रोम सहरतोर 8:32 - माडिया गोंड पवित्र सास्त्रम

³² देवुळि किर्स्तुन मयेनाह्‌क डोललाह वने विळ्सिसीता, वेग़ नावा वग़ोग़े मग़ि इनजोर, विचर वने केवो, अचोन ताना गूनमि! इतेके तना करल कीस मतपु, इव सबेटविन चिव्टम आयवा, माक निटमे ईयग़ा.

रोम सहरतोर 8:32 Iomraidhean Croise

मत्याल 3:17

पया पोग़ोटाहि देवुळता आल्का केंज वाता, “वेग़े नावा जीवा कीतोग़ मग़ि, वेना लोप्पा नना पका गिर्दाते मह्‌नन,” इद्रम वेनदा वाता.

मत्याल 7:11

मीट पापमतोरिर मन्ज तेला, मीवाङ पिलाङ-पेकोरिह्‌क बेसता मादुन ईयलाह पुह्‌निर, इतेके मीवा देवुळदीपतोग़ बाबाल, ओन ताल्ह्‌कवालोरिह्‌क बेचोटा बेसतल माल ईयनोग़!

योहन 3:16

देवुळि दुनियातोरिन बेद्रम जीवा कीता इतेके, तना वग़ोग़ मग़िन इद दुनियातोरेनाह्‌क मोक आयलाह ईता. बोर ओन नमनुर, ओर बूळेम आयोर, मति अमेसाता पिसमुळ ओरिह्‌क दोर्कग़ा. अदिनेनाह्‌कु देवुळि तना वग़ोग़ मग़िन दुनियाते लोहता.

रोम सहरतोर 11:21

देवुळि ओग़्सता मराताहि, कोळ्सतव कोमान वने तासवा, एळ्पिस पोहता इतेके, मीट टुटाताहि ततव कोमाना लेह्‌काडोरिर, मीट विस्वसतुन विळ्सतेके, मीवा बह आयग़ा?

रोम सहरतोर 6:23

(अदिह्‌कु माट पापम कीसोरेन दाकल इन्जि इनमाटु.) बह इतेके, पापमता कमय इतेके, हामुरिये दोर्किह्‌ता. मति मावा किर्स्तु येसुसामि मयेनाह्‌क कीतद कबळतेनाह्‌कु, देवुळि माक तना संगे अमेसा पिसनद दर्मम ईस्ता.

रोम सहरतोर 8:28

देवुळि मुनेन विचर कीस तासतपु, बोन-बोन केयता, ओरे तान जीवा कीस्तोर. ओरिह्‌क बेवे आयिङ, देवुळि अव सबेटविना मेटे, ओरेनाह्‌क बेसताङे पोल्‍लोन पुटिह कीसीस्ता इनजोर, माट पुतल.

1 कुरिंततोर 2:12

अद तना माक बेचोन देय्वा ईता इनजोर पुनदलाहि, तना जीवातुन माक ईता. देवुळ माक ईतद जीवा, इद दुनियातग्डा आयो.

2 कुरिंततोर 4:15

इव सबे पोल्‍लोङ मियेनाह्‌के आयलाह आताङ; देवुळता दया वेल्‍लाटोरगा पोकुर आयि इनजोर, आयलाह आताङ. पोकुर आतेक अचोन, वेल्‍लाटोर मन्कलोर देवुळता डीसातेनाह्‌क तान जोहर कीयनुर, अदिनेनाह्‌क वेल्‍लाटोर मन्कलोर देवुळतुन मान ईसि मोळ्किह्‌तोर.

2 कुरिंततोर 5:21

किर्स्तु पापमलेवा मतोग़. मतेक तेला माट ओना संगे जोळेम आसि, देवुळता मुनेह सेतेमतोर आयना इनजोर, देवुळि मावा पापमतुन ओना पोग़ोन वाटिसि, मावा बद्लाते ओन्क सिक्सा ईता.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

1 योहन 4:10

बेद्रम जीवा कीयना इनजोर, माट देवुळतुन जीवा कीसि तोहवल. मति देवुळिये इद पोल्‍लोतुन बेस-नेह्‌ना तोहता. बेद्रम इतेके, अद माक जीवा कीता, ओसो तना मग़ि मावा पापमता सिक्सातुन तना पोग़ोन एचि डोलेग़ इनजोर, ओन लोहच मता. इदे निटम जीवा कीयनद आंदु.

तोहचीतव पोल्‍लोङ 21:7

बोर बोर लाग्वाङ पोल्‍लोन गेल्सनुर, ओरिह्‌क नना इव सबे ईकन. नना ओरा देवुळि आयकन. ओर नावाङ पिलाङ-पेकोर आयनुर.