रोम सहरतोर 4:11 - माडिया गोंड पवित्र सास्त्रम

¹¹ ओग़ डायना रिवज केवस्केन, देवुळतुन विस्वस कीतोग़. अदिनेनाह्‌क अद ओन सेतेमतोनिन इता. ओना विस्वसते ओग़ देवुळता मुनेह सेतेमतोग़ आतोग़ इनजोर तोहतलाह, देवुळि ओन डायना रिवजता सीना कीया वेहता. इंजेक वने डायना रिवज केवा, देवुळतुन विस्वस केवालोर सबेटोरिन, अद सेतेमतोर इन्ह्‌ता. अदिनेनाह्‌क विस्वसतेनाह ऊळिसि, ओरा वने अब्रहम पेदामुय्तोग़ आस्तोग़.

रोम सहरतोर 4:11 Iomraidhean Croise

मत्याल 16:16

अस्के सिमोन पत्रु इतोग़, “सामि, निमा इतेके जीवात मनदनद देवुळता मग़निन, अहे अद लोहतोग़ पिसिह केवानिन किर्स्तुनिन,” इह इतोग़.

मत्याल 8:11

इदे निटम पोल्‍लो, मीट केंजाटु, वेग़ दरोगानलेह्‌काडोर बूममेटोर यहुदि आयवोर ईनाह-आनाह जमा आयनुर. जमा आसि देवुळदीपता राजेमतगा मावाङ मुनेतोर पेदल्क अब्रहमि, इसकि, याकुबि, वेरा संगे कुळ्प तिनदना बतते उदनुर.

लूकाल 19:9

अस्के येसु ओन इतोग़, “नेंडु इद लोतगा अमेसाता पिसमुळ वाता. वेग़ सिद्‌वा एनवाल वने, अब्रहमना जालपिलतोग़े आंदोग़.

योहन 3:33

बोर ओन नमिह्‌तोर, देवुळबाबाल सेतेमतोग़ मन्ह्‌तोग़ इनजोर, ओरु कबुल कीस्तोर.

योहन 3:36

बोरु मग़िन नमिह्‌तोर, ओरिह्‌क अमेसाता पिसमुळ दोर्किह्‌ता. बोर बारा मग़ना पोल्‍लोतुन केंजोर, ओरु अमेसाता पिसमुळतुन ऊळोर आयनुर, मति देवुळता ओङ ओरा पोग़ोन मन्ह्‌ता.

योहन 6:35

येसु पया ओरिन इतोग़, “अमेसाता पिसमुळ ईयनद तिंडि ननान आंदन. बोर नयगा वायनुर, ओरिह्‌क बेस्केने कग़्व वसो आयग़ा. बोर नाक नमनुर, ओरिह्‌क बेस्केने एग़ उनडा वसो आयग़ा.

योहन 6:40

बोर देवुळता मग़िन पुन्जि नाक नमनुर, ओरिह्‌क अमेसाता पिसमुळ दोर्कग़ा, ओसो नना ओरिन आक्रिता दियाते मल्स जीवा अर्हतना, इद्रम नावा बाबाना विचर मन्ह्‌ता,” इन्जि येसु इतोग़.

योहन 6:47

इह केंजाट, नना सेतेम वेहतह्‌नन, नाक नमवालोरिह्‌क अमेसाता पिसमुळ दोर्कताये.

योहन 8:33

“माटु अब्रहम मुय्तोना कूळतोरोम आंदोम, बोनाय बेस्केने कय इळ्न दोहतप मनोम. इतेके अद सेतेम मीकु विळ्सिह कीयग़ा इनजोर, निमा बह इह्‌निन?” इन्जि वेर कोंटेतोर यहुदिर येसुन कट्ला कीतोर.

रोम सहरतोर 10:11

देवुळता सास्त्रमतगा वने, इद्रम रासतद मन्ह्‌ता: “किर्स्तुन विस्वस केवाल बोग़े मनेग़, ओग़ मेसेह्‌ने आयोग़ आयनोग़.”

