रोम सहरतोर 3:25 - माडिया गोंड पवित्र सास्त्रम

^25-26 मन्कलोर तना संगे गूनम आयना इनजोर देवुळि, येसुनु मावा पापमता सिक्सातेनाह्‌क मोक आयलाह, निल्पिह कीता. येसु तना जीवा ईसि, नेतुर पोहतोग़ इन्जि, माट विस्वस कीताह्‌कु, देवुळि माक सेतेमतोर इन्ह्‌ता. येसु वायनामुने, मन्कलोरिह्‌क ओरा पापमता सिक्सा देवुळि एवो. बाराह्‌क इतेके, पया येसु ओरा पापमतेनाह्‌कु, मोक अरयनोग़ इनजोर पुन्जि, देवुळि केपिंदु. इद्रमि, देवुळि सेतेमता मन्ह्‌ता, अहे येसुन विस्वस केवालोरिन, सेतेमतोर कीयनद मन्ह्‌ता इनजोर, माट इंजेक पुह्‌नल.

रोम सहरतोर 3:25 Iomraidhean Croise

योहन 6:47

इह केंजाट, नना सेतेम वेहतह्‌नन, नाक नमवालोरिह्‌क अमेसाता पिसमुळ दोर्कताये.

बळयिर 14:16

देवुळि मुने, मीट यहुदि आयवोर दुस्राङ जातिनोरिह्‌क, विचर वातविन मोळ्कलाह ईस मता.

बळयिर 17:30

लोकुर देवुळतुन पुनवालेवा मताह्‌कु, अद कालमतस्के देवुळि ओरा पापमता नेयम केवो. मति इंजेके दुनियामेटोर कतमतोर पापमता अग़दुन विळ्सिसि तानक्‍के वायना इनजोर, उकुम ईता.

बळयिर 2:23

ओग़ येसुनु यहुदाल मीवा कयदगा पोस ईतापया, मीट देवुळताङ अडोङ पुनवोरा संगे, हव्कनागुटातगा मोल्‍लाङ कोटिस हामुरता सिक्सा ईतिर. इद देवुळता मुनेताहि विचर मता,(अद्रमे पनस दियाङ मुने करल आता).

बळयिर 3:18

किर्स्तु राजाल सिक्सा आयनोग़ इन्जि, देवुळि तना कबुरतोर कतमतोरा संगे, मुनेन वेहच मता. देवुळि ओन अद्रमे कीसि, अद पोल्‍लोतुन इद्रम करल कीता.

रोम सहरतोर 2:4

देवुळि नीक बेचोन गूनम तोहतह्‌ता, उंदिय देबा नीक सिक्सा एवो, मति निमा तानेके मिळ्न्दलाहि, अद नीक केपिह्‌ता. इव पोल्‍लोना निमा सीता केविना? केंजा, देवुळता गूनमतुन ऊळिसि, नीवा पापमतुन विळ्सिसि, नीक देवुळतेके वाया पोयह्‌ता.

रोम सहरतोर 5:1

मावा विस्वसतेनाह्‌कु, देवुळि माक सेतेमतोर कीता इनजोरे, मावा किर्स्तु येसुसामिना मोकतेनाह्‌कु, माट देवुळता संगे गूनम आतल.

रोम सहरतोर 5:11

अचोने आयो मति, मावा येसुसामि किर्स्तु, माक देवुळता संगे गूनम कीसीतोग़. अदिनेनाह्‌क देवुळतुन सीता कीसि, माट बेस-नेह्‌ना गिर्दा आय्ह्‌नल.

रोम सहरतोर 5:18

इद्रमलेह्‌का आदमना उंदिय पापम कबळतेनाह्‌क, सबेटोर कसुरतोर आतोर. अद्रमे किर्स्तुना उंदिय सेतेम कबळतेनाह्‌कु, सबेटोर देवुळता मुनेह सेतेमतोर आया पग़यह्‌तोर; अहे पूना पिसमुळ दोर्किह कीया पग़यह्‌तोर.

रोम सहरतोर 5:9

मुने माट पापिरल मन्जाय मति, देवुळि अचोन जीवा कीसि, माक पिसिह कीता. मति इंजेके किर्स्तु मयेनाह्‌क नेतुर पोहच डोलताह्‌कु, माट देवुळता मुनेह सेतेमतोरल आतल. अदिह्‌क देवुळि निटमे, माक तना मारेंगा सिक्साताहि पिसिह कीयग़ा.

1 कुरिंततोर 5:7

निटम मीट ओयवद पिंडटा लेह्‌कान मह्‌निर. ओय्‍पिह केवद पिंडटाङ आरिना पंडुमतस्के, मोक आयनद गोरेपियोता लेह्‌कान, किर्स्तु मयेनाह्‌क मोक आतोग़. अदिनेनाह्‌क ओयता पिंडटा लेह्‌का मनवाल ओप्पवोग़ मन्कन, पेसिह कीसीम्ह्‌टु. अस्के मीट ओयवद पिंडटा लेह्‌कान बेस मनदकिर.

