रोम सहरतोर 3:27 - माडिया गोंड पवित्र सास्त्रम

²⁷ अदिनेनाह्‌क इंजेक, नना अडोङ वेहतप ताकताह्‌कु, देवुळता मुनेह सेतेमतोनन आतन इनजोर, बोग़े पोग़यसोर तिरिय पग़वोग़. बह इतेके, माट विस्वस कीयनद इसबतेने, सेतेमतोरल आय्ह्‌नल, मावाङ कबस्कना इसबते आयो.

रोम सहरतोर 3:27 Iomraidhean Croise

मार्कल 16:16

नावा पोल्‍लोतुन विस्वस कीसि, नावा पेदिरते एग़ मीतोरिन, देवुळि पिसिह कीयग़ा. मति विस्वस केवोरिन, ओरा पापमतेनाह्‌क सिक्सा ईयग़ा.

योहन 3:36

बोरु मग़िन नमिह्‌तोर, ओरिह्‌क अमेसाता पिसमुळ दोर्किह्‌ता. बोर बारा मग़ना पोल्‍लोतुन केंजोर, ओरु अमेसाता पिसमुळतुन ऊळोर आयनुर, मति देवुळता ओङ ओरा पोग़ोन मन्ह्‌ता.

रोम सहरतोर 10:5

सास्त्रमतेमोसाल बह रासतोग़ इतेके, बोर बोर अडोङ माळसोरे पिसलाह ऊळिह्‌तोर, ओरिह्‌क सबे अडोन, बेदिने चुकवालेवा माळ पोयतग़ा.

रोम सहरतोर 11:6

माट कीतव बेसताङ कबस्किन ऊळिस आयो, मति अद दया कीताह्‌के, तान विस्वस कीयलाहि, उच्वुरिन आचता. मावाङ कबस्किन ऊळिस आचता इतेके, देवुळता पिसमुळ माक कमय कीतप दोर्कालि, ताना दयाता पोल्‍लो आयो आवालि.

रोम सहरतोर 2:17

इंजेके मियग्डाहि उय्तुर यहुदिरोम इह्‌निर. ओसो मयगा मोसानाङ अडोङ मन्ह्‌ताङ, माटे देवुळता लोकुरोम, (अदिह्‌क माक देवुळताहि सिक्सा दोर्को) इनजोर, मीट पोग़यिह्‌निर.

रोम सहरतोर 2:23

मयगा देवुळताङ अडोङ मन्ह्‌ताङ इनजोर, मीट पोग़यिह्‌निर. मति अवे अडोन माळवा, बाराह्‌क देवुळता बद्‌नम कीय्ह्‌निर?

रोम सहरतोर 3:19

इंजेके माक यहुदिरिह्‌के, देवुळि तनाङ अडोना सास्त्रम ईता इनजोर पुह्‌नल. इतेके सास्त्रमते रासतव इव पोल्‍लोङ, मावाय कसुरतुन तोहतह्‌ताङ. इद्रमलेह्‌का देवुळि नेयम कीयह्‌पा, तान बोग़े कसुरलेवोनन इनदा पग़वोग़. पूरा बूममेटोर तमाङ लाग्वाङ कबस्कनेनाह देवुळता मुनेह जबब्दर आयनुर.

रोम सहरतोर 4:2

ओनाङ कबस्कने देवुळ ओन सेतेमतोनिन इता इतेके, नना बेरोनन इन्जि, ओग़ पोग़यसोर तिरिय पग़वेग़. (मति देवुळता मुनेह बोग़े अद्रम पोग़य पग़वोग़.)

रोम सहरतोर 7:21

इद्रमि बेस्के नना बेसताङ कबस्क कीयलाह ऊळिह्‌नन, अस्के अमेसा नावा लोप्पा मनदनद लाग्वा बुदि, नाक रोमिह कीस्ता इनजोर नना पुतन.

रोम सहरतोर 7:23

मति नावा मेंदुलतगा उंद अलगता बुद दिसिह्‌ता, अद नाक देवुळताङ अडोन केंजवाह कीस्ता. इद पापमता बुदि नाक दोहतप लेह्‌का कीसि, नावा मेंदुलतुन ताकिह कीस्ता.

रोम सहरतोर 7:25

मावा किर्स्तु येसुसामिये, नाक विळ्सिह केवाल आंदोग़, देवुळतुह्‌क जोहर आयि! इद्रमलेह्‌का इंजेके नावा जीवाते, देवुळताङ अडोन नना माळिह्‌नन. मति बेद बुदि नावा मेंदुलतगा मन्ह्‌ता, अद पापमता कय इळ्न मन्ह्‌ता.

रोम सहरतोर 9:11

केंजाट, वेर पेकोर पुटनामुनेन, ओसो ओरु बेदाय नेह्‌ना-लाग्वा कीयनामुनेन, देवुळि तलिन बाताल वेहच मता, तान सीता कीम्ह्‌टु: मुने पुटवाल पेकाल, पया पुटवाना सेवा कीयनोग़, इनजोर इता. देवुळि मन्कनाङ कबस्कना इसबते आयो, मति तनाय विचर मतप, मन्कलोरिन आचिह्‌ता इनजोर तोहतलाहि, ओर एमोह पेकोरग्डाहि, मुनेन ओर्विन बार आचता, ओर्विन बार आचो.

रोम सहरतोर 9:31

मति इस्रयेल लोकुर बह आंदुर, मोसानाङ अडोङ केंजिसि, इवे अडोन कर्तुळते माळतेके, माट सेतेमतोरोम आयकोम इंदुर. मति अद्रम ओर ताना मुनेह, सेतेमतोर आया पग़वोर.

रोम सहरतोर 9:32

बाराह्‌क आया पग़वोर इतेके, ओर इस्रयेल लोकुर किर्स्तुन विस्वस केवा, मावाङे बेसताङ कबस्कने सेतेमतोरल आयकल इनजोर ऊळिंदुर. इद्रमतोरेनाह्‌कु किर्स्तु कोदुर ईस अर्हतनद बंडालेह्‌का मन्ह्‌तोग़.

1 कुरिंततोर 4:7

पोग़यवानिन! निमा दुस्रोरिह्‌क बेरोनिन इन्जि, बोग़ वेहतोग़? नियगा मनदनद बुदि, पूरा देवुळि ईताह्‌के कोनि मन्ह्‌ता! पूरा देवुळिये ईता इतेके, बाराह्‌क पोग़य बोटटिन?

गलातितोर 2:16

इंजेके मोसानाङ अडोन माळतेक आयो, मति किर्स्तुना पोग़ोन विस्वस तासतेकेने, देवुळि माकु सेतेमतोर इन्ह्‌ता. बह इतेके अडोन माळताह्‌कु, बोग़े देवुळता मुनेह सेतेमतोग़ आयोग़ इन्जि, सास्त्रम वेहतह्‌ता. अडोन माळतेक आयो, मति येसु किर्स्तुना पोग़ोन विस्वस तासतेकेने, देवुळि मन्कनु सेतेमतोग़ इन्ह्‌ता इन्जि पुताह्‌कु, माट यहुदि विस्वसिरल इंका किर्स्तु येसुना पोग़ोन विस्वस कीतल.

गलातितोर 3:22

मति सास्त्रम वेहतपु, पूरा दुनिया पापमते दोहतद मन्ह्‌ता. पोल्‍लो विळ्सिस मतद बर्कत येसु किर्स्तुनगा विस्वस तासतेकेने, माक विस्वसिरिह्‌क दोर्कना इन्जि, इद्रम आता.