तीतुस 3:13 - माडिया गोंड पवित्र सास्त्रम

¹³ जेनास इनवाल वकिल ओसो अपुलोस, वेर इर्वुर मियेके वासि रोमनुर. वेरा पय्नमते वेरिह्‌क बेस-नेह्‌ना सार-बार कीस लोहा. वेरिह्‌क बातालताये कमि आयमाकि.

तीतुस 3:13 Iomraidhean Croise

मत्याल 22:35

ओरग्डोग़ ओर्वोग़ सास्त्रमगूरु येसुना पट ऊळलाहि ओन ताल्ह्‌कतोग़, “मोसानाङ अडोना सास्त्रमतगा सबेट्क बेरा अडो बेद आंदु, गूरु?”

लूकाल 10:25

अचोटेने ओर्वोग़ सास्त्रमगूरु वासि, येसुना पट ऊळलाहि ओन इद्रम ताल्ह्‌कतोग़, “गूरु! अमेसाता पिसमुळ दोर्किह कीयलाहि, नना बाताल कीकन?” इतोग़.

लूकाल 11:45

अस्के ओर्वोग़ सास्त्रमगूरु येसुन इद्रम इतोग़, “गूरु, निमा इद्रमताङ पोल्‍लोङ वळ्ह्‌किस, माक वने लजा अरनाह कीय्ह्‌निन गोतो!”

लूकाल 11:52

सास्त्रमगूरुरिर, देवुळि मीक पका सिक्सा ईयग़ा. बाराह्‌क इतेके बुदता अग़दुन केहचीतिर; मीट वने ओळियविर, ओसो ओळियवालोरिन वने ओळियलाह एविर. (इद्रम मीट मन्कलोरिन सेतेम पोल्‍लोतुन पुनदलाह एविर,)” इतोग़.

लूकाल 14:3

अगा मतोर सास्त्रमगूरुरिन ओसो परुसिरिन, येसु इद्रम ताल्ह्‌कतोग़, “मावाङ अडोना लेकाते, पोल्वादियाते रोगमतोरिन बेस कीयनद पोलिह्‌ताया? पोलोया?” इतोग़.

लूकाल 7:30

मति परुसिर ओसो सास्त्रमगूरुर बार, योहन देवुळता पेदिरते एग़ मीहतह्‌पा मीवालेवा, देवुळि तम्क तोहतद अग़दे ताकोर.)

बळयिर 15:3

ताना पया अंताकियातोर विस्वसिरा मुलु ओरिन येरुसलेम लोहतोर. लोहतस्के पोलु ओना तोळतोर बार, पिनिके ओसो सामरिया पटिह्‌क अनेके, यहुदि आयवोर बेद्रम देवुळतके वातोर, अदिन अग्डोर विस्वसिरिह्‌क पूरा वेहचोर अतोर. तान केंजिसि सबेटोर विस्वसिर पका गिर्दा आतोर.

बळयिर 18:24

पया उंद दिया ओर्वोग़ मिसर देसेमता सिकंदरिया सहरते पुटटोग़ु, अपुलोस पेदिरतोग़ यहुदि मन्कल, इपिसुस सहरते वातोग़. ओग़ पका कग़यिस मतोग़, ओसो देवुळता सास्त्रमताङ पोल्‍लोन बेस पुन्ज मतोग़.

बळयिर 19:1

अद्रमे अपुलोस अकाया पटटा कुरिंत सहरतगा मनदह्‌पा, पोलु गलाति पटटाहि पेसिस वानेके, इपिसुस सहरते एवतोग़. एवतस्के अगा ओन्क उच्वुर विस्वसिर कलियतोर.

बळयिर 21:5

इन्जाय वारममेटा पया, माट मावा अग़दे दायलाह ओडाङ नितनद जागातेके पेसतोम. पेसनेके सबेटोर विस्वसिर तमाङ लोह्‌कनोर कतमतोरा संगे, माक सहरता पलत एवनाह ओतोर. अस्के माट सबेटोरोम अदे सम्दुरता उस्कोतगा, मिंडाङ कोटिस पार्तना कीतोम.

बळयिर 28:10

नाटेनोर माक पका कदर ईसि, इनम वने ईतोर. माट अद तोग़दगा मूंड नेलाङ मतोम. पया सिकंदरिया सहरताहि वास मतद ओडाते अग्डाहि पेसतोम. इर्ङमताङ दियाङ मारनाहि, अद ओडा माल्टा तोग़दगान रोमिस मता. (ताना मुनेहता तलातगा एमोह पेन्कना सीना मता.) पया माट अग्डाहि ओडाते पेसतस्के, अग़दे माक बाताल बाताल गावले आस्ताङ, अविस्किन नाटेनोर ओडातगा तचि वाटटोर.

रोम सहरतोर 15:24

अदिनेनाह्‌क इद मल्का, मीवा अबरता इस्पानिया देसेम दायह्‌पा, मियगा वायकन इनजोर, आसा कीयलाह आतन. मियगा रेंड-मूंड दियाङ रोमतेके, नावा जीवातुह्‌क गिर्दा आयग़ा, पया अग्डाह नना पेसकन. इस्पानिया देसेम दायलाहि, नाक गर्ज अरयनद मीट ईकिर इनजोर, नावा आसा मन्ह्‌ता.

1 कुरिंततोर 16:11

अदिनेनाह्‌क मियगा बोग़े ओन पास्कमाकेग़, मति ओन सुकमते नयगा लोहचीम्ह्‌टु. ऐंगेटोर विस्वसिरा संगे ओग़ इगा वायनोग़ इनजोर केपतन.

1 कुरिंततोर 16:12

मावा ऐंगेटोग़ विस्वसि अपुलोसना पोल्‍लो इद्रमि: “दुस्रोर विस्वसिरा संगे कुरिंत सहरते अन” इनजोर नना ओन पकाय वेहच ऊळतन. मति इंजेके मियगा वायलाह, ओन्क मुर्तिय विचर इले. पया मोका दोर्कतेक वायनोग़.