रोम सहरतोर 2:29 - माडिया गोंड पवित्र सास्त्रम

²⁹ निटम यहुदि मन्कल आयना इतेके, जीवाता पोल्‍लो आंदु. निटमता डायना रिवज कीयनद इतेके, रासतव अडोन नोमनद आयो. मति देवुळतुह्‌क विचर वायनद डायना रिवज इद आंदु: इतेके देवुळता जीवा मन्कना जीवाता पाळ्ना बुदतुन डायिस पोहचीस्ता. अद्रमतोग़ मन्कल लोकुराहि आयो मति, देवुळताहि कदर पर्ह्‌किह्‌तोग़.

रोम सहरतोर 2:29 Iomraidhean Croise

लूकाल 11:39

अदिन पुन्जि येसुसामि ओन इद्रम इतोग़, “इके केंजा, मीट परुसिरिर गिनेङ-बट्किन सिरप पलतेनाह तोमिह्‌निर. मति मीवा लोप्पाडेके इतेके, उळ्बेते लोकुरिन जाळ्पनद निंदिस मन्ह्‌ता.

लूकाल 17:21

देवुळि मीवा नडुम राजेम कीस्ता. अदिनेनाह्‌क ‘इदु! देवुळि इगा राजेम कीस्ता. अदु! अगा राजेम कीस्ता,’ इनजोर लोकुर वळ्ह्‌कोर आयनुर,” इनजोर वेहतोग़.

योहन 12:43

बाराह्‌क इतेके, देवुळतेनाह दोर्कनद कदरतुह्‌काय एक्‍वा, ओरिह्‌कु मन्कलोरेनाह दोर्कनद कदर बेस आता.

योहन 4:23

तेला मति सेतेम मोळ्कवालोर, देवुळता सेतेम पोल्‍लोतुन पुन्जि, तमा जीवाते मोळ्कनुर, इद्रमताङ दियाङ एवयनुङ, ओसो एवतपे मन्ह्‌ताङ. बाराह्‌क इतेके इद्रम मोळ्कवालोरिने देवुळबाबाल पर्ह्‌किह्‌तोग़.

योहन 5:44

मीट ओर्विनेनाह ओर्वोग़ कदर पर्ह्‌किह्‌निर, मति वग़य देवुळतेनाह दोर्कनद कदरतुन बार पर्ह्‌कविर इतेके, मीट बेद्रम विस्वस कीया पग़यकिर!

रोम सहरतोर 14:17

केंजाट, देवुळि मीवा नडुम राजेम कीयना इतेके, तिनदनव-उनडनव पोल्‍लोनेके अचोन सीता केमाटु. सेतेमते ताकना, ओर्विना संगे ओर्वोग़ गूनमते मनदना, पवित्र जीवाता गिर्दाते निंदिस मनदना, इवे मोदुल पोल्‍लोङ आंदुङ.

रोम सहरतोर 2:27

अद्रमतोरे मीवा पोग़ोन कसुर वाटनुर. बह इतेके मीट डायना रिवज कीतिर, ओसो मोसाल रासतव अडोङ मियगा मन्ह्‌ताङ, मति अव अडोन मीट माळविर.

रोम सहरतोर 3:1

(नावाङ इव पोल्‍लोन केंजिसि, मीट यहुदिरिर इद्रम ताल्ह्‌केरिर:) अह इतेके, यहुदिरोम आस बाताल पाय्दा? डायना रिवज कीस बाताल पाय्दा?

रोम सहरतोर 7:6

मति इंजेके माट किर्स्तुना संगे डोलतप लेह्‌का आताह्‌कु, मावा पोग़ोन अडोना बातय अदिकर इले. अदिनेनाह्‌क इंजेक माट पाळ्ना रीतते, रासतव अडोना इसबते सेवा केवल. मति देवुळता जीवा वेहतपु, पूना रीतते कीय्ह्‌नल.

1 कुरिंततोर 4:5

अदिनेनाह्‌क मीट इंजेकेन बोने पर्ह्‌किस ऊळमाट. सामि वानाह केपाट. ईकळतगा मनदनविन वेह्‌चतगा ततना लेह्‌का, मन्कलोर तमा पोटालोप्पा मकिह कीस तासतव पोल्‍लोन, ओग़े पेसिह कीयनोग़. अस्के मन्कलोर तमा कीतद कबळता इसबते, निमा बेस कीतिन इनजोर, ओर्विन-ओर्विन देवुळि वेहतग़ा.

1 कुरिंततोर 7:19

डायना रिवज कीतेक वने, केवेक वने बार आयो, देवुळि ईतव उकुमतुन माळनदे मोदुल पोल्‍लो.

2 कुरिंततोर 10:18

अदिकरतोनन इनवाल मन्कनगा, सामि ईतद अदिकर इले; मति बोन्क सामिनाहि अदिकर दोर्किह्‌ता, ओग़े निटम अदिकरतोग़ आंदोग़.

2 कुरिंततोर 3:6

देवुळि इंजेके मन्कलोरा संगे पूना करल कीता. अद करलतुन पोकुर कीयनद सेवा कीयलाह, माक ओप्पे कीता. अद पूना करल मोसाल रासतव अडोना इसबते आयो, मति देवुळता जीवाता इसबते आंदु.(बोग़े रासतव अडोन पूरा नोम पग़वोग़,) अदिह्‌क अवु माक हामुरतेके ओसीस्ताङ. देवुळता जीवा बार, माक अमेसाता पिसमुळतके ओसीस्ता.

पिलिपितोर 3:3

(ओर मन्कलोर डायना रिवज कीयनद पोल्‍लो वेहतलाह आतोर.) माट बारा येसुन विस्वस कीतोरले, निटम डायना रिवज कीतोरल आंदल, ओर आयोर. बाराह्‌क इतेके, माट देवुळता जीवा वेहतपु तान मोळ्किह्‌नल. ओसो किर्स्तु येसु माक पका बेरा गूनम तोहतोग़ इनजोर, गिर्दा आय्ह्‌नल. ओसो मावा मन्कना बुदतगा बर्वस तासवा, तान डायिस पोहतप लेह्‌का पिसिह्‌नल.

1 तिसलुनितोर 2:4

मति देवुळि माक सेतेम ऊळिस आचता, ओसो बेसता कबुरतुन मावा कयदे ईता, अदिह्‌क वेहतह्‌नोम. माट मन्कलोरिह्‌क गिर्दा वानाह वेहोम, मति मावा विचरतुन पर्ह्‌किस ऊळनद देवुळतुह्‌क, गिर्दा वानाह वेहतह्‌नोम.