रोम सहरतोर 2:5 - माडिया गोंड पवित्र सास्त्रम

⁵ मति निमा इतेके कैंगम आसि, पापमता अग़दाहि मलवोन इह्‌निन. देवुळि तना ओङतुन उंद दिया तोहतग़ा. अस्के ताना सेतेमता नेयमतुन, सबेटोर ऊळनुर. नेंड निमा ताना पोल्‍लोतुन केंजविन इतेके, अद दिया नीवा सिक्सातुन बेर्सिह कीयना लेह्‌कान आतिन.

रोम सहरतोर 2:5 Iomraidhean Croise

रोम सहरतोर 1:18

(किर्स्तुना बेसता कबुर सबेटोरिह्‌के गर्ज मन्ह्‌ता.) बह इतेके, देवुळतुन सीता केवोर लाग्वोरु बह कीस्तोर, तमा लाग्वा बुदते सेतेमतुन मिसिह्‌तोर. अद्रमतोरा पोग़ोन देवुळि पका ओङ आसि, देवुळदीपताह तना सिक्सा अर्हचीयग़ा इन्जि, तोहतलाह आता.

रोम सहरतोर 11:25

मावोर विस्वसिरिर! माटे पका तेल्वतोरोम इन्जि, मीट पोग़यनदायो इनजोर, देवुळि इंजेके इस्रयेलतोरा लोप्पा पुन्पिह कीतद, इद पोल्‍लोतुन मीक वेहतलाह आतन: यहुदि आयवोर बेच्वुर किर्स्तुन विस्वस कीयनुर इनजोर, देवुळि विचर कीता, अच्वुर कतमतोर देवुळतेके वानाह्‌जोम, उच्वुर इस्रयेल मन्कलोरा बुदि, देवुळताङ केंजवाह कैंगम मनदग़ा.

रोम सहरतोर 9:22

अद्रमलेह्‌काने देवुळतुह्‌क वने, तना विचर मतप कीयलाह अदिकर मन्ह्‌ता. तमा पापमते बूळेम आयना लायक मनवालोरा पोग़ोन, देवुळि ओङ आस्ता. मति ओरिन अस्केडस्केन सिक्सा कीसि, तना लावतुन तोहो. ओरा लाग्वातनमतुन आपसोर, वेल्‍लाजोम केपसोर मन्ह्‌ता.

2 कुरिंततोर 5:10

बाराह्‌क इतेके, किर्स्तु नेयम कीयनद जागाता मुनेह, माट सबेटोरल नितना मन्ह्‌ता. इद बूमतगा मनदह्‌पा, माट कीतव कबस्क बेसताङ आयिङ, लाग्वव आयिङ, अविस्कना इसबते, माक ओर्विह्‌क-ओर्विह्‌क ओग़ बर्कत ईयनोग़, इलवेके सिक्सा ईयनोग़.

2 तिसलुनितोर 1:5

मीट येसुनेनाह्‌क तिपल आताह्‌कु, देवुळता राजेमता लायकतोरिर आतिर. मति बेस्के येसुसामि तना लावतव देवतुल्कना संगे, देवुळदीपताहि रेगतद दिसनोग़ अस्के, देवुळि सबेटोर मन्कलोरा नेयम कीयग़ा. अद तूकने मीट येसुनेनाह्‌क तिपल आयवालोरिर ओसो माट वने, ताना राजेमते दायना लायक मह्‌नल इन्जि, देवुळि माक आरम ईयग़ा. मीक तिपल केवालोरिह्‌क बारा, देवुळि निटम सिक्सा ईयग़ा. इद्रमलेह्‌का (मीवा पोग़ोन इचोन विरुद वातेक तेला, मीट दीरा पोस मह्‌निर,) इद पोल्‍लो देवुळता नेयम सेतेम मन्ह्‌ता इन्जि, पोळ्क्नेन तोहतह्‌ता.

इब्रितोर 3:13

देवुळता सास्त्रमतगा, “नेंडु” इनजोर रासिस मन्ह्‌ता. उंद-उंद दिया वायह्‌पा, तान “नेंड” इह्‌नल. अदिनेनाह्‌क पापमि मीवा विचरतुन नाळेह कीसि, गद्रम कीयनद आयो इन्जि, दिनम मीट ओर्विह्‌क-ओर्वोग़ दीरा ईसोर मन्ह्‌टु.

इब्रितोर 3:15

पोग़ोन रासतपु: “नेंड देवुळि वेहतनदिन केंजतेक अचोन, केंजोम इनजोर कैंगम आयमाट,” इनजोर रासतद इद पोल्‍लोतुन ओसो ऊळकल.

इब्रितोर 4:7

अदिनेनाह्‌क ओसो उंद दियातुन देवुळि आचता. तान “नेंडु” इनजोर इन्ह्‌ता. (पेळ्ह्‌कल बूमते देवुळताङ केंजवोरा पोल्‍लोता पया,) वेल्‍लाङे वर्साना पेग़्के, दाविद राजाना तोडटे देवुळि इता: नेंड देवुळि वेहतनदिन केंजतेक अचोन, केंजोम इनजोर कैंगम आयमाट. इनजोर इता. इद पोल्‍लोतुन पोग़ोन रासतन.

याकुब 5:3

मीवाङ बंगर्क-वेंडिनु सिलुम पोयलाह आता. देवुळि नेयम कीयह्‌पा, मीवा पोग़ोन लालुसता कसुर मन्ह्‌ता इनजोर, अद सिलुम साक्सि ईयग़ा. इद आक्रि कालमते, मियेनाह्‌क बंगर्क-वेंडिङ जमा कीतिर. (मति मीवाङ बंगर्क-वेंडिङ सिलुम पोस बूळेम आयना लेह्‌का, देवुळि) मीक देयमदीपता किसते बूळे कीयग़ा.

2 पत्रु 2:9

इव सबे पोल्‍लोन मीक बाराह्‌कु सीता कीसीय्ह्‌नन इतेके, सामि तन्क माळवालोरिन तिपलताहि बेद्रम विळ्सिह कीयना, ओसो लाग्वोरिन सिक्सा ईयनासाटि, नेयम कीयनद दिया एवनाह बेद्रम तासना, इविस्किन पुन्ह्‌ता इनजोर, इव पोल्‍लोङ तोहतह्‌ताङ.

2 पत्रु 3:7

मति इंजेक मनदनद पोग़ोटा बूमतुन, ओसो इळ्ता बूमतुन, किसते बूळे कीयलाहि, तना इतद पोल्‍लोतेने तासता. तानाङ केंजवोरिन नेयम कीसि, ओरिन बूळे कीयनद दिया एवनाह अविस्किन तासता.

यहुदाल 1:6

अहे वळ्गा देवतुल्कु, देवुळ ईतद तमा अदिकरतुन वीळिसि, देवुळ अविनेनाह्‌क तासतद जागातुन विळ्सताङ. देवुळि अविस्किन गोल्स्कने दोहचि, अमेसातेनाह्‌क मनदनद ईकळ गंगाता सिक्सा-बोंदातगा वाटिसि, नेयम कीयनद दियातेनाह्‌क तासता.

तोहचीतव पोल्‍लोङ 2:21

पापमता अग़दाहि जर मलयि इनजोर, नना तान्क मोका ईतन; मति सिंड्रि कबळता अग़दाहि मलयलाह, तान्क विचर वावो.