रोम सहरतोर 4:5 - माडिया गोंड पवित्र सास्त्रम

⁵ अद्रमे बोग़े मन्कल बेसताङ कबस्क कीसि, (कमय कीतप लेह्‌का, देवुळता मुनेह) सेतेमतोग़ आया पग़वोग़. मति लाग्वोरिन सेतेमतोर कीयनद देवुळतुन नमिस, ओन्क ताक पोयतग़ा. अस्केने देवुळि ओन सेतेमतोनिन इन्ह्‌ता.(इतेके ओन्क कूलि ईयना लेह्‌का आयो, मति दर्मम कोताङ ईयना लेह्‌का आस्ता.)

रोम सहरतोर 4:5 Iomraidhean Croise

मार्कल 9:23

येसु ओन इतोग़, “‘निमा बेदाय कीया पग़तेके कीम’ इनजोर बाराह्‌क इह्‌निन? देवुळतुन विस्वस केवाल मन्कह्‌क, सबे आया पग़यह्‌ता,” इतोग़.

योहन 5:24

इह केंजाट, नना सेतेम वेहतह्‌नन, इद दुनियाते सबेटोर (तमा पापमते) डोलतप लेह्‌का मन्ह्‌तोर. मति बोर नावाङ पोल्‍लोङ केंजिसि, नाक लोहतोना पोग़ोन बर्वस तासिह्‌तोर, ओरिह्‌क अमेसाता पिसमुळ दोर्कताये. देवुळ ओरिन तमा पापमता सिक्सा एवो; मति ओरिन अमेसाता पिसमुळतगा एव्सिह कीसीता.

योहन 6:29

अस्के येसु ओरिन इतोग़, “मीट बहे केमाटु, मति देवुळ लोहतोना पोग़ोन, इतेके नावा पोग़ोन मीट बर्वस तासना, इदे मीट कीयना इन्जि, देवुळता विचर मन्ह्‌ता,” इतोग़.

रोम सहरतोर 10:3

बह इतेके, देवुळि लोकुरिन बेद्रम सेतेमतोर कीस्ता इनजोर, ओर पुनोर. पुनवाह्‌कु, ओरु मोसानाङ अडोङ केंजिसि ताकतेके, देवुळि माक सेतेमतोर इनदग़ा इनजोर, विचर कीस्तोर. मति किर्स्तु मयेनाह्‌क मोक आसि, पाळ्नाङ अडोन मारिह कीसि, अद अग़दुन बंद कीतोग़. कीसि, लोकुर सेतेमतोर आयलाहि, विस्वसता अग़ तोहतोग़. मति इद अग़दे, इस्रयेलतोर ताकोम इन्ह्‌तोर.

रोम सहरतोर 4:24

मति मयेनाह्‌क वने रासतद मन्ह्‌ता. मावा पापमतेनाह्‌के, येसुसामिन हव्कलाह, लोकुरा कयदे देवुळ विळ्सिसीता. अदिह्‌क माट ताना मुनेह सेतेमतोरल आतल. ओसो माक सेतेमतोर कीतद पोल्‍लोतुन करल कीयलाहिये, अद येसुन हामुरतग्डाह तेग़्किह कीता. मावा येसुसामिन हामुरतग्डाह जीवा अर्हतद देवुळता पोग़ोन, माट विस्वस कीतल. अदिनेनाह्‌क माक वने अद सेतेमतोर इनदग़ा.

रोम सहरतोर 4:3

देवुळता सास्त्रमते रासतपु, अब्रहम देवुळता पोल्‍लोतुन नमतोग़. ओग़ नमनदिन ऊळिसि, देवुळि ओन सेतेमतोनिन इता. इनजोर रासतद मन्ह्‌ता, इदिन पुतिरे.

रोम सहरतोर 4:6

वेल्‍लाय मुने दाविद राजाल वने इद्रमे वेहतोग़, देवुळि बोर मन्कलोराङ कबस्किन ऊळवा, ओरा विस्वसतुह्‌के ओरिन सेतेमतोर इन्ह्‌ता, ओर देय्वातोरु. देवुळताङ पाटानगा दाविद इद्रम रासतोग़:

पिलिपितोर 3:9

ओना संगे जोळेम आस मनदलाहि, नना अव पोल्‍लोन वियेग़ इनजोर नेहच पोहतन. मोसानाङ अडोन नोमिस, देवुळता मुनेह नना सेतेमतोग़ आयलाह ऊळोन. मति नना किर्स्तुन विस्वस कीताह्‌के, देवुळि नाक सेतेमतोनिन इता.