तीतुस 1:1 - माडिया गोंड पवित्र सास्त्रम

^1-4 तीतुस, नना पोलुनन, देवुळता कय इळ्न मन्जि, येसु किर्स्तुना बळयिनन, नीक इद सीटि रासलाह आतन. माट इर्वल उंदिय पोल्‍लोतुन विस्वस कीताह्‌कु, निमा नावा निटम मग़ना लेह्‌कान आतिन. देवुळबाबानाहि ओसो माक पिसिह केवाल किर्स्तु येसुनाहि नीक सुकमि, देय्वा दोर्कसोर मनि! नना अमेसाता पिसमुळता आसातेनाह्‌क, येसुना सेवा कीय्ह्‌नन. देवुळ आचतोर मन्कलोर विस्वसते बेर्सना, अहे देवुळता अग़दे ओसीयनद सेतेमतुन पुनदना इन्जि, येसुसामि नाक बळयि इनजोर निल्पिह कीतोग़. इद पिसमुळतुन देवुळ आचतोर मन्कलोर दोर्किह कीयनुर इनजोर, बूमतुन पुटिह केवस्केन, देवुळि पोल्‍लो विळ्सता; देवुळि बेस्केन जोल वळ्ह्‌को. मति इंजेके देवुळि तना कगोते, तना पोल्‍लोतुन पेसिह कीता. माक पिसिह कीयनद देवुळि, तना पोल्‍लोतुन पोकुर कीयनद कबळतुन, नावा कयदे ईसि, नाक उकुम ईता.

तीतुस 1:1 Iomraidhean Croise

लूकाल 18:7

देवुळ आचतोर लोकुर, देवुळतुन नग़्का-पियलि कोळ्‍व कीसोर मन्ह्‌तोर, ओरा नेयम आयना इन्जि, ओरिह्‌क तोळ ईयलाहि, देवुळि आल्सेम कीयग़ाया?

बळयिर 13:48

इदिन केंजिसि, अग्डोर यहुदि आयवोर पका गिर्दा आसि, देवुळता कबुर बेसता इनजोर इंदुर. अमेसाता पिसमुळतुन दोर्किह कीयिर इनजोर, बय्तुरिन देवुळि मुनेन आचिस मता, अय्तुर येसुन विस्वस कीतोर.

रोम सहरतोर 1:1

नना पोलुनन, येसु किर्स्तुना कय इळ्न मनवानन; ओना बळयि आयलाह देवुळि नाक आचता. तना बेसता कबुर वेहतलाह नाक एग़िह कीता.

2 कुरिंततोर 1:1

देवुळता विचरते किर्स्तु येसुना बळयि आयलाह, अद निल्पिह कीतोनन पोलुनन. नना कुरिंत सहरते मनवालोर देवुळता मुडोरिर मीकु, ओसो मीवा अकाया पटटोर सबेटोर देवुळता मन्कलोरिह्‌क, इद सीटटुन रासिह्‌नन. मावा तोळतोग़ विस्वसि तिमोति, नावा संगे इगा मन्ह्‌तोग़.

इपिसुसतोर 2:8

देवुळि मीक दया कीताह्‌कु, मीट किर्स्तुन विस्वस कीतिर, अदिनेनाह्‌क मीक पिसिह कीता. देवुळता पिसमुळतुन दोर्किह कीयलाह, मीट बाताले केविर; इद पूरा देवुळता दर्मम आंदु.

पिलिपितोर 1:1

नना येसु किर्स्तुना कय इळ्न मनवानन पोलुनन आंदन. नावा तोळतोग़ सेवक तिमोति बार इद सीटि, पिलिपि सहरते मनवालोर येसु किर्स्तुन विस्वस कीतोर देवुळता मन्कलोरिह्‌क रासलाह आतोम. मीट विस्वसिरेनाह्‌कु, मीवा मुडगा मनवालोर मुक्यालोरेनाह्‌कु, ओसो सेवा केवालोरेनाह्‌कु, इद सीटि लोहतलाह आतोम.

1 तिमोति 3:16

ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”

1 तिमोति 6:3

इंजेके बोग़ाय माट काग़्हतव पोल्‍लोन विळ्सिसि, दुस्राङ पोल्‍लोङ काग़्हतह्‌तोग़, मावा येसुसामि किर्स्तुनाङ सेतेम पोल्‍लोन केंजोग़ आस्तोग़, अमेसा देवुळतुह्‌क विचर वानाह, पिसिह कीयनव सेतेम पोल्‍लोन वने केंजोग़ आस्तोग़;

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.

2 तिमोति 2:23

बुदलेवव, उगसताङ पोल्‍लोने गिटोगटो आयनग्डाह जेक मन. अद्रमताङ पोल्‍लोङ सिरप जग्ळम पुटिह कीस्ताङ इनजोर पुतिने.

2 तिमोति 2:25

ओसो विरुद केवालोरिन, कुलुल बुदते तेळियिह कीयना. अद्रम कीतेके, देवुळि ओरिन वने पापमता अग़दाहि मल्हचि, सेतेमतुन पुनाह कीतेक कीयग़ा बहे.

याकुब 1:1

नना याकुबनन, देवुळता ओसो किर्स्तु येसुसामिना सेवकनन आंदन. मावा इस्रयेल लोकुर बारा कूळिनोर, दुस्राङ-दुस्राङ देसेह्‌कने बिरोबटो आसि मनवालोर, सबेटोर विस्वसिरिह्‌क नयेनाह जोहर!

2 पत्रु 1:3

देवुळि बेरा डीसाता मनाह्‌कु, बेस गूनमता मनाह्‌कु, माक तना मन्कलोर आयलाह केयता. माट तान निटम पुताह्‌कु, माट तान्क विचर वातप पिसना इनजोरे, माक सबे ईता. देवुळता बेरा लावतेनाह्‌कु इव सबे दोर्कताङ.

2 पत्रु 3:11

इंगो, निटमे देवुळि निल्पिह कीतद दियाते पोग़ोटा बूमि किसते बूळेम आयग़ा; अगा मनदनव सबेटव दगडातुह्‌क कारियनुङ. इव सबे आयनुङ इन्जि पुह्‌निर इतेके, अद दियाता अग़ ऊळसोर, पवित्रते ताकना गावले. अमेसा मीट देवुळता विचर मतप लेह्‌का कीयना गावले. अद्रम ताकतेके, मीटु अद दिया चट्पिट एवनाह कीकिर.

1 योहन 2:23

बोग़ु देवुळता मग़िन जेक तासिह्‌तोग़, ओनगा देवुळबाबाना तोळ इले. मति बोग़ ओना मग़िन (नावा पिसिह केवाल इन्जि) कबुल कीस्तोग़, ओनगा देवुळबाबाना तोळ मन्ह्‌ता.

तोहचीतव पोल्‍लोङ 1:1

इंजेके जल्दि आयनव पोल्‍लोन, माक माळवालोरिह्‌क तोहचीम इनजोर, देवुळि अव पोल्‍लोन, येसु किर्स्तुह्‌क तोहच मता. येसु किर्स्तु, तना देवतुलतुन लोहचि, अविस्किन नाक तोहतोग़. नना योहननन येसुना सेवकनन, इंजेके अव पोल्‍लोन रासलाह आतन.