रोम सहरतोर 9:4 - माडिया गोंड पवित्र सास्त्रम

⁴ ओरिन देवुळि तनाङ पिलाङ-पेकोर आयलाह आचता, ओरिह्‌के तना सोबा ओसो डीसा दिसिह कीता. ओरा संगे करल कीसि, तनाङ अडोना सास्त्रम ईता. तन्क बेद्रम माळना इनजोर, ओरिने वेहच मता. ओसो ओरिह्‌क वेल्‍लाङे बेसताङ पोल्‍लोन विळ्सिस मता.

रोम सहरतोर 9:4 Iomraidhean Croise

मत्याल 21:33

“ओसो उंद पुन्पिह कीयनद पीटो वेहतह्‌नन, केंजाटु. ओर्वोग़ लोता माल्काल साव्कर मतोग़, ओग़ु अंगुर वाळुम ओग़्सतोग़. अंगुर सोपता वाळुम ओग़्सिस, ताना सर्ने वेटळ दोहतोग़. पया वाळुमता लोप्पा अंगुर जोमा पेग़लाहि, उंदि बोंदा तर्वतोग़, ओसो ताना एरे वाळुम केपलाह उंद मंडा पंडटोग़. पया ओग़ दुस्रोरिह्‌क कूलते तासिसि, जेक देसेमते पय्नम अतोग़.

योहन 1:17

इतेके मोसाल इनवाल देवुळता कबुरतोना मेटे, देवुळताङ अडोङ माक अस्के दोर्किस मताङ; येसु किर्स्तुना मेटे बार देवुळता सेतेमि, ओसो ताना दया मयगा एवता.

योहन 1:47

नतन्याल पया येसुनगा वातोग़, ओग़ वातदिन ऊळिसि येसु इतोग़, “वेग़ करल इस्रयेलतोग़, वेना पोटालोप्पा नाळेह कीयनद बुद इले.”

बळयिर 2:39

बाराह्‌क इतेके तना जीवातुन ईकन इन्जि, देवुळि मुनेन पोल्‍लो विळ्सता. अद पोल्‍लो मियेनाह्‌के ओसो मीवा जालपिलतेनाह्‌क, जेक-जेकताङ देसेह्‌कनोरेनाह्‌क, बेच्वुरिन देवुळि तनगा केयिह्‌ता, अच्वुरिह्‌क,” इनजोर इतोग़.

रोम सहरतोर 3:2

(अस्के नना इनेनन: यहुदि मन्कल आसि डायना रिवज कीतोग़ इतेके,) पका पाय्दा दोर्किह्‌ता. मोदुल पोल्‍लो इद इतेके, देवुळि तना सास्त्रमतुन, माक यहुदिरिह्‌के ईस मता.

रोम सहरतोर 8:15

बहु साकुर केवाल तना माल्काह्‌क रेयिस मनदना लेह्‌का, माकु देवुळताहि रेय वसनद जीवा दोर्कताया? आयो! मावा जीवातगा मनदनद पवित्र जीवा, माकु देवुळताङ मग़्क-मयास्‍क आनाह कीता. अदिनेनाह्‌क देवुळतुनु, ए नावा बाबानिन इनजोर, केय पग़यह्‌नल.

रोम सहरतोर 9:6

(मीवा जालपिलतुह्‌क नना बर्कत ईकन इनजोर, देवुळि इस्रयेल लोकुरा तादोर-बाबोरिन किरिया कीस मता. मति इंजेके किर्स्तुनु इस्रयेलतोर पास्किह्‌तोर इतेके,) देवुळि ओरा संगे कीतद किरियातुन देहता इनजोर, नना इनोन. मति इस्रयेल देसेमते पुटटोर सबेटोरे, देवुळता लोकुर आयोर, इचोने इह्‌नन.

2 कुरिंततोर 11:22

ओर तम्क इब्रि जाततोर मन्कलोरोम इनजोर इन्ह्‌तोर, नना वने इब्रि मन्कनने. ओर, इस्रयेल मन्कलोरोम इन्ह्‌तोर, नना वने इस्रयेल मन्कनने. ओरु, अब्रहमना कूळतोरोम इन्ह्‌तोर, नना वने अब्रहमना कूळतोनने.

गलातितोर 3:16

इंजेके अब्रहम मुय्तोह्‌कु, देवुळि पोल्‍लो विळ्सिस वेहन्दु, “नीकु ओसो नीवा कूळतोन्कु बर्कत ईकन” इन्जि. इतेके नीवाङ कूळतोरिह्‌कु ईकन इन्जि, देवुळ वेल्‍लाटोरा लोप्पा वेहो, मति नीवा कूळतोन्कु इन्जि, ओर्विनाये लोप्पा वेहचि. ओग़ कूळतोग़ बोग़ इतेके, येसु किर्स्तुये आंदोग़.

इपिसुसतोर 2:12

अस्के मीट किर्स्तुना संगे कलियवा मतिर; इस्रयेल मन्कलोरा मुल आयवा मताह्‌कु, मीक देवुळता सास्त्रम दोर्को. देवुळि इस्रयेल मन्कलोरिन वेल्‍लाङे मल्काङ तना पोल्‍लो करल कीस मता, मीट अव करल्कनगा कलियविर आस मतिर. इद बूमतगा आसालेवा, देवुळलेवा मतिर.

इब्रितोर 9:1

इस्रयेलतोरा संगे कीतद मुनेता करलतगा, देवुळतुन मोळ्कनव अडोङ मताङ. अव अडोन माळलाह, इद बूमतगा उंद रावुळ पंडटद मता.

इब्रितोर 9:3

पळ्‍दा गेंदेता पेग़्केडा अरातुन, सबेट्क पवित्र गूड इंदुर.

इब्रितोर 9:5

संदुकता पोग़ोन (देवुळि अगा मनदनदिना सीना इनजोरे, रेंड) राका कीयनविस्कनाङ बोमाङ मताङ. संदुकता पोग़ोन, पापमतुन मापि कीयनद जागातुन, तमाङ मारेने मुळ्हच मताङ. अव पोल्‍लोन इंजेके ओर्कुलते वेहतलाह, पुर्सत इले.

इब्रितोर 9:6

इद्रम देवुळता रावुळतुन तयर कीस मतोर. मुनेहता अरातगा, बूमयालोर अमेसा ओळियसोर, ओसो सेवा कीसोर मंदुर.