रोम सहरतोर 16:4 - माडिया गोंड पवित्र सास्त्रम

⁴ ओर तमा जीवाता पर्वा केवा, नाक पिसिह कीयलाहि तयर आस मतोर. इद पोल्‍लोतुन नना बेस्केन माग़्ङोन, अहे यहुदि आयवोर विस्वसिरा मुडोर वने माग़्ङोर.

रोम सहरतोर 16:4 Iomraidhean Croise

योहन 15:13

बोग़ाय तनाङ गोततोरेनाह्‌क तना जीवा ईयनद, तेन्क वीळिस बेदे गूनम बेरा इले.

बळयिर 15:26

वेर बार्नबस, पोलु इतेके, तमा जीवातुन सीता केवा, मावा किर्स्तु येसुसामिना सेवा कीतोर.

बळयिर 15:41

पया पोलु, सीलासिना संगे पूरा सुरिया पटटे, किलिकिया पटटे तिरियतोग़. बेद-बेद नाग़ अंदुर, अग्डोर विस्वसिरा मुडा विस्वसतुन मेग़्किह कीसोर अंदुर.

बळयिर 16:5

अदिह्‌क वेल्‍लाटोर विस्वसिरा विस्वस बेर्सिंदु. दिनम उय्तुर विस्वस कीसोर अंदुर, इद्रमलेह्‌का ओरा मुलु बेