Apocalipsis 5:12 - New Testament in Mazatec San Jerónimo Tecóatl

¹² 'Ñó jchán nchichja̱ nga tsò: Jè Orrè xi kinìk'en, ok'ín‑la̱ nga jcha̱xkón nga ts'e̱ yije‑né nga'ñó xi tjín, ko̱ kjoa̱ nchi̱ná ko̱ kjoa̱ chji̱ne̱, ko̱ jè tsjá nga'ñó, ndaà kàtayaxkón, jeya kàtìjna ko̱ 'nga kàtìjna.

Apocalipsis 5:12 Iomraidhean Croise

San Mateo 28:18

Jesús, k'e̱é kiì kasìt'aà chrañà‑la̱, kitsò‑la̱: ―Jyeé kitjoé yije‑na nga'ñó nga 'a̱n kotiìxoma ngajmiì ko̱ i̱ i̱sò'nde.

San Juan 1:29

Nga komà nchijòn, Juan kijtseè Jesús nga tínchrobákon, kitsò: ―¡Chítsejèn‑là, jè jèe̱ xi síkasén Nainá k'oa̱á ngaya‑la̱ koni Orrè Ki'ndí xi faáxìn jé‑la̱ xi̱ta̱ i̱sò'nde!

San Juan 17:2

koni s'ín kits'iì‑la̱ kjo̱tíxoma Ki'ndí‑lè i̱t'aà ts'e̱ ngats'iì xi̱ta̱ nga tjí'nde‑la̱ nga tsjaà‑la̱ kjoa̱binachon ni̱ta̱ kjé‑ne ngats'iì xi̱ta̱ xi ji̱ kits'iì‑la̱.

2 Corintios 8:9

Jñò, jyeé 'yaà kjo̱ndaà‑la̱ Jesucristo xi otíxoma‑ná. Xi̱ta̱ i̱ma̱á kis'iìn yijo‑la̱ xi kjo̱ndaà tsa̱jòn, na̱s'ín ts'e̱ yije‑né ngats'iì tsojmì xi tjín, mé‑ne jñò tjoé‑nò kjoa̱ nchi̱ná xi tjín‑la̱.

1 Timoteo 1:17

Nainá, 'nga kàtìjna, kàtas'e‑la̱ kjoa̱jeya ni̱ta̱ mé nó, ni̱ta̱ mé na̱chrjein‑ne nga jè otíxoma ni̱ta̱ mé na̱chrjein‑ne koa̱ mìkiì kjoe̱het'aà na̱chrjein‑la̱ ni̱ta̱ kjé‑ne, ti̱koa̱ mìkiì tsejèn ñánda tíjna koa̱ nguì jè ta̱jngoò xi Nainá. K'oa̱s'ín kàtama.

Apocalipsis 1:6

Cristo k'oa̱á s'ín kisìkítsa̱jna‑ná nga xi̱ta̱ ítjòn ko̱maá ko̱ no̱'miì ko̱maá nga jñá si̱xá‑lá Nainá xi Na̱'èn‑la̱ ma Jesucristo. Jeya kàtìjna; jè kàtatíxoma kjit'aà, ni̱ta̱ mé na̱chrjein‑ne, ni̱ta̱ mé nó‑ne. K'oa̱s'ín kàtama.

Apocalipsis 13:8

Ngats'iì xi̱ta̱ xi tjín nga tíjtsa i̱sò'nde, jè cho̱ ts'e̱n skoe̱xkón, jñà ngats'iì xi̱ta̱ xi mìkiì tjít'aà 'ín‑la̱ nga ti̱sa̱ tàts'en‑la̱ kjoa̱, jè xo̱jo̱n xi ts'e̱ kjoa̱binachon xi ts'e̱ Orrè‑la̱ Nainá xi k'en ngajo‑la̱ xi̱ta̱.

Apocalipsis 15:3

Nchiseè sò‑la̱ Moisés xi chi̱'nda‑la̱ Nainá ko̱ sò‑la̱ Orrè, nchitsò: Na̱'èn xi Nainá 'mì‑lè, xi ta ji̱ ta̱ jngoò‑né xi 'ñó tse nga'ñó tjín‑lè, 'ñó jeya ko̱ 'ñó xkón tjín ngats'iì kjoa̱ xi 'nì. Xi̱ta̱ kixi̱‑né; kixi̱í tjín ndi̱yá‑lè. Ji̱í‑né xi Xi̱ta̱xá Ítjòn tìjna̱‑la̱ ngats'iì na̱xa̱ndá xi tjín i̱sò'nde.