रोम सहरतोर 10:6

मति बोर बोर विस्वस कीसि सेतेमतोर आयलाह ऊळिह्‌तोर, ओरा लोप्पा मोसाल इद्रम वेहतोग़ इतेके, देवुळता पोल्‍लो नियगा मन्ह्‌ता, इतेके नीवा जीवातगा, नीवा तोडटगा मन्ह्‌ता. अदिनेनाह्‌क “माक पिसिह केवाल किर्स्तुन ततलाहि देवुळदीपतगाबोग़ तग़्ङ पग़यनोग़?” इनजोर इनमाटु. बह इतेके किर्स्तु कुदि माक पिसिह कीयलाहि, इद बूमतगा वातोग़. अद्रमे ओसो “किर्स्तुन हामुरताह तेग़्किह कीयलाह, हानादीपते बोग़ रेग पग़यनोग़?” इनजोर वने मीट इनमाटु; बह इतेके, देवुळिये किर्स्तुन हामुरतग्डाह तेग़्किह कीता. अदिनेनाह्‌क देवुळता मुनेह सेतेमतोर आयलाह, माक बाताले कीया पोयो, सिरप विस्वस कीयना अचोने. इंजेके माट इद कबुरतुन पोकुर कीयलाह आतोम.

रोम सहरतोर 3:30

बह इतेके कतमतोरा उंदिय देवुळ मन्ह्‌ता. यहुदिर मनिर, यहुदि आयवोर मनिर, ओरा विस्वसता मेटेने, देवुळि ओरिन सेतेमतोर कीस्ता.

रोम सहरतोर 9:30

इंजेके बाताल इनदकल? यहुदि आयवोर देवुळता सेतेमतुन पर्ह्‌कोर. तेला मति उच्वुर किर्स्तुन विस्वस कीताह्‌कु, देवुळि ओरिन सेतेमतोर कीता.

रोम सहरतोर 9:33

किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्‌ता: इद ऊळाट! नना येरुसलेम सहरते बंडालेह्‌काडोन ओर्विन तासिह्‌नन, ओनगा वेल्‍लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्‌ने आयोर आयनुर. इनजोर रासतद मन्ह्‌ता.

रोम सहरतोर 9:6

(मीवा जालपिलतुह्‌क नना बर्कत ईकन इनजोर, देवुळि इस्रयेल लोकुरा तादोर-बाबोरिन किरिया कीस मता. मति इंजेके किर्स्तुनु इस्रयेलतोर पास्किह्‌तोर इतेके,) देवुळि ओरा संगे कीतद किरियातुन देहता इनजोर, नना इनोन. मति इस्रयेल देसेमते पुटटोर सबेटोरे, देवुळता लोकुर आयोर, इचोने इह्‌नन.

2 कुरिंततोर 1:22

माट ताना मन्कलोरल इनजोर, तना जीवातुन मयगा सीना लेह्‌का तासता. तान मावा जीवातगा इसर ईतप लेह्‌का ईता.

गलातितोर 3:22

मति सास्त्रम वेहतपु, पूरा दुनिया पापमते दोहतद मन्ह्‌ता. पोल्‍लो विळ्सिस मतद बर्कत येसु किर्स्तुनगा विस्वस तासतेकेने, माक विस्वसिरिह्‌क दोर्कना इन्जि, इद्रम आता.

गलातितोर 3:29

मीट किर्स्तुना संगे जोळेम आतोरिर इतेके, मीट अब्रहम मुय्तोना कूळतोरिर आंदिर, अहे देवुळ अब्रहमिन पोल्‍लो विळ्सतपु, तानाङ मग़्क-मयास्किह्‌क तासतद बर्कत दोर्कतोरिर.

