Apocalipsis 18:10 - New Testament in Mazatec San Jerónimo Tecóatl

¹⁰ Kjiín ki̱ncha‑ne nga skótsejèn‑la̱, nga tsakjón‑la̱ kjo̱'in‑la̱. 'Ñó ki̱chja̱, ki̱tso̱: ―I̱ma̱ xó‑ne, i̱ma̱ xó‑ne na̱xa̱ndá je Babilonia xi 'ñó kis'e‑la̱ nga'ñó; ta̱jngoò tjò kòf'iì‑la̱ kjo̱'in.

Apocalipsis 18:10 Iomraidhean Croise

Apocalipsis 11:8

Jñà yijo‑la̱ xi̱ta̱ koi, ya̱á si̱yijò osen ndi̱tsin‑la̱ na̱xa̱ndá ítjòn, ñánda kisit'aà krò Na̱'èn‑ná. Jè 'ín‑la̱ na̱xa̱ndá ítjòn xi o̱kji, k'oa̱á s'ín ngaya‑la̱ koni Sodoma, o Egipto.

Apocalipsis 14:8

Ìjngoò àkja̱le̱ kiìchja̱ xi kitsò: ―Jyeé kakaàngui, jyeé kakaàngui Babilonia, na̱xa̱ndá xi 'ñó je kji, jè xi bít'in‑la̱ na̱xa̱ndá xi tjín i̱sò'nde nga [kj'ei̱í nainá fìt'aà‑la̱] koni s'ín xi̱ta̱ k'e̱ nga kjoa̱chijngui s'ín. Koni s'ín kis'iìn, k'oa̱á ngaya‑la̱ koni tsà kisìch'i̱ yije xi̱ta̱ i̱sò'nde jè xán ts'e̱ kjoa̱chijngui‑la̱ xi tji̱ko̱ kjo̱jti‑la̱ Nainá.

Apocalipsis 16:19

Jè na̱xa̱ndá je xi 'ñó ndaà yaxkon‑la̱, jàn ya komà. Ko̱ jñà na̱xa̱ndá xi chja̱‑ne nga ìjngoò ìjngoò nangui xi tjín i̱sò'nde, jngoò k'aá kichijà. Ko̱ jè na̱xa̱ndá je xi 'mì Babilonia xi 'ñó ndaà yaxkon‑la̱, mìkiì kisìjchàajiìn Nainá nga kitsjaà‑la̱ kjo̱'in, k'oa̱á ngaya‑la̱ koni kisìk'iì jngoò chi̱tsín xi tjíya vino xi nguì kjoa̱jti‑la̱ Nainá xi jè jye tíjnandaà‑la̱.

Apocalipsis 17:12

’Jñà nchra̱já xi te ma‑ne xi kà'yi, jñà ngaya‑la̱ xi̱ta̱xá ítjòn xi te ma‑ne xi kj'eè kiì tjoé‑la̱ kjo̱tíxoma. Ta̱nga k'e̱ nga tjoé‑la̱ kjo̱tíxoma ta jngoò hora ko̱tìxomakjoò ko̱ jè cho̱ je xi ch'o kji.

Apocalipsis 18:18

k'e̱ nga kijtseè ni̱'ndi̱‑la̱ na̱xa̱ndá nga títì; 'ñó kiìchja̱, kitsò: ―Ni̱ sa̱á jngoò na̱xa̱ndá tjín xi mangásòn‑kjoò koni kji na̱xa̱ndá jè, nga 'ñó ndaà kiyaxkon‑la̱.

Apocalipsis 18:19

I̱kjoàn tsibíxteèn‑jno chijo sko̱, 'ñó kiskindàyakeè nga 'on komà‑la̱ ini̱ma̱‑la̱; kitsò: ―I̱ma̱ xó‑ne na̱xa̱ndá xi 'ñó je kji; jè kjoa̱ nchi̱ná‑la̱, ndaà kjònchi̱ná‑ne jñà xi̱ta̱ xi tjín‑la̱ chitso ya̱ i̱jiìn ndáchikon. Ko̱ i̱'ndei̱, ta jngoó tjò kachija yije kjoa̱ nchi̱ná‑la̱.

Apocalipsis 18:21

Jngoò àkja̱le̱ xi 'ñó tse nga'ñó tjín‑la̱ kiskoé jngoò nda̱jo̱ xi koni kji nda̱jo̱ natsí kji, kisìkatje̱n‑jiìn ndáchikon, kitsò: ―Jè na̱xa̱ndá Babilonia, xi 'ñó je kji, k'oa̱á s'ín ska̱jiìn‑ndá; jngoó k'aá chi̱ja ni̱ta̱ kjé‑ne, mì ti̱ yá xi skoe̱xkon‑ne.

Apocalipsis 18:8

Koií kjoa̱‑la̱ nga ta̱jngoò na̱chrjein ki̱tjojenè‑la̱ kjo̱'in: Ki̱yá xi̱ta̱‑la̱. Ti̱koa̱á ski̱ndàya‑né. S'e̱é‑la̱ kjoa̱ ts'e̱ kjinchrá. Ni'ín ki̱ti̱‑ne nga kjoe̱hesòn. Nga 'ñó tse nga'ñó tjín‑la̱ jè Nainá xi otíxoma nga k'oa̱á s'ín jye kiskoòsòn‑la̱ nga tsjá‑la̱ kjo̱'in.