Apocalipsis 19:1

Xi jye komà i̱skan, ki'nchrè‑la̱ ján ngajmiì 'én koni kjín jchán ma xi̱ta̱ xi chja̱ nga tsò: ¡Aleluya! ¡'Nga ti̱kíjna Nainá! Nga jè ochrjekàjiìn‑ná kjo̱'in kjoa̱ ts'e̱ jé‑ná, ko̱ ta jè ta̱jngoò xi tjín‑la̱ kjoa̱jeya ko̱ xi tse nga'ñó tjín‑la̱.

Apocalipsis 4:11

Na̱'èn, ok'ín‑lè nga ji̱ tjoé‑lè kjoa̱jeya, nga jcha̱xkón‑lè, nga tsi̱ji yije‑né nga'ñó xi tjín, nga ji̱ tsibìndiì ngats'iì tsojmì xi tjín, nga k'oa̱á s'ín kjòmejèn‑lè nga tjín yije tsojmì ko̱ nga kisindaà kóho̱tjín xi tjín.

Apocalipsis 5:13

Ngats'iì xi xó kisindaà‑ne xi tjín ngajmiì, xi tjín i̱ i̱t'aà nangui ko̱ ya̱ i̱ngui nangui, ko̱ xi tjín i̱jiìn ndáchikon, ki'nchrè‑la̱ nga tsò: Jè xi tíjnasòn íxi̱le̱ ko̱ Orrè, 'nga kàtìtsa̱jna; kàtayaxkón, jeya kàtìtsa̱jna, kàtas'e‑la̱ nga'ñó ni̱ta̱ mé na̱chrjein‑ne.

Apocalipsis 5:6

K'e̱é kìjtseè jngoò Orrè nga síjna ya̱ jngoò osen‑la̱ ñánda tíjna xi tíjnasòn íxi̱le̱ nga tíhotíxoma, ko̱ ñánda títsa̱jna jñà xi ñijòn ma‑ne xi títsa̱jnakon, ko̱ ñánda títsa̱jna xi̱ta̱ jchínga xi kaàn ñijòn ma‑ne. Jè Orrè, k'oa̱á kji koni tsà jye k'en; itoò ma nchra̱já‑la̱ ti̱koa̱ itoò ma xko̱n; jñà xko̱n, jñà ini̱ma̱‑la̱ Nainá xi itoò ma‑ne xi kinìkasén nga tíjtsa i̱sò'nde.

Apocalipsis 5:8

Jè Orrè, k'e̱ nga jye kiskoé xo̱jo̱n jè, jñà xi ñijòn ma‑ne xi títsa̱jnakon ko̱ jñà xi̱ta̱ jchínga xi kaàn ñijòn ma‑ne chincha-xkó'nchi-ñiat'aà‑la̱ nga nguixko̱n Orrè. Ngats'iì saà ní'ñó arpaá 'ya ko̱ chi̱tsín xi nguì oro xi tjíya chrjongó‑la̱ nainá. Jè chrjongó‑la̱ nainá jñà xi kjoa̱ bítsi'ba‑la̱ jñà xi̱ta̱‑la̱ Nainá.

Apocalipsis 5:9

Kiseè jngoò sò xi̱tse̱ xi tsò: Ok'ín‑lè nga ngaji̱ chjoí jè xo̱jo̱n, chja̱àxìn sello‑la̱ nga ji̱ kinìk'en‑lè, nga ko̱ jní‑lè tsibíchjítjì xi̱ta̱ xi ya̱ itjokàjiìn‑ne ngats'iì tje̱‑la̱ xi̱ta̱ xi tjín i̱sò'nde, ngats'iì 'én xi tjín i̱sò'nde, ngats'iì na̱xa̱ndá xi tjín, ko̱ ngats'iì nangui xi tjín i̱sò'nde mé‑ne nga ya̱ ki̱chja̱‑ne i̱t'aà ts'e̱ Nainá.

Apocalipsis 6:1

K'e̱é kìjtseè jè Orrè nga jaàxìn ítjòn jngoò sello. I̱kjoàn ki'nchrè jngoò‑la̱ jñà xi ñijòn ma‑ne xi títsa̱jnakon nga kiìchja̱. K'oa̱á kitsò koni ma ch'o̱n nga one, kitsò: ―Nchroboí.

Apocalipsis 7:12

Kitsò: K'oa̱á s'ín kàtama. Nainá 'ñó tjín‑la̱ kjoa̱ machikon‑t'in, ko̱ kjoa̱ jeya, ko̱ kjoa̱ chji̱ne̱, tjín‑la̱ kjo̱ndaà, 'ñó 'nga tíjna, tse nga'ñó tjín‑la̱, ko̱ tjín‑la̱ kjo̱tíxoma. K'oa̱s'ín kàtama skanda ni̱ta̱ mé na̱chrjein‑ne.