रोम सहरतोर 8:18 - माडिया गोंड पवित्र सास्त्रम

¹⁸ किर्स्तुनेनाह्‌क विस्वसिरिह्‌क इंजेक तिपल वास्ताये. मति वायनद कालमते, देवुळि तना डीसा तोहचि, बेचोन माक मान ईयग़ा, ताना सीता कीतेके, मावा इंजेटा तिपल ओसोय अल्को मन्ह्‌ता इन्जि, नना पुह्‌नन.

रोम सहरतोर 8:18 Iomraidhean Croise

बळयिर 20:24

मति हातेकाय, पिसतेकाय, नावा जीवाता नना पर्वा केवोन. देवुळता दयाता बेसता कबुरतुन पोकुर कीम इनजोर, येसुसामि नाक ईतद सेवातुन मारिह कीयनद, इदे नाक बेसु.

रोम सहरतोर 8:19

(आदम-अवाल बेस्के पापम कीतोर अस्के,) देवुळि ओरिन सरप ईता, ओसो पूरा बूमतगा पीळा अर्हता.(मन्कलोरिह्‌क इतेके, ओरा कसुरतेनाह्‌क सरप दल्गता, मति) देवुळ पुटिह कीतव सबेटविस्किह्‌क बार, कसुर केवाये पीळा दोर्कता. मति अविस्किह्‌क वने आसा मन्ह्‌ता. उंद दिया देवुळि तनाङ मग़्क-मयास्किन, अद सरपताहि विळ्सिह कीसि, ओरिह्‌क मान ईयग़ा, अद मान पोळ्क्ने दिसग़ा. अदे दिया, देवुळि तना पुटिह कीतव सबेटविन वने, अविस्कना पीळाताहि विळ्सिह कीयग़ा. अद दियातुन अवु अग़ ऊळसोरेन मन्ह्‌ताङ.

कुलुसितोर 3:4

मावा पिसमुळ किर्स्तुनगाने मन्ह्‌ता. ओग़ सबेटोर ऊळनाह, पका डीसाते ओसो दिसनोग़ अस्के, मीट वने ओना डीसाते कलियकिर.

2 तिसलुनितोर 2:14

बेद बेसता कबुरतुन माट मीक पोकुर कीतोम, ताना मेटेने देवुळि मीक केयता. मावा येसुसामि किर्स्तुना डीसाते मीट कलियना इनजोर, मीक केयता.

तीतुस 2:13

माट इद्रम पिससोर, पका बेसता पोल्‍लोतुन आसा कीयलाह आतल इतेके: माक पिसिह केवाल बेरोग़ येसु किर्स्तु देवुळि, तना डीसाते बूमतगा वायनद दिसग़ा इनजोर, आसा कीयलाह आतल.

इब्रितोर 11:35

विस्वस कीताह्‌कु उचुक आस्कु, डोलिस मतोर तमा मन्कलोरिन, ओसोवने जीवा अरतद दोर्किह कीताङ. विस्वस कीतोर दुस्रोर बारा, तमा कोटुलतोरग्डाहि देबाङ तिनजोर-तिनजोर डोलतोर. डोलतापया माक देवुळि पका बेसतल पिसमुळ ईयग़ा इन्जि, आसा कीसोर मतोर. अदिनेनाह्‌क (माट देवुळतुन विळ्सिह्‌नोम,) माक विळ्सिसीम्ह्‌टु इनजोर इनवालेवा, तिपल आसोरे डोलतोर.

1 पत्रु 1:13

अदिनेनाह्‌कु मीटु बेस बुदते मन्जि, उसरते मन्ह्‌टु. ओसो येसु किर्स्तु मल्स वायना वेलाते, मीकु दोर्कना बर्कततगा पूरा आसा कीस मन्ह्‌टु.

1 पत्रु 5:1

इंजेके येसुना मुडगा मनवालोर, मीक मुक्यालोरिह्‌क उंद पोल्‍लो. नना इंका मुक्यानन, येसु किर्स्तुना तिपलतुनु कोंडामेंड ऊळतोनन, ओसो ओग़ु मल्स वायह्‌पा, ओना कदरते, डीसाते कलियवानन आंदन.

1 योहन 3:2

ए गोततोरिर, इंजेके माट देवुळताङ पेकोरल मह्‌नल निटमे! मति पया वायना कालमते माट बेद्रमतोरल आयकल, इद पोल्‍लोतुन पुनवल. तेला मति माक इद पोल्‍लो एर्का मन्ह्‌ता इतेके, किर्स्तु देवुळदीपताहि बेस्के मल्स वायनोग़ अस्के, किर्स्तु बह मन्ह्‌तोग़, अद्रमे ओग़ माक दिसनोग़. दिसतस्के, माट वने ओना लेह्‌का आयकल.