रोम सहरतोर 7:4 - माडिया गोंड पवित्र सास्त्रम

⁴ अद्रमलेह्‌काने मावोरिर, (मुने माट यहुदिरल मोसानाङ अडोना संगे जोळ आस मतल). किर्स्तु डोलतस्के, माट वने ओना संगे डोलतप लेह्‌कान आसि, अडोना अदिकरताहि पेसतल.(रांडे आंचाळ दुस्रोन्क दाया पग़तप लेह्‌काने,) माट वने इंजेके किर्स्तुना संगे हामुरतग्डाहि जीवा अरतप आसि, ओना संगे जोळ आतल; जोळ आसि, ओनाय संगे देवुळता बेसता सेवा कीया पग़यह्‌नल.

रोम सहरतोर 7:4 Iomraidhean Croise

मत्याल 26:26

अस्के पया ओर तिनदह्‌पा, येसु आरतुन पोसि, देवुळतुन जोहर कीसि, आरतुन किळ्हतोग़. अह कीसि ओरेके आहचोर इतोग़, “इद किळ्हतद आरतुन एनाटु, तिन्ह्‌टु, इद नावा मेंदुलता सीना आंदु. (ताने नना मियेनाह्‌कु मोकि ईय्ह्‌नन.)”

मार्कल 4:20

मति राब जागा इहलेह्‌का मन्ह्‌ता, बोर मन्कलोर देवुळता पोल्‍लोतुन केंजिसि, तमा जीवातगा तासिह्‌तोर. (राब जागातगा अरतद विजा) बेद्रम उंद-उंद मोदुदुह्‌क बेगा डेडा वीसा (30), बेगा मूंड वीसाङ (60), बेगा नूरु (100), इद्रम पंटा वास्ता, अद्रमता पंटालेह्‌का, ओर बेसताङ कबस्क कीस तोहतह्‌तोर,” इनजोर इतोग़.

योहन 15:8

मीट पका आदिसि, येसुनाङ कग़यवालोरोम इन्जि तोहतकिर अस्के, इवटे नावा बाबाना मान आयग़ा.

योहन 3:29

बेद्रम मर्मपिला मर्मपेकानकेन दास्ता, अद्रमे लोकुर ओनक्‍केन दास्तोर. नना इतेके मर्मपेकाना कचुल निच मनवाल, ओना गोततोनन. ओना वळ्ह्‌कनदिन नना केंजिह्‌नन, केंजिसि गिर्दाते मह्‌नन. लोकुर ओनक्‍केन दास्तोर, इदिन ऊळिसि नावा गिर्दा पूरा निंदता.

योहन 6:51

देवुळदीपताह रेगतद जीवात मनदनद तिंडि ननान आंदन. बोर इद तिंडटुन तिनदनुर, ओर अमेसा जीवात मनदनुर. इद तिंडि नावा मेंदुल आंदु, इदिन नना दुनियातोरा पिसमुळतेनाह्‌कु ईकन,” इनजोर येसु इतोग़.

रोम सहरतोर 6:11

अद्रमे मीट वने किर्स्तु येसुना संगे जोळेम आताह्‌कु, पापमता विचरते ताकवा, डोलतप लेह्‌का आतिर, मति देवुळता विचर मतपु ताकसोर पिसिह्‌निर, इदिन मीट पुन्ह्‌टु.

रोम सहरतोर 6:14

इंजेक मोसानाङ अडोङ आयो, मति देवुळता दयाये मीक ताकिह कीस्ता, इदिन सीता कीम्ह्‌टु. अदिनेनाह्‌क पापम मीवा माल्काना लेह्‌का आयनद आयो.

रोम सहरतोर 6:2

मति नना वेहेनन, अद्रम मुर्तिय विचर कीयना आयो! माट सबेटोरल येसु किर्स्तुना संगे जोळेम आतल इनजोर तोहतलाह, ओना पेदिरते एतगा मुळ्न्दिस तेदतल. अस्केने माट ओना संगे डोलतप लेह्‌का आतल. अहे ओना संगे गुमयातगा मिसतप लेह्‌का आतल. इद पोल्‍लोतुन माग़्ङतिरा? ओसो देवुळबाबाल तना बेरा डीसाते, किर्स्तुन हामुरतग्डाहि जीवा अर्हतप लेह्‌का, माट वने इंजेके पूना पिसमुळते ताक पग़यह्‌नल. अदिनेनाह्‌क पापम कीयनदिना लोप्पा ऊळतेके, माट इंजेके डोलतप लेह्‌का मह्‌नल. इतेके पापम बेद्रम कीसोरेन मनदकल?

रोम सहरतोर 7:3

अदिनेनाह्‌क ताना मुजो जीवात मनेकेन, अद दुस्रोन्क अतेके, तान सिंड्रि आंचाळ इन्ह्‌तोर. मति ताना मुजो डोलतेके, ओनाय संगे जोळ मनदनद अडो ताको. इतेके अद रांडे आतापया, दुस्रोन्क अतेके, अद सिंड्रि आंचाळ आयो.

रोम सहरतोर 7:6

मति इंजेके माट किर्स्तुना संगे डोलतप लेह्‌का आताह्‌कु, मावा पोग़ोन अडोना बातय अदिकर इले. अदिनेनाह्‌क इंजेक माट पाळ्ना रीतते, रासतव अडोना इसबते सेवा केवल. मति देवुळता जीवा वेहतपु, पूना रीतते कीय्ह्‌नल.

