kjo̱a̱jee̱ Néná boá nga ꞌbíꞌmá ngo ni, ta̱nga kjo̱a̱yandikoón ree̱ boá nga kui xi sku̱i̱e̱ mí nii̱ bo̱a̱.

Énkjínkón 4:7

Ni xi tjón tjón xi ꞌniú chjí ngasee̱, kuí boá nga kꞌuieé kjo̱a̱kjínkón, ko̱jo nga tsie ngase kjo̱a̱kjíntakón kꞌuieé, ndatsi ko̱ti̱ñi ji ngayeje ni xi tjiín.

Eklesiastee̱ 1:17

Kósꞌe̱ ja̱ ngayejení ini̱ma̱na nga kamámejénna skuie ngase ni xi yaꞌanii̱ kjo̱a̱kjínkoón, ko̱jo nga ka̱makjínna kjo̱a̱tsobeé, ko̱jo kjo̱a̱chi̱nii̱, ta̱nga ti̱ kamábe an nga kui nii̱ ta̱ tsꞌénboa tsíná.

Eklesiastee̱ 11:5

Xikótsꞌèn nga yejín ji ñá xtji̱e̱e̱n fí tjo̱o̱, ko̱jo nga yejín ji kótsꞌèn kjimaxchá ngo ndí ngi̱ya ndo̱bo̱a̱ndií na̱aa̱n, ti̱ bo̱a̱ ti̱ tsꞌén nde yejín ji ni xi tsꞌén Néná, kui Néná xi katsꞌénda ngayeje nii̱.

Eklesiastee̱ 12:12

Ji ndí ndí tsa̱ꞌa̱n, ingo ni ngase kjo̱a̱a̱ ni xi je kandokjo̱a̱a̱, ngatjaꞌátsjiee̱n nga jmíni̱xtjin fetꞌanii̱ nga niꞌánꞌindó kjín xo̱jo̱n, kó nga fenda yojoná nga ta̱nisién ꞌniú chjátꞌayá.

Eklesiastee̱ 2:23

Ngatꞌa̱ ngayeje ni̱xtjin nga kjo̱a̱ni̱ma̱ tsꞌénfoaꞌatio, nga katsꞌén xá xí tsjajín kamaá nga katsꞌén, kó ndatsi nga jñoó nde jmí kjo̱a̱xió kisꞌiejiín ini̱ma̱a̱. ¡Kó kui nii̱, ti̱ ta̱kjo̱a̱ndaní bo̱a̱ nga!

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 3:10

Jè kamábe an xá ꞌniú xi Néná ꞌbínieé xota̱ nga̱sondiee̱, tsi̱ꞌe̱ nga sa̱ꞌínkjatjosón.

Eklesiastee̱ 3:11

Ni̱xtjin nga katsꞌénda Néná ngayeje nii̱ achichí tsjákón katsꞌén, kó íjin ngi̱jii̱n ini̱ma̱a̱ xotaa̱ tsi̱ꞌe̱ nga ka̱makjiín kjo̱a̱a̱ kjo̱a̱mindyion ngatsjéni̱xtjii̱n, ta̱nga xotaa̱ niꞌin makjiín ni xi je katsꞌén Néná ndeskande koó nga ítjatsꞌennii̱, ngaskande nga kju̱e̱tꞌanii̱.

Eklesiastee̱ 4:4

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 7:25

Kósꞌe̱ tsangasendi̱yà án ngayeje ni xi yaꞌanii̱ kjo̱a̱a̱ kjo̱a̱kjíntakoón, tsi̱ꞌe̱ nga sa̱kóna ngo kjo̱a̱, kjo̱a̱a̱ nga ngo nga ngo nii̱. Kó kamákjína nga ta̱ kjo̱a̱chi̱ni boá nga ndajín má, ko̱jo nga ta̱ kjo̱a̱tsobé boá nga kitikjo̱a̱ má.

Eklesiastee̱ 8:9

Ngayeje kui nii̱ xi je kamábe an kjiꞌanga tsangasendi̱yàa̱ ngayeje ni xi niꞌán kui nga̱sondiee̱, ko̱jo xikó kjiꞌi ngaꞌniú xí tjiín xota̱ nga̱sondiee̱ nga ni xi ndajín tsꞌénjo̱ xkjín.

1 Timoo̱ 4:15

Ti̱ꞌin ji kui nii̱, kó ꞌniú tasínijìi̱n, tsi̱ꞌe̱ nga ngayeje xotaa̱ sku̱i̱e̱ nga nda tjítsꞌeén kjo̱a̱nda xi katseꞌeé.