तीतुस 1:8 - माडिया गोंड पवित्र सास्त्रम

⁸ अहे ओसो बोराय ओना लोन वातेके बेस ऊळवाल, बेसता पोल्‍लोतुन विचर केवाल, बेस बुद कीसि तिरियवाल, सेतेमते मनवाल, देवुळतुह्‌क रेयसोर मनवाल, कुदतुन आव्रे केवाल मनदना गावले.

तीतुस 1:8 Iomraidhean Croise

लूकाल 2:25

ओरु पेकान मंदिरतगा ओतोर अस्के, सिमियोन पेदिरतोग़ ओर्वोग़ सेतेमतोग़ मन्कल येरुसलेमतगा मतोग़. ओग़ कर्तुळते देवुळतुन मोळ्कवाल मतोग़. देवुळ लोहवाल पिसिह केवाना कयदे, इस्रयेलतोरिन सुद्रे कीयनद दिया बेस्के एवयग़ा इनजोर, ओग़ अग़ ऊळसोर मंदोग़. ओसो देवुळता जीवा ओनगा अमेसा मंदु.

बळयिर 24:25

अस्के देवुळता सेतेमते बेद्रम ताकना, मेंदुदा उळ्बेतुन बेद्रम आव्रे कीयना, देवुळ आक्रिते दुनियामेटोरा नेयम बेद्रम कीयग़ा, इव पोल्‍लोन पोलु वेहतोग़. पया इव पोल्‍लोङ केंजिस, पेलिक्स पकाय रेयिस पोलुन इतोग़, “इंजेके आस्ता, निमा अन, नाक पुर्सत दोर्कतेक, अचोन नीक केयकन” इनजोर, ओन लोहतोग़.

1 तिसलुनितोर 2:10

मीट विस्वसिरिर पुतप लेह्‌का, माट मीवा संगे मनदह्‌पा, मावा ताकमुळ पवित्र, सेतेमता ओसो कसुरलेवा मता, इदिना मीट साक्सि मह्‌निर, ओसो देवुळ वने साक्सि मन्ह्‌ता.

1 तिमोति 3:2

बेद्रमतोग़ मुक्यान निल्पिह कीयना इतेके, ओनगा कसुर दिसवप मनवाल, दुस्राङ बेविस्किने ऊळवा उंदिय मुतेन पोस मनवाल, बेस बुदते तिरियवाल, तनाङ विचर्किन आव्रे कीस ताकवाल, सबेटोरिह्‌क विचर वानाह ताकवाल, बोरे आयि ओना लोन वातेके ओरिन बेस ऊळवाल, देवुळता पोल्‍लो बेस काग़्हवाल, इद्रमलेह्‌का मनदना गावले.

1 तिमोति 4:12

निमा लेयोनिन इनजोर, बोग़े नीक पास्कमाकेग़. मति निमा बेद्रम वळ्ह्‌किह्‌निन, बेद्रम देवुळतुह्‌क विचर वातप ताकिह्‌निन, बेद्रम जीवा कीय्ह्‌निन, बेद्रम विस्वस कीय्ह्‌निन, विस्वसिर इविन ऊळिसि, बेस कग़यिर.

1 तिमोति 6:11

मति तिमोति! (निमा वेर मन्कलोरा लेह्‌का आयविन,) निमा देवुळता मन्कनिन. अदिनेनाह्‌क इव लाग्वाङ पोल्‍लोनाहि अबर विता. अविस्कनग्डाह जेक मन्जि, इद्रमलेह्‌का मनदलाह पर्ह्‌का: सेतेमते पिसना, देवुळतुह्‌क विचर वानाह पिसना, विस्वसते ताकना, जीवा कीयना, तिपलते विस्वसतुन विळ्सवा मनदना, कुलुल बुदते मनदना.

2 तिमोति 2:22

अदिनेनाह्‌क तिमोति, लेयोर मन्कलोरगा मनदनव लालुस्कनाहि जेक विता. बेसता विचरते सामिना पेदिरतुन केयवालोरा संगे मन्जि, सेतेमते पिसलाह, सामिन विस्वस कीस पिसलाह, जीवा कीसोर मनदलाह, ओर्विह्‌क-ओर्वोग़ कलियिस मनदलाह पर्ह्‌का.

2 तिमोति 3:3

ओर्विह्‌क-ओर्वोग़ जीवा केवोर आयनुर, ओर्विह्‌क-ओर्वोग़ मापि केवोर आयनुर, कूदिङ दायनुर, विचर वातप कीयनुर, गेळा जन्वरता लेह्‌का बोनाङे केंजोर आयनुर, बेसताङ पोल्‍लोन विरुद कीयनुर,

तीतुस 2:7

सबे पोल्‍लोने मन्कलोर नीक ऊळिस कग़यना लेह्‌का, निमाये बेसताङ कबस्क कीस तोहा. मावा लोप्पा बेदे लाग्वा पोल्‍लो वळ्ह्‌क पग़वाह, नीक विरुद केवालोर मन्कलोरिह्‌क लजा वायना लेह्‌का, जोल इनजोर वेहता पग़वपे, निमा सेतेमते काग़्हा. मन्कलोर नीवा पोल्‍लोतुन केंजना लेह्‌का बेस काग़्हा.

1 योहन 3:14

माट इंजेके हामुरता लावताहि पेसिसि, देवुळता पिसमुळतुन दोर्किह कीतल इनजोर, माक एर्का मन्ह्‌ता. बाराह्‌क इतेके, माट मावा ऐंगेटोर विस्वसिरिन जीवा कीय्ह्‌नल. मति बोर अद्रम जीवा केवोर, ओर हातप लेह्‌काने मन्ह्‌तोर.

1 योहन 5:1

येसुये देवुळ लोहतोग़ पिसिह केवाल इनजोर, बोर बोर विस्वस कीस्तोर, ओर देवुळताङ मग़्क-मयास्‍क आस्तोर. ओसो बोग़ाय तना बाबान जीवा कीस्तोग़, ओग़ु बाबानग्डाहि पुटटोर सबेटोरिन वने जीवा कीस्तोग़.