रोम सहरतोर 8:7 - माडिया गोंड पवित्र सास्त्रम

⁷ बह इतेके मन्कना बुदते विचर केवालोर देवुळताङ अडोन केंजोर, केंज पग़वोर वने. अदिनेनाह्‌क अद्रम विचर केवालोर, देवुळता विरुद मन्ह्‌तोर.

रोम सहरतोर 8:7 Iomraidhean Croise

मत्याल 12:34

एय वीसमतरसलेह्‌काडोरिर, मीट लाग्वोरिर मन्जि, मीक नेह्‌नाङ गोटिङ बह वळ्ह्‌क वायनुङ! बाराह्‌क इतेके, पोटातगा बेव पोल्‍लोङ निंदिस मन्ह्‌ताङ, अवे पोल्‍लोङ तोडटाहि पेसिह्‌ताङ.

मत्याल 5:19

अदिह्‌कु बोराय इचीटा अडोतुन माळोर, ओसो दुस्रोरिन वने अहे तमा मतप काग़्हतह्‌तोर, ओरु देवुळ राजेम कीयना लोकुरगा, सबेटोरिह्‌क उड्लोर आयनुर. मति बोर इव अडोनु माळिह्‌तोर, ओसो अहे काग़्हतह्‌तोर, ओरु देवुळ राजेम कीयना लोकुरगा बेरोर आयनुर.

योहन 7:7

दुनियातोर मीक इतेक कोंटे कीया पग़वोर. मति ओराङ कबस्क लाग्वाङ मन्ह्‌ताङ इनजोर इह्‌नन, अदिनेनाह्‌क नाकु ओर कोंटे कीस्तोर.

रोम सहरतोर 1:28

ओरिह्‌क देवुळतुन सीता कीयलाह, मुर्तिय विचर वावो. अदिनेनाह्‌क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.

रोम सहरतोर 3:31

अह इतेके, माट अडोन माग़्ङतप लेह्‌का आतला? आयो! विस्वस कीतेकेने, देवुळता जीवा माकु अडोङ वेहतप ताकिह कीस्ता.

रोम सहरतोर 5:10

नना ओसो तेळियिह कीस वेहतह्‌नन, माट देवुळता कोंटेतोरल मतल अस्केने, मयेनाह्‌क डोललाह अद तना मग़िन लोहच मता. इद्रमलेह्‌का माट ताना संगे गूनम आतल. इंजेके गूनम आतापया देवुळि, तना मग़ि किर्स्तु जीवात मनाह्‌कु, माक सिक्साताहि निटमे पिसिह कीयग़ा.

रोम सहरतोर 7:22

देवुळताङ अडोना लोप्पा, नावा जीवातगा पका गिर्दा आस्ता.

रोम सहरतोर 8:4

देवुळि बाराह्‌क इद्रम कीता? इंजेके माट मन्कना बुदते ताकवालेवा, देवुळता जीवा वेहतप ताक पग़यह्‌नल. इद्रम ताकसोरे, उंद पूना रीतते अडोङ वेहतप कीयलाह आतल.

1 कुरिंततोर 2:14

मति बोग़ु मन्कना बुदते ताकिह्‌तोग़, ओग़ देवुळता जीवाताङ पोल्‍लोन केंजोग़. ओग़ अव पोल्‍लोन बुदलेवव पोल्‍लोङ इन्ह्‌तोग़. बाराह्‌क इतेके, देवुळता जीवातेने, अव पोल्‍लोन बेस-नेह्‌ना पर्ह्‌किस ऊळनदु. ओग़ अद्रम केवाह्‌कु, अविस्किन पुनदा पग़वोग़.

1 कुरिंततोर 9:21

मोसानाङ अडोन नोमवोरु यहुदि आयवोरा संगे मनदह्‌पा, नना वने ओरिन किर्स्तुनगा ततनेनाह्‌क, मोसानाङ अडोन पुनवप लेह्‌कान मह्‌नन. देवुळताङ अडोन पास्कोन, मति निटम किर्स्तुनाङ अडोन माळिह्‌नन.

कुलुसितोर 1:21

मीट मुने मीवाङ लाग्वाङ विचर्कने, देवुळता संगे विरुद आस एग़तप लेह्‌का मंदिर, अहे लाग्वाङ कबस्क कीसोर मंदिर.

कुलुसितोर 2:18

मीक जोल काग़्हवालोर इद्रम वेहतह्‌तोर, “मावा लेह्‌का तिपलता नोमळ कीयना, पोग़ोटाङ देवतुल्किन मोळ्कना,” इन्ह्‌तोर. इद्रम वेहचि, मीट देवुळता राजेमता लायकतोरिर आयविर इनजोर, मीवा पोग़ोन कसुर ओपलाह एमाटु. अद्रमतोर मन्कलोर इद्रम-इद्रमताङ लेकाङ ऊळतोम इनजोरे, तमाय मन्कना बुदते उगसे पोग़यसोर तिरियिह्‌तोर.

2 तिमोति 3:4

तम्क नमवालोरिन नाळेह कीयनुर, विचर केवालेवा कंद्रेमते बातालाय कीयनुर, वळ्ह्‌कनुर, पोमाडेङ कीसोर तिरियनुर. देवुळतुन जीवा केवा, कुदता गिर्दातुन जीवा कीयनुर.

इब्रितोर 8:10

मति पेग़्के इस्रयेलतोरा संगे, इद्रमता करल कीकन: नना नावाङ अडोनु, ओरा सीतातगा तासकन; ओरा जीवातगा, अव अडोनु नना रासकन; नना ओरा देवुळतन मनदकन; ओर नावा मन्कलोर मनदनुर;

याकुब 4:4

एय देवुळतुन जीवा केवोरिर, दुनियातुन जीवा कीयना इतेके, देवुळता संगे विरुद आयना लेह्‌का आस्ता. बोग़ मन्कल दुनियातुन जीवा कीयलाह ऊळिह्‌तोग़, ओग़ मन्कल देवुळता विरुदतोग़ आस्तोग़, मीक इद पोल्‍लो एर्का इलेया?

2 पत्रु 2:14

वेरा नद्र साट्याल बुदते निंदिस मन्ह्‌ता, पापम पोल्‍लोन पर्ह्‌कसोरेन मन्ह्‌ता. विस्वसते मेग़्कवोरिन नाळेह कीसि, पापमतके ओस्तोर. लालुस आयनदिना लोप्पा कोनि, वेरे पका पुतोर. देवुळि वेरिन सिक्सा ईस्ताये.