रोम सहरतोर 4:9 - माडिया गोंड पवित्र सास्त्रम

^9-10 बह सिरप डायना रिवज कीतोर यहुदिरिह्‌के, अद देय्वा दोर्किह्‌ताया? डायना रिवज केवोरिह्‌क दोर्कोया? ओसोवने अब्रहम मुय्तोना पोल्‍लो तेहतह्‌नन: अब्रहमना विस्वसतुह्‌के, देवुळि ओन सेतेमतोनिन इता इनजोर, माट ऊळतल. इद ऊळाट, देवुळि अब्रहमिन बेस्के सेतेमतोनिन इता? डायना रिवज कीतस्केया, केवस्के? डायना रिवज केवस्केने इता.

रोम सहरतोर 4:9 Iomraidhean Croise

रोम सहरतोर 4:3

देवुळता सास्त्रमते रासतपु, अब्रहम देवुळता पोल्‍लोतुन नमतोग़. ओग़ नमनदिन ऊळिसि, देवुळि ओन सेतेमतोनिन इता. इनजोर रासतद मन्ह्‌ता, इदिन पुतिरे.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

कुलुसितोर 3:11

पूना पिसमुळ दोर्किह कीताह्‌कु, डायना रिवज कीतोग़ यहुदि मन्कल मनेग़, डायना केवोग़ यहुदि आयवोग़ मनेग़, कग़यतोग़ मनेग़, गेळा-माळातोग़ मनेग़, ओर्युलतोग़ मनेग़, मता मन्कल मनेग़, इव पोल्‍लोङ देवुळता मुनेह बेराङ आयोङ. बाराह्‌क इतेके किर्स्तुये मोदुल आंदोग़, ओग़ माट सबेटोर विस्वसिरगा मन्ह्‌तोग़.