रोम सहरतोर 5:12 - माडिया गोंड पवित्र सास्त्रम

¹² मुनेतोग़ मान्वल आदम पापम कीताह्‌कु, इद बूमते पापम पुटटा. वेग़े वग़ोग़ मन्कना पापमतेनाह्‌क हामुर पुटटा. अदिह्‌के आदमना जालपिलतोर, इतेके सबेटोरु, पापम कीताह्‌कु डोलिह्‌तोर.

रोम सहरतोर 5:12 Iomraidhean Croise

रोम सहरतोर 5:18

इद्रमलेह्‌का आदमना उंदिय पापम कबळतेनाह्‌क, सबेटोर कसुरतोर आतोर. अद्रमे किर्स्तुना उंदिय सेतेम कबळतेनाह्‌कु, सबेटोर देवुळता मुनेह सेतेमतोर आया पग़यह्‌तोर; अहे पूना पिसमुळ दोर्किह कीया पग़यह्‌तोर.

रोम सहरतोर 5:19

वग़ोग़ मन्कल आदम, देवुळ वेहतदिन केंजवाह्‌कु, वेल्‍लाटोर लोकुर पापिर आतोर. मति दुस्रोग़ मन्कल येसु किर्स्तु इसि, देवुळ वेहतदिन केंजताह्‌कु, देवुळि वेल्‍लाटोर मन्कलोरिन सेतेमतोर कीस्ता.

रोम सहरतोर 5:21

(बाराह्‌क इद्रम आता?) सबेटोर मन्कलोरिन, पापम ताकिह कीसोर, हामुरतेके ओसींदु; मति इंजेके देवुळता दया माक ताकिह कीस्ता, मावा किर्स्तु येसुसामिना मेटे, देवुळि माक सेतेमतोर कीस्ता. माट सेतेमतोरल आताह्‌कु, माक अमेसाता पिसमुळ दोर्किह्‌ता.

रोम सहरतोर 6:21

मुने मीट कीतव पापमताङ कबस्कना मीक बाताले पाय्दा दोर्को. इंजेके अविस्किन सीता कीतेक, मीक लजा वास्ता. अव कबस्कना कमय इतेके हामुरिये. अद बेद्रमता हामुर इतेके, अमेसा देवुळता जीवालेवा मनदनदु. मति इंजेके देवुळि मीक पापमता कयदाहि विळ्सिह कीता. कीसि मीक तनाये कय इळ्न मनवालोर कीता. कीताह्‌कु, मीक इद पाय्दा दोर्किह्‌ता: देवुळि मीकु तना पवित्र अग़दे ताकिह कीसि, अमेसाता पिसमुळतेके ओसीस्ता.

रोम सहरतोर 6:23

(अदिह्‌कु माट पापम कीसोरेन दाकल इन्जि इनमाटु.) बह इतेके, पापमता कमय इतेके, हामुरिये दोर्किह्‌ता. मति मावा किर्स्तु येसुसामि मयेनाह्‌क कीतद कबळतेनाह्‌कु, देवुळि माक तना संगे अमेसा पिसनद दर्मम ईस्ता.

1 कुरिंततोर 15:56

पापम कीयनाह्‌कु, हामुरतुह्‌क रेयनाह आस्ता. मावा पापमि पका लावता इनजोर, मोसानाङ अडोङ तोहतह्‌ताङ. (इतेके मोसानाङ अडोङलेवा पापमतुन पुनमुळ आयो.)

इपिसुसतोर 2:3

निटमे माट सबेटोरल वने, ओरा लेह्‌काने ताकिंदल. मावा लाग्वा बुदि बेद्रम लालुस कींदु, अद्रमे कींदल. मावा मेंदुलि ओसो मावा बुदि बेद्रम ओसोर मंदु, अद्रमे लाग्वाङ कबस्क कीसोर मंदल. लाग्वाङ कबस्क कीसोर मनाह्‌कु, देवुळि लाग्वोर सबेटोरिह्‌क निटम सिक्सा ईयना लेह्‌का, माक वने सिक्सा ईस मनालि.

याकुब 1:15

पया (आंचाळ नेलाङ हव्किस रिकम आयना लेह्‌का,) मन्कना जीवातगा लालुस वने बेर्सिसि, पापमतुन पुटिह कीस्ता. पया अद पापम बेर्सिसि, आक्रिते ओन देवुळताह एग़िह कीस्ता.

याकुब 3:2

माट सबेटोरल ऊक-ऊके तपिह्‌नले. मति बोग़ मन्कल पोल्‍लो वळ्ह्‌कनेक तपोग़, ओग़ बेस बुदतोग़ मन्कल आंदोग़. ओसो ओग़ तना पूरा मेंदुदुन वने, आव्रे कीया पग़यह्‌तोग़.