रोम सहरतोर 2:23 - माडिया गोंड पवित्र सास्त्रम

²³ मयगा देवुळताङ अडोङ मन्ह्‌ताङ इनजोर, मीट पोग़यिह्‌निर. मति अवे अडोन माळवा, बाराह्‌क देवुळता बद्‌नम कीय्ह्‌निर?

रोम सहरतोर 2:23 Iomraidhean Croise

लूकाल 18:11

परुसि बाताल कीतोग़ इतेके, ओग़ सिद्‌वा एनवानग्डाह जेक निचि, इद्रम पार्तना कीतोग़, ‘ए देवुळतिन! नना दुस्रोरा लेह्‌का कलेनन आयोन, ओसो नाळेह केवानन वने आयोन, साट्याल कबळ केवोन. ओसो नियोग़ सिद्‌वा एनवाना लेह्‌का वने, नना लोकुरिन मुळ्हवानन आयोन. अदिनेनाह्‌कु नना नीक जोहर कीय्ह्‌नन.

योहन 5:45

नना बाबाना मुनेह मीवा पेटळ तप तासकन, इद्रम इह्‌निर बहे, मति नना तप तासोन. केंजाट, मीटु मोसानाङ अडोन नोमिह्‌नोम इन्जि, आसा तासिस मह्‌निर, ओग़ मोसाले मीवा पेटळ तप तासनोग़.

रोम सहरतोर 2:17

इंजेके मियग्डाहि उय्तुर यहुदिरोम इह्‌निर. ओसो मयगा मोसानाङ अडोङ मन्ह्‌ताङ, माटे देवुळता लोकुरोम, (अदिह्‌क माक देवुळताहि सिक्सा दोर्को) इनजोर, मीट पोग़यिह्‌निर.

रोम सहरतोर 3:2

(अस्के नना इनेनन: यहुदि मन्कल आसि डायना रिवज कीतोग़ इतेके,) पका पाय्दा दोर्किह्‌ता. मोदुल पोल्‍लो इद इतेके, देवुळि तना सास्त्रमतुन, माक यहुदिरिह्‌के ईस मता.

रोम सहरतोर 3:27

अदिनेनाह्‌क इंजेक, नना अडोङ वेहतप ताकताह्‌कु, देवुळता मुनेह सेतेमतोनन आतन इनजोर, बोग़े पोग़यसोर तिरिय पग़वोग़. बह इतेके, माट विस्वस कीयनद इसबतेने, सेतेमतोरल आय्ह्‌नल, मावाङ कबस्कना इसबते आयो.

रोम सहरतोर 9:4

ओरिन देवुळि तनाङ पिलाङ-पेकोर आयलाह आचता, ओरिह्‌के तना सोबा ओसो डीसा दिसिह कीता. ओरा संगे करल कीसि, तनाङ अडोना सास्त्रम ईता. तन्क बेद्रम माळना इनजोर, ओरिने वेहच मता. ओसो ओरिह्‌क वेल्‍लाङे बेसताङ पोल्‍लोन विळ्सिस मता.