रोम सहरतोर 8:4 - माडिया गोंड पवित्र सास्त्रम

⁴ देवुळि बाराह्‌क इद्रम कीता? इंजेके माट मन्कना बुदते ताकवालेवा, देवुळता जीवा वेहतप ताक पग़यह्‌नल. इद्रम ताकसोरे, उंद पूना रीतते अडोङ वेहतप कीयलाह आतल.

रोम सहरतोर 8:4 Iomraidhean Croise

लूकाल 1:6

वेर आळ इर्वुर आसि देवुळता मुनेह कर्तुळते मतोर. देवुळताङ सबे अडोङ-उतुर्किन, तपवालेवा माळसोर ताकिंदुर.

रोम सहरतोर 2:26

अद्रमे डायना रिवज केवोर यहुदि आयवोरु, अडोङ वेहतप ताकतेके, ओर वने देवुळता लोकुरगा कलियनुर, कलियिसि डायना रिवज कीतपे आयनुर.

रोम सहरतोर 3:31

अह इतेके, माट अडोन माग़्ङतप लेह्‌का आतला? आयो! विस्वस कीतेकेने, देवुळता जीवा माकु अडोङ वेहतप ताकिह कीस्ता.

2 कुरिंततोर 10:2

अद इद्रम मन्ह्‌ता: पोलुर दुनियातोरा लेह्‌कान ताकिह्‌तोर इनजोर, मियगा वावालोर उच्वुर मन्कलोर माक पास्किह्‌तोर. नना अके वातस्के, ओरिन कळकते वळ्ह्‌ककन इनजोर, विचर कीयलाह आतन. मति मीवा संगे नना अद्रम वळ्ह्‌कनाह आयमाकि! नना मीक अर्जि कीय्ह्‌नन.

2 कुरिंततोर 10:3

इह केंजाट! माट वने दुस्रोरा लेह्‌का दुनियातेन मह्‌नोम! मति दुनियातोरा लेह्‌का लळेम आयोम.

गलातितोर 5:16

इंजेके नना वेहतह्‌नन, बेस केंजाटु! देवुळता जीवा मीक बह ताकिह कीस्ता, अहे ताकाटु; अस्के मीवा मन्कना बुदते, मीट मुर्तिय ताकविर आयकिर.

कुलुसितोर 1:22

अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्‌क डोलताह्‌कु, देवुळि मीक तना संगे कलियिह कीता. मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.

इब्रितोर 12:23

अग्डाङ सेतेमतोर मन्कलोराङ जीवाना मुडगा मीट कलियतिर. अद मुडगा, सबेटोरिह्‌क देवुळि माळा मग़ना अदिकर ईता, सबेटोराङ पेदिर्क देवुळता पुस्तकतगा रासतव मन्ह्‌ताङ, सबेटोर (किर्स्तुना मोकतेनाह्‌कु,) मुर्तिय पापमलेवोर आसि मन्ह्‌तोर. मीट सबेटोरा, सबेटविना नेयम कीयनद देवुळतगाने वातिर.

1 योहन 3:2

ए गोततोरिर, इंजेके माट देवुळताङ पेकोरल मह्‌नल निटमे! मति पया वायना कालमते माट बेद्रमतोरल आयकल, इद पोल्‍लोतुन पुनवल. तेला मति माक इद पोल्‍लो एर्का मन्ह्‌ता इतेके, किर्स्तु देवुळदीपताहि बेस्के मल्स वायनोग़ अस्के, किर्स्तु बह मन्ह्‌तोग़, अद्रमे ओग़ माक दिसनोग़. दिसतस्के, माट वने ओना लेह्‌का आयकल.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

तोहचीतव पोल्‍लोङ 14:5

ओराङ तोडिनाहि बेस्केन जोल पोल्‍लो पेसो. ओर बाताले कसुरलेवोर मतोर.