तीतुस 1:5 - माडिया गोंड पवित्र सास्त्रम

⁵ करेते इनदनद तोग़-देसेमतगा पिसिस मतद कबळतुन बेस-नेह्‌ना ओर्कुल कीकिन, ओसो सबे नाह्‌कनगा विस्वसिरा मुडुन ताकिह कीयलाहि, मुक्यालोरिन निल्पिह कीकिन इनजोर वेहचि, नना नीक करेते देसेमतगा विळ्सिस वातन. इद्रम कीम इनजोर, मुनेन नीक उकुम ईतन.

तीतुस 1:5 Iomraidhean Croise

बळयिर 11:30

पया अद्रमे कोताङ अर्हचि, अव कोतानु बार्नबसना, सोलुना कयदे ईसि, येरुसलेम मतोर विस्वसिराङ पेदल्कनगा लोहतोर.

बळयिर 14:23

ओसो अव मूंड सहर्कनगा, अग्डा विस्वसिरा मुडुन ताकिह कीयलाहि, मुक्यालोरिन निल्पिह कीतोर. उपस-पार्तना कीसि, विस्वसिर बोन नमिस मतोर, ओग़े येसुसामिना कयदे, सबेटोर विस्वसिरिन विळ्सिस ईतोर.

बळयिर 27:12

इद जागा इर्ङमते मनदलाह अचोन बेस इले इन्जि, वेल्‍लाटोरे विचर कीस इतोर, “माट इग्डाह पेसिसि, बेचोन जल्दि एवया पग़यह्‌नल, अचोन जल्दि इदे देसेमता पिनिक्स सहरतगा एव्सि रोमतेके, बेस आयग़ा,” इतोर. अग्डा ओडा रेव, पोळ्‍द अरयनद बाजेताहि वायनद वळ्यता अडम मता. अदिह्‌क अगा इर्ङमतस्के रोमलाह, बाताले तिपल इले आसि.

बळयिर 27:13

पया पोळ्‍द पेसनद अंगुमता तिनळ बाजेतेनाहि, वळ्य जम्ने-जम्ने वानेके “माट बाताल विचर कीतल, अद्रमलेह्‌कान आयलाह आता” इन्जि, ओडातुन निल्पिह कीयनद कचतुन तेहचि, करेते देसेमताये दडकचुल, ओडातुन ओयलाह आस मतोर.

बळयिर 27:21

ओडातगा मतोरु वेल्‍लाङे दियाङ, गाटो तिनदा वसवाह्‌क उपसिय मतोर. अस्के पोलु ओरा नडुम निचि इतोग़, “इके केंजाट! नावा पोल्‍लो केंजिसि, करेते देसेमताहि पेसवेके बेस आस मनालि. माट इचोन तिपल आयवल आवेलल, ओसो नुस्कन वने आयो आवालि.

बळयिर 27:7

वळ्यु मावा मुनेहतेनाह वासोरेन मंदु, अदिनेनाह्‌क माक तिपल आंदु. मति जम्ने-जम्ने अनेके वेल्‍लाङे दियाने, आसिया पटटा कनिदुस सहरता एरे एवतोम. वळ्यु माक दिग्ने दायलाह एवाह्‌कु, करेते तोग़-देसेमता अबर बाजेतुह्‌क अतोम. बाराह्‌क इतेके आनाह पका वळ्य वायो आंदु. अनेक अनेके सलमोने सहरतुन वीळतोम.

1 कुरिंततोर 11:34

बोन्काय कग़्व वसतेके, ओग़ तना लोन तिन्ज वायेग़. अस्के मीट जमा आतस्के, सबेटोरिह्‌क आलनाह तिनदा दोर्कग़ा. अद्रम केवेके, देवुळताहि सिक्सा दोर्कग़ा. इंजेके पिसताङ पोल्‍लोन बह कीयनद, नना मियगा वातस्केन वेहतकन.

1 कुरिंततोर 14:40

मति सबे पोल्‍लोङ बेस-नेह्‌ना कीयना, ओसो ओर्कुलते कीयना गावले.

1 कुरिंततोर 4:17

इदे पोल्‍लोतेनाह्‌क नना तिमोतिन मियगा लोहतन. ओग़ नावा जीवा कीतोग़ मग़ना लेह्‌कान आतोग़. ओग़ किर्स्तुना सेवाते, मुर्तिय नाळेह केवोग़. किर्स्तुना अग़दे नना बेद्रम ताकलाह आतन इनजोर, ओग़ मीक सीता अर्हचीयनोग़. नना सबे जागाने, सबेटोर विस्वसिरा मुडोरगा वने, अवे पोल्‍लोन काग़्हतह्‌नन.

कुलुसितोर 2:5

नना कोंडाने दिसलाह मियगा इलेन; मति सीताते मीवा संगेन मह्‌नन. मीट मीवा पिसमुळते बेस-नेह्‌ना पिसलाह आतिर इनजोर, ओसो किर्स्तुन पका मेग़्किस विस्वस कीतिर इनजोर केंजिसि, पका गिर्दा आयलाह आतन.

1 तिमोति 1:3

इंजेके इपिसुस सहरते उय्तुर लोकुर जोल काग़्हवालोर मन्ह्‌तोर. ओरु जोला-जमाताङ लेकाङ-जोकाङ कीसि, लाट-लाट सास्त्रह्‌क पुटिह कीस वेहतह्‌तोर. अवटे जग्ळा-बोबाये पुटिह्‌ता. मति विस्वस कीतेकेने, देवुळताङ विचर्कु करल आयनुङ. अदिनेनाह्‌कु इपिसुस सहरताहि, मकिदुनिया पटटके दायलाह पेसतन अस्के, “तिमोति, निमा इगाने मन्जि, वेर जोल काग़्हवालोरिन रोमिह कीम,” इनजोर नीक वेहच मतन.

2 तिमोति 2:2

नना काग़्हतव पोल्‍लोन, वेल्‍लाटोर मन्कलोरा मुनेह निमा केंजतिन. अव पोल्‍लोन काळ्ङलाहि, दुस्रोरिन काग़्हतना लायकतोर सेतेमतोरिह्‌क वेहा.

तीतुस 1:12

करेते देसेमतोग़ ओर्वोग़ सेह्‌नाल, तनाय देसेमतोर मन्कलोरिन इद्रम वेहतोग़: “करेतेतोर मन्कलोर जोलहालोरु, जन्वरता बुदतोरु, लंडालोरु, उळ्बेर,” इतोग़.