1 कुरिंततोर 10:16

सामिना कुळ्पि तिनदह्‌पा, माट उंदिय बट्किताहि अंगुर जोमा उह्‌नल. तानेनाह्‌क सामिन जोहर कीय्ह्‌नल. माट उंदिय बट्किताहि उनडह्‌पा, किर्स्तुना नेतुरता मेटे, माट ओना संगे जोळेम आतल इनजोर तोहतह्‌नल. अहे माट उंदिय आरताङ किळ्केन तिनदह्‌पा, किर्स्तुना मेंदुलता मेटे, माट ओना संगे जोळेम आतल इनजोर तोहतह्‌नल.

2 कुरिंततोर 11:2

(ओर्वोग़ मन्कल तना मयान मुदा कर्सा कीयना लेह्‌कान,) इंजेके मीट किर्स्तुनाये मुडोरिर इनजोर, ओना संगे नना मीवा मुदा कर्सा कीसीतप लेह्‌का आतन. अदिनेनाह्‌क मीट ओना तपलेवद मर्मपिलातिन मनदना इनजोर, देवुळि उसरते मतप लेह्‌का, नना अचोने उसरते मह्‌नन.

गलातितोर 3:13

मति दुस्राङ जातिनोरिह्‌क इंका, किर्स्तु येसुनगा विस्वस कीताह्‌कु, अब्रहमिह्‌क ईतद बर्कत दोर्कग़ा. ओसो देवुळ मुने पोल्‍लो विळ्सतपे, ताना पवित्र जीवा माक विस्वसिरिह्‌क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्‌ता.

गलातितोर 5:18

पया बेचानाह मीक देवुळता जीवा ताकिह कीस्ता, अचानाह मीट अडोना इळ्न इलविर.

इपिसुसतोर 2:15

यहुदिरिन ओसो यहुदि आयवोरिन, पूना मन्कन पुटिह कीतप लेह्‌का, कतमतोरिन उंदिय कीतोग़. इद्रम रेंड आसि तुंगाना मुडुन कलियिह कीतोग़. अद्रम काल्ह्‌पलाहि, मोसानाङ अडोना रीतरिवज्किन मायिह कीतोग़. इद्रम यहुदिर ओसो यहुदि आयवोरिन कलियिह कीतोग़.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

पिलिपितोर 4:17

मियग्डाहि नाक दान गावले इनजोर इनोन, मति मीट कीयनव बेसताङ कबस्कनेनाह, मीक देवुळता बर्कत दोर्कसोरेन मनि इनजोर, नावा विचर मन्ह्‌ता.

कुलुसितोर 1:22

अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्‌क डोलताह्‌कु, देवुळि मीक तना संगे कलियिह कीता. मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.

कुलुसितोर 1:6

अद बेसता कबुरतुन, इपपरास इनवाल मियगा एव्सिह कीसीतोग़. ओग़ सामिना सेवाते मावा ऐंगेटोग़ ओसो बेस गोततोग़ आंदोग़, अहे बर्वसलायकतोग़ आंदोग़. (माट मीवा सहरतगा एवया पग़वोम,) मति मावा जागाते ओग़ मीक सेतेम बुदते किर्स्तुना कबुरतुन काग़्हचि, मीवा सेवा कीतोग़. देवुळता जीवा मियगा जागा आताह्‌कु, मीट ताना मन्कलोरिन जीवा कीय्ह्‌निर इनजोर, ओग़े माक वेहतोग़. मीट ओनग्डाहि बेसता कबुरतुन केंजतिर, ओसो देवुळता दयाता पोल्‍लो सेतेम मन्ह्‌ता इनजोर पुतिर. पुतस्के, अद कबुरता पोल्‍लो मीवा जीवातुन बद्ले कीयलाह आता. अद्रमलेह्‌काने अद कबुर बूममेंड आबुर आसि, वेल्‍लाटोर आस्क-कोय्तोरा जीवातुन बद्ले कीयलाह आता.

कुलुसितोर 2:20

तेन बोयमाटु, तान तिनमाटु, इदिन इटमाटु इनजोर मीट नोममाटु. तिनदनद मालु कबळतुह्‌क अरयह्‌ताये; मति तितापया, अद कबळतुह्‌क अरवो. अद्रमता मादा पोग़ोन, मन्कलोरे अडोङ पुटिह कीसि, दुस्रोरिन काग़्हतह्‌तोर. मीवा मन्कना बुदि किर्स्तुना संगे डोलताह्‌कु, इद दुनियाताङ अङ्ळमताङ अडोङ-उतुर्क मीक दोहच तास पग़वोङ. पया मीट दुनियातोरा लेह्‌का अद्रमताङ पोल्‍लोन केंजिसि बाराह्‌क पिसलाह आतिर?

1 पत्रु 2:24

माटु मावा पापमताङ विचर्कनाहि पिह्‌ट अर्सि, सेतेमते ताकनेनाह्‌क, ओग़ु मावा पापमता सिक्सातुन तना मेंदुदा पोग़ोन एचि,हव्कनागुटातगा डोलतोग़. ओग़ु देबाङ तिन्ज नोमुर आताह्‌के, मीट मीवा जीवाते बेस आतिर.

तोहचीतव पोल्‍लोङ 19:7

माट गिर्दा-वेळ्का आयिङ! ताना जोहर कीयिङ! ऊळाट, गोरेपिलाताङ मर्मिङ एवताङ. मर्मिनेनाह्‌क मर्मपिला तयर आता.

तोहचीतव पोल्‍लोङ 21:9

अचोटेने आक्रिताङ पीळाने, निंदतव एळुङ कस्लाङ पोयतव देवतुल्कनग्डाहि, उंद देवतुल बह कीता, नयगा वासि इद्रम इता, “इगा वय! गोरेपिलाता संगे जोळेम आयनद मर्मपिलातुन, नीक तोहतह्‌नन,” इनजोर इता.