रोम सहरतोर 8:30 - माडिया गोंड पवित्र सास्त्रम

³⁰ बोर-बोरिन आचता, ओरिन तना अग़दे ताकलाह, केयता वने. बोर-बोरिन केयता, ओरिन सेतेमतोर कीता वने. बोर-बोरिन सेतेमतोर कीता, ओरिह्‌क पका मान ईयग़ा वने.

रोम सहरतोर 8:30 Iomraidhean Croise

योहन 17:22

निमा नाक लोहतिन, ओसो बेचोन निमा नाक जीवा कीतिन, अचोने ओरिन वने निमा जीवा कीतिन इनजोर, दुनियातोर पुनदनेनाह्‌क, ओर कतमतोर उंद एका आयिर. बहलेह्‌का माट इर्वल उंद आस मह्‌नल, अहलेह्‌का ओर वने उंद एका आयिर: नना ओरगा जोळेम आस मह्‌नन, ओसो निमा नयगा. इदिनेनाह्‌क बेद्रम निमा नावा संगे उंद आसि, नाक मान ईतिन, अद्रमे नना ओरा संगे उंद आसि, अदे मान ओरिह्‌क ईतन.

योहन 17:24

“बाबा, ओरिन निमाने नाक ईतिन. ओर नावा डीसातुन ऊळनेनाह्‌क, बेगा नना दाय्ह्‌नन, अगाने ओर वने नावा संगे मनदना, इदे नावा विचर आंदु. अद डीसा निमा नाक ईतिन बाराह्‌क इतेके, दुनिया पुटनामुनेने नाक जीवा कीतिन.

योहन 5:24

इह केंजाट, नना सेतेम वेहतह्‌नन, इद दुनियाते सबेटोर (तमा पापमते) डोलतप लेह्‌का मन्ह्‌तोर. मति बोर नावाङ पोल्‍लोङ केंजिसि, नाक लोहतोना पोग़ोन बर्वस तासिह्‌तोर, ओरिह्‌क अमेसाता पिसमुळ दोर्कताये. देवुळ ओरिन तमा पापमता सिक्सा एवो; मति ओरिन अमेसाता पिसमुळतगा एव्सिह कीसीता.

रोम सहरतोर 1:6

रोम सहरतगा मनवालोर सबेटोर विस्वसिरिर! येसु किर्स्तुना पवित्र मन्कलोर आयलाहि, देवुळि सबे जातिनाहि लोकुरिन केयता. अहे अद मुडगा, देवुळि मीक वने जीवा कीसि, कलियिह कीता. मावा देवुळबाबानाहि ओसो किर्स्तु येसुसामिनाहि, मीक सुकमि, देय्वा दोर्कि.

रोम सहरतोर 11:29

बाराह्‌क इतेके, “मीवा जालपिलतुन नना नावा लोकुर आयना इन्जि आचतन, ओरिह्‌क बर्कत ईकन” इन्जि, देवुळि ओर पेदामुय्तोरिन करल कीस मता, अद पोल्‍लोतुन देवुळि बेस्केन माग़्ङो.

रोम सहरतोर 8:1

(मुने नाक पापम ताकिह कीसि, अमेसाता हामुरतेके ओसींदु.) मति इंजेके नना येसु किर्स्तुन विस्वस कीताह्‌कु, नयगा मनदनद देवुळता जीवा पापमता, हामुरता कयदग्डाहि नाक विळ्सिह कीता. अदे जीवा इंजेके नाक ताकिह कीस्ता. (अदिनेनाह्‌क देवुळि कसुरतोरिर इन्जि, मावा नेयम कीयग़ा इनजोर, माक बातय रेय इले.) येसु किर्स्तुन विस्वस केवालोरिह्‌क, [मन्कना बुदते ताकवा, देवुळता जीवा वेहतप ताकवालोरिह्‌क,] देवुळि बेस्केन सिक्सा एवो.

रोम सहरतोर 8:28

देवुळि मुनेन विचर कीस तासतपु, बोन-बोन केयता, ओरे तान जीवा कीस्तोर. ओरिह्‌क बेवे आयिङ, देवुळि अव सबेटविना मेटे, ओरेनाह्‌क बेसताङे पोल्‍लोन पुटिह कीसीस्ता इनजोर, माट पुतल.

1 कुरिंततोर 1:2

कुरिंत सहरते मनवालोरिर मीक देवुळता मुडुह्‌क सीटि रासलाह आतन. देवुळि मीक किर्स्तु येसुना संगे जोळे कीसि, तनेनाह्‌क अलग कीता. तना मन्कलोर आयलाह आचता. पूरा बूमतगा मावा येसुसामि किर्स्तुन मोळ्कवालोर, सबेटोर मन्कलोरिन वने, अद्रमलेह्‌काने आचता. येसु किर्स्तु ओरा वने, मावा वने सामिये.

1 कुरिंततोर 1:9

देवुळि तना मग़ि, मावा येसुसामि किर्स्तुना संगे, मीक कलियिस मनदलाह केयता. अद देवुळि बर्वस लायकता आंदु.

1 कुरिंततोर 2:7

मति देवुळताये बुदता पोल्‍लोतुन वेहतह्‌नोम. आक्रिते माट ताना संगेन पिसना इन्जि, अद पोल्‍लोतुन देवुळि बूमतुन पुटिह केवस्केन, विचर कीस तासिस मता. इचानाह पुन्पिह केवा मता. मुनेता कालमते तना पोटातगा तासिस मता.

