Apocalipsis 11:9 - New Testament in Mazatec San Jerónimo Tecóatl

⁹ Xi̱ta̱ xi ya̱ inchrobàjiìn‑ne na̱xa̱ndá xi tjín i̱sò'nde, ko̱ ngats'iì tje̱‑la̱ xi̱ta̱ xi tjín i̱sò'nde, ko̱ xi̱ta̱ xi chja̱ ngats'iì 'én xi tjín, ko̱ xi̱ta̱ xi ya̱ nchrobá‑ne ngats'iì nangui xi tjín i̱sò'nde, ján na̱chrjein osen skótsejèn‑jno yijo‑la̱ mik'en; ko̱ mìkiì tsjá'nde nga si̱ìjiìn jñà xi̱ta̱ koi xi jò ma‑ne.

Apocalipsis 11:9 Iomraidhean Croise

San Mateo 7:2

Koni s'ín k'oi̱‑là kjo̱'in xi̱ta̱ xi kj'ei̱í, k'oa̱á ti̱s'ín tjoé ngajo‑nò kjo̱'in. Jè chi̱ba̱ xi si̱chi̱ba̱ya‑là xinguio̱o, ti̱jè ko̱chi̱ba̱ ngajo‑nò.

Apocalipsis 10:11

Ki'mì‑na: ―Mochjeén‑né nga ìjngoò k'a ki̱nókjoa̱ya ngajo‑la̱ Nainá mé kjoa̱ xi ko̱mat'in jñà xi̱ta̱ xi kjìn na̱xa̱ndá nchrobá‑ne ko̱ xi kjìn nangui chja̱‑ne ko̱ xi kjìn sko̱ya 'én chja̱, ko̱ mé kjoa̱ xi ko̱mat'in xi̱ta̱xá ítjòn xi tjín i̱sò'nde.

Apocalipsis 11:11

K'e̱ nga jye tsato xi jàn na̱chrjein osen, jè Nainá kisìkítsa̱jnakon ìjngoò k'a‑ne nga jaáya‑la̱; i̱kjoàn chincha kixi̱ ìjngoò k'a‑ne; ko̱ ngats'iì xi̱ta̱ xi kijtseè, 'ñó jchán kitsakjòn.

Apocalipsis 13:7

Ti̱koa̱ kitjò'ndeé‑la̱ nga kiskaàn‑ko̱ xi̱ta̱‑la̱ Nainá skanda kó nga kisìkijne‑la̱. I̱kjoàn kits'iì‑la̱ kjo̱tíxoma i̱t'aà ts'e̱ ngats'iì tje̱‑la̱ xi̱ta̱, ko̱ i̱t'aà ts'e̱ ngats'iì na̱xa̱ndá xi tjín, ko̱ i̱t'aà ts'e̱ ngats'iì xi̱ta̱ xi chja̱ ngats'iì 'én xi tjín, ko̱ i̱t'aà ts'e̱ xi̱ta̱ xi tjín nga ìjngoò ìjngoò nangui xi tjín i̱sò'nde.

Apocalipsis 17:15

Jè àkja̱le̱ k'oa̱á ti kitsò‑na: ―Jè nandá xi kà'yi, ñánda tíjnandiì chjo̱ón chijngui, na̱xa̱ndá‑né, xi̱ta̱ kjín‑né, jñá‑né xi̱ta̱ xi tjín nga ìjngoò ìjngoò nangui xi tjín i̱sò'nde, koa̱ jñá‑né xi̱ta̱ xi chja̱ ngats'iì 'én xi tjín i̱sò'nde.

Apocalipsis 5:8

Jè Orrè, k'e̱ nga jye kiskoé xo̱jo̱n jè, jñà xi ñijòn ma‑ne xi títsa̱jnakon ko̱ jñà xi̱ta̱ jchínga xi kaàn ñijòn ma‑ne chincha-xkó'nchi-ñiat'aà‑la̱ nga nguixko̱n Orrè. Ngats'iì saà ní'ñó arpaá 'ya ko̱ chi̱tsín xi nguì oro xi tjíya chrjongó‑la̱ nainá. Jè chrjongó‑la̱ nainá jñà xi kjoa̱ bítsi'ba‑la̱ jñà xi̱ta̱‑la̱ Nainá.

Apocalipsis 5:9

Kiseè jngoò sò xi̱tse̱ xi tsò: Ok'ín‑lè nga ngaji̱ chjoí jè xo̱jo̱n, chja̱àxìn sello‑la̱ nga ji̱ kinìk'en‑lè, nga ko̱ jní‑lè tsibíchjítjì xi̱ta̱ xi ya̱ itjokàjiìn‑ne ngats'iì tje̱‑la̱ xi̱ta̱ xi tjín i̱sò'nde, ngats'iì 'én xi tjín i̱sò'nde, ngats'iì na̱xa̱ndá xi tjín, ko̱ ngats'iì nangui xi tjín i̱sò'nde mé‑ne nga ya̱ ki̱chja̱‑ne i̱t'aà ts'e̱ Nainá.