तीतुस 3:7 - माडिया गोंड पवित्र सास्त्रम7 इद्रमलेह्का देवुळि माक दया कीसि सेतेमतोर कीता, कीताह्कु माट इंजेके तानग्डाहि अमेसाता पिसमुळता तूस दोर्किह कीकल इनजोर, आसा कीयलाह आतल. Faic an caibideil |
तीतुस 3:7
25 Iomraidhean Croise
देवुळि बेदिन ईकन इन्जि पोल्लो विळ्सिस मता, अदिन देवुळतुन विस्वस केवालोरे दोर्किह कीस्तोर. अदु देवुळता दयातेने, सबेटोर विस्वस केवालोरिह्क निटमे दोर्कग़ा. सिरप मोसानाङ अडोन मानेम आयवालोर यहुदि विस्वसिरिह्के आयो, मति अब्रहमना लेह्का विस्वस केवालोर सबेटोरिह्के दोर्कग़ा. देवुळि अब्रहमिह्क विळ्सतद पोल्लो सास्त्रमतगा इद्रम रासतद मन्ह्ता: नना नीक वेल्लाङे जातिनोरा पेदामुय्तोग़ कीतन, इनजोर रासतद मन्ह्ता. इद्रम विस्वस केवालोर माट सबे जातिनोर मन्कलोरिह्क, देवुळता मुनेह अब्रहमे पेदामुय्तोग़ आतोग़. हातोरिन जीवा अर्हतनदु, लेवविन मनाह कीयनद देवुळतुन, अब्रहम विस्वस कीतोग़.
इंजेके मोसानाङ अडोन माळतेक आयो, मति किर्स्तुना पोग़ोन विस्वस तासतेकेने, देवुळि माकु सेतेमतोर इन्ह्ता. बह इतेके अडोन माळताह्कु, बोग़े देवुळता मुनेह सेतेमतोग़ आयोग़ इन्जि, सास्त्रम वेहतह्ता. अडोन माळतेक आयो, मति येसु किर्स्तुना पोग़ोन विस्वस तासतेकेने, देवुळि मन्कनु सेतेमतोग़ इन्ह्ता इन्जि पुताह्कु, माट यहुदि विस्वसिरल इंका किर्स्तु येसुना पोग़ोन विस्वस कीतल.
विस्वस कीताह्कु, नोहा मुय्तोग़ (उड्रा वायग़ा इनजोर,) देवुळ वेहतद पोल्लोतुन नमतोग़. नमिसि, तना लोतोर मन्कलोर पिसलाहि, ओडा पंडटोग़. ओग़ बेस्केन उड्रातुन ऊळोग़, तेला मति रेयिस मन्जि, तानाङ केंजिस ताकतोग़. इद्रम देवुळता पोल्लोतुन केंजिस मन्जि, बूमतगा दुस्रोर मन्कलोर कसुरतोर इनजोर तोहचीतोग़. इद्रमलेह्का विस्वसतेनाह्कु, देवुळता मुनेह सेतेमतोर आयवालोरगा, ओग़ वने कलियतोग़.
मुजोरिर, मीट वने मीवाङ मुतेस्किह्कु कदर ईम्ह्टु. मीवा लेह्का अविस्किह्क लाव इले, मति देवुळता दयाते दोर्कनद पूना मनमुळते, मीवा ऐंगे अविस्किह्क वन तूसु अचोने! इदे बुदते मीवाङ मुतेस्कना पोटालोप्पाडाङ विचर्किन पुनदलाह पर्ह्काटु. इद्रम मीट मीवाङ आस्कना संगे मनविर इतेके, देवुळि मीवा पार्तनातुन केंजो आयग़ा.
Sanasan