1 कुरिंततोर 6:11

मीवा मुडग्डाहि उच्वुर मन्कलोरिर मुने अद्रमे मतिर. मति येसुसामि किर्स्तु मयेनाह्‌क डोलताह्‌कु, मावा देवुळि तना जीवाते मीवा जीवातुन नोग़ता, नोग़्सि मीक तनेनाह्‌क एग़िह कीता, सेतेमतोर कीता.

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

गलातितोर 1:15

पया बेद देवुळि तना देय्वाते नना पुटनामुनेन नाक आचता, आचिसि दुस्राङ-दुस्राङ देसेह्‌कनोरगा, ताना मग़ि येसु किर्स्तुना बेसता कबुर वेहतना इन्जि नाकु केयता, इदे देवुळि नाकु तना मग़िन पुन्पिह कीयलाह, विचर कीता इन्जि, मीट पुतिर. अस्के नना बोनगाने बुदिङ ताल्ह्‌कलाह अनोन;

गलातितोर 1:6

पया अचोन चट्पिट मीटु देवुळतुन पेग़्के कीतिर इतेके! बेद देवुळ मीकु किर्स्तुना दयाते मनदलाह केयता, ताना बेसता कबुरतुन पोहचि, बेदो दुस्राय अलगता कबुरतुन नमतिर अले!

गलातितोर 5:8

इद्रमता नाळेह कीयनद बुदि इतेके, मीक आचतद देवुळताहि वावो.

इपिसुसतोर 1:11

ओना संगे माक जोळे कीसि, तना मन्कलोर कीयलाहि माक आचता. तना विचर कीस मतपु, माक मुनेन आचता. अद तना बेद्रम विचर कीता, अद इसबते सबे कीता.

इपिसुसतोर 1:5

माक जीवा कीसि, येसु किर्स्तुना मेटे तनाङ पिलाङ-पेकोर कीयलाहि, माक मुनेन आचता. इद्रम कीयलाहि मुनेन विचर कीस मता, अहे ताना गिर्दा मता.

इपिसुसतोर 2:6

किर्स्तु येसुना संगे माक जोळे कीसि, ओना संगे माक वने जीवा अर्हता, अर्हचि पोग़ोन देवुळदीपतगा किर्स्तु उदिस राजेम ताकिह कीयनद जागातगा, माक उदिह कीता.

इपिसुसतोर 3:11

सुरुमुनेताहि देवुळि इद्रम कीयलाहि, विचर कीस मता. इंजेके मावा सामि किर्स्तु येसुना कयदे तान पूरा कीता.

इपिसुसतोर 4:4

सबेटोर विस्वसिरा मुल उंदिय मेंदुलि. अद मुडगा मनदनद देवुळता जीवा उंदिय आंदु. सबेटोर विस्वसिरिन देवुळ उंदिय आसाते पिसलाह केयता.

कुलुसितोर 3:4

मावा पिसमुळ किर्स्तुनगाने मन्ह्‌ता. ओग़ सबेटोर ऊळनाह, पका डीसाते ओसो दिसनोग़ अस्के, मीट वने ओना डीसाते कलियकिर.

2 तिमोति 2:11

इद पोल्‍लो सेतेमताये: माट किर्स्तुना संगे डोलतप लेह्‌कान आतल, इतेके ओनाय संगे जीवात मनदकल.

इब्रितोर 9:15

देवुळि ईस मतद पाळ्ना करलतुन देहतोर पाप्यह्‌लोरिन विळ्सिह कीयलाह, किर्स्तु डोलतोग़. डोलताह्‌कु, ओग़ देवुळि आचतोरगा पूना करल ततह्‌तोग़. देवुळि मुनेन पोल्‍लो विळ्सतपु, ताना अमेसा मनदनद बर्कतता तूस, पूना करलते कलियवालोरिह्‌क दोर्किह्‌ता.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

1 पत्रु 3:9

लाग्वाता बद्ला लाग्वा केमाटु, सरपता बद्ला सरप एमाटु. दुस्रोर मीकु अह कीतेकाय, मीटु ओरिह्‌क गूनम तोहाटु, बर्कतताङ पोल्‍लोङ वळ्ह्‌काटु. मीटु इह कीसि, मीक देवुळताहि बर्कत दोर्कना इन्जि, ताना विचर मन्ह्‌ता.

1 पत्रु 5:10

माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता. इद रेंड दियाना मनमुळते, मीटु गय्क तिपल आतापया, देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.

2 पत्रु 1:10

अदिनेनाह्‌क मावोर विस्वसिरिर, इव पोल्‍लोङ मियगा मन्ह्‌ताङा, इलेङा इन्जि पर्ह्‌किस ऊळाटु. देवुळि निटम मीक आचिसि, तना मन्कलोर आयलाह केयता इनजोर, मीट पकाय जिदते करल कीयलाह ऊळाटु. अद्रम मीट कीसोर मतिर इतेके, बेस्केन मीवा विस्वसते पेग़्के अरविर.

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.

तोहचीतव पोल्‍लोङ 19:9

पया अद देवतुल नाक इता, “इद्रम रासा: गोरेपिलाता मर्म-कुळ्पतुह्‌क केयतोरु, ओर देय्वातोरु,” इनजोर इता. ओसो, “इव पोल्‍लोङ देवुळताङ सेतेम पोल्‍लोङ आंदुङ,” इनजोर इता.