2 कुरिंततोर 5:21

किर्स्तु पापमलेवा मतोग़. मतेक तेला माट ओना संगे जोळेम आसि, देवुळता मुनेह सेतेमतोर आयना इनजोर, देवुळि मावा पापमतुन ओना पोग़ोन वाटिसि, मावा बद्लाते ओन्क सिक्सा ईता.

इपिसुसतोर 1:7

मावा पोग़ोन पका दया कीता, अदिनेनाह्‌क तना मग़ि नेतुर पोहच डोलताह्‌कु, मावा पापमतुन मापि कीसि, ओना मेटे माक पापमताहि विळ्सिह कीता.

इपिसुसतोर 2:13

मुने देवुळतग्डाहि मीट जेक मतिर. मति इंजेके किर्स्तु येसुना मेटे, देवुळि मीक तना एरे तता. किर्स्तु तना नेतुर पोहच डोलताह्‌कु, देवुळ अद्रम कीता.

1 तिमोति 1:15

इदिन बह सीता कीम: पापि लोकुरिन पिसिह कीयलाहि, येसु किर्स्तु इद बूमते वास मतोग़. इद पोल्‍लो सेतेमताये, इदिन माट पेग़्के-मुने आयवा, नम पग़यह्‌नल. पापि लोकुरग्डाहि, ननान कोनि मुक्यानन आंदन.

इब्रितोर 11:14

इद्रम वळ्ह्‌कवालोर मन्कलोर, तमाय देसेम इनजोर, उंद देसेमतुन पर्ह्‌किह्‌तोर इन्जि तोहचीतोर.

इब्रितोर 11:17

विस्वस कीताह्‌कु, देवुळि अब्रहमना पट ऊळतस्के, ओग़ तना मग़ि इसकिन मोक ईयलाह तयर मतोग़. इसकनग्डाहे नीवा जालपिलतुन लेकनुर इनजोर, देवुळि ओन पोल्‍लो विळ्सिस मता. तेला मति वेग़े इसकिन मोक ईयलाहि, अब्रहम तयर मतोग़.

इब्रितोर 11:7

विस्वस कीताह्‌कु, नोहा मुय्तोग़ (उड्रा वायग़ा इनजोर,) देवुळ वेहतद पोल्‍लोतुन नमतोग़. नमिसि, तना लोतोर मन्कलोर पिसलाहि, ओडा पंडटोग़. ओग़ बेस्केन उड्रातुन ऊळोग़, तेला मति रेयिस मन्जि, तानाङ केंजिस ताकतोग़. इद्रम देवुळता पोल्‍लोतुन केंजिस मन्जि, बूमतगा दुस्रोर मन्कलोर कसुरतोर इनजोर तोहचीतोग़. इद्रमलेह्‌का विस्वसतेनाह्‌कु, देवुळता मुनेह सेतेमतोर आयवालोरगा, ओग़ वने कलियतोग़.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

इब्रितोर 9:5

संदुकता पोग़ोन (देवुळि अगा मनदनदिना सीना इनजोरे, रेंड) राका कीयनविस्कनाङ बोमाङ मताङ. संदुकता पोग़ोन, पापमतुन मापि कीयनद जागातुन, तमाङ मारेने मुळ्हच मताङ. अव पोल्‍लोन इंजेके ओर्कुलते वेहतलाह, पुर्सत इले.

1 योहन 1:10

बोग़े मन्कल पापम केवोग़ इलेग़, इनजोर देवुळि इन्ह्‌ता. अदिह्‌क माट पापम केवोम इनजोर इतेक अचोन, देवुळतुन जोल कीय्ह्‌नल; ताना पोल्‍लोतुन मावा जीवातगा तासवल.

1 योहन 2:2

मावा पापमता मापि आयना इन्जि, मावा सिक्सातुन तना पोग़ोन एचि, डोलिस मतोग़. सिरप मावाय आयो, मति पूरा दुनियामेटोरा पापमतेनाह्‌क डोलिस मतोग़.

1 योहन 4:10

बेद्रम जीवा कीयना इनजोर, माट देवुळतुन जीवा कीसि तोहवल. मति देवुळिये इद पोल्‍लोतुन बेस-नेह्‌ना तोहता. बेद्रम इतेके, अद माक जीवा कीता, ओसो तना मग़ि मावा पापमता सिक्सातुन तना पोग़ोन एचि डोलेग़ इनजोर, ओन लोहच मता. इदे निटम जीवा कीयनद आंदु.

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.

तोहचीतव पोल्‍लोङ 20:15

देवुळता संगे अमेसातुह्‌क पिसवालोरा पुस्तकतगा, बोराङ पेदिर्क रासतव इलेङ, ओर कतमतोरिन देवुळि मळ्गनद किसबटटगा वाटिसीता.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.