रोम सहरतोर 7:21 - माडिया गोंड पवित्र सास्त्रम

²¹ इद्रमि बेस्के नना बेसताङ कबस्क कीयलाह ऊळिह्‌नन, अस्के अमेसा नावा लोप्पा मनदनद लाग्वा बुदि, नाक रोमिह कीस्ता इनजोर नना पुतन.

रोम सहरतोर 7:21 Iomraidhean Croise

लूकाल 4:1

पया येसु योर्दन बेरेटगा देवुळता पेदिरते एग़ मीसि, पवित्र जीवाते निंदतोग़. निंदतस्के देवुळता जीवा ओन पेळ्ह्‌कल बूमते ओसीता.

योहन 8:34

येसु ओरिन इतोग़, “इह केंजाट, नना सेतेम वेहतह्‌नन, बोर मन्कलोर पापम कीसोर मन्ह्‌तोर, पापमताङ विचर्क ओरिन आव्रे कीस्ताङ.

रोम सहरतोर 6:12

अदिनेनाह्‌क मीवाङ रेंड दियाङ मनदनव मेंदुस्किन, पापम आव्रे कीयि इनजोर, पापमता कयदे एमाटु. अविस्किन पापम आव्रे कीतेके, मीक पापमताङ लालुस्कना लेह्‌काने कीया पोयग़ा.

रोम सहरतोर 6:14

इंजेक मोसानाङ अडोङ आयो, मति देवुळता दयाये मीक ताकिह कीस्ता, इदिन सीता कीम्ह्‌टु. अदिनेनाह्‌क पापम मीवा माल्काना लेह्‌का आयनद आयो.

रोम सहरतोर 7:23

मति नावा मेंदुलतगा उंद अलगता बुद दिसिह्‌ता, अद नाक देवुळताङ अडोन केंजवाह कीस्ता. इद पापमता बुदि नाक दोहतप लेह्‌का कीसि, नावा मेंदुलतुन ताकिह कीस्ता.

रोम सहरतोर 7:25

मावा किर्स्तु येसुसामिये, नाक विळ्सिह केवाल आंदोग़, देवुळतुह्‌क जोहर आयि! इद्रमलेह्‌का इंजेके नावा जीवाते, देवुळताङ अडोन नना माळिह्‌नन. मति बेद बुदि नावा मेंदुलतगा मन्ह्‌ता, अद पापमता कय इळ्न मन्ह्‌ता.

इब्रितोर 2:17

अदिनेनाह्‌क ओग़ सबे पोल्‍लोनगा, तनाङ तमोर-एलास्कना लेह्‌कान आयनद गर्ज मता. इद्रमलेह्‌का ओग़ देवुळता सेवाते, दया केवाल बर्वसलायकतोग़ पेर्माल आसि, मन्कलोरा पापमतेनाह्‌कु, तनाय जीवाता मोक ईतोग़.

2 पत्रु 2:19

मीट बेदे अडोता कय इळ्न इलविर इनजोर, पूना विस्वसिरिन पोल्‍लो विळ्सिह्‌तोर. पोल्‍लो विळ्सिसाय मति, वेर तमाय बूळे कीयनव लालुस्कना कय इळ्न मन्ह्‌तोर. बाराह्‌क इतेके, बोनाय बेद पोल्‍लो आव्रे कीस्ता, ओग़ ताना कय इळ्न मन्ह्‌तोग़े.