गलातितोर 3:7

इतेके देवुळता पोल्‍लोतुन नमवालोरु, विस्वस केवालोरु, वेर अब्रहमना कूळतोरे आंदुर, इदिन सीताते तासाटु.

गलातितोर 5:5

नना इद्रम बाराह्‌क इह्‌नन? माट विस्वसिरल इतेके किर्स्तुन नमिसिये सेतेमतोरल आतल; सेतेमतोरेनाह्‌कु देवुळि तासतद बर्कतता आसाते माट मह्‌नल. इद आसा देवुळता जीवातग्डाहिये वास्ता.

गलातितोर 6:16

इद पोल्‍लोते बोर ताकनुर, ओर सबेटोरिह्‌कु देवुळि सुकम ईयि, ओसो किर्स्तुन नमवालोर इस्रयेलतोरा पोग़ोन इंका, देवुळि दया कीयि.

इपिसुसतोर 1:13

मीक पिसिह कीयनद बेसता कबुरता सेतेमतुन, मीट केंजिसि किर्स्तुन विस्वस कीतिर. विस्वस कीताह्‌कु, देवुळि पोल्‍लो विळ्सिस मतपु, तना पवित्र जीवातुन मीवा पोग़ोन वने उदिह कीता. कीसि मीवा पोग़ोन किर्स्तुना मन्कलोर इनजोर, सीना तासतप लेह्‌का कीता.

इपिसुसतोर 4:30

मीट देवुळता मन्कलोरिर आतिर, आक्रि दियाते देवुळि मीक पूरा विळ्सिह कीयग़ा इनजोर तोहतलाहि, तना पवित्र जीवातुन, मीक उंद सीनाता लेह्‌का ईता. अदिनेनाह्‌क देवुळता पवित्र जीवातुन दुकम आनाह केमाट.

पिलिपितोर 3:9

ओना संगे जोळेम आस मनदलाहि, नना अव पोल्‍लोन वियेग़ इनजोर नेहच पोहतन. मोसानाङ अडोन नोमिस, देवुळता मुनेह नना सेतेमतोग़ आयलाह ऊळोन. मति नना किर्स्तुन विस्वस कीताह्‌के, देवुळि नाक सेतेमतोनिन इता.

इब्रितोर 11:7

विस्वस कीताह्‌कु, नोहा मुय्तोग़ (उड्रा वायग़ा इनजोर,) देवुळ वेहतद पोल्‍लोतुन नमतोग़. नमिसि, तना लोतोर मन्कलोर पिसलाहि, ओडा पंडटोग़. ओग़ बेस्केन उड्रातुन ऊळोग़, तेला मति रेयिस मन्जि, तानाङ केंजिस ताकतोग़. इद्रम देवुळता पोल्‍लोतुन केंजिस मन्जि, बूमतगा दुस्रोर मन्कलोर कसुरतोर इनजोर तोहचीतोग़. इद्रमलेह्‌का विस्वसतेनाह्‌कु, देवुळता मुनेह सेतेमतोर आयवालोरगा, ओग़ वने कलियतोग़.

2 पत्रु 1:1

नना सिमोन पत्रुनन, येसु किर्स्तुना सेवकनन, ओना बळयिनन, मीट विस्वसिरिह्‌क इद सीटि रासलाह आतन. माक पिसिह केवाल मावा देवुळि येसु किर्स्तु, बोनाये मोकम ऊळवा, मावा संगे सेतेमते ताकिह्‌तोग़. अदिह्‌क ओनग्डाहि, माट बळयिरिह्‌क दोर्कतद विस्वसता बराबरेन, मीक वने दोर्कता.

तोहचीतव पोल्‍लोङ 9:4

ओसो अविस्किन इद्रमता उकुम ईतद मता: “मीट रोंडान, पोर्ह्‌कान, मरान बूळे केमाट; मति बोराङ तला-कपरानगा देवुळता सीना इले, ओरिन कोळ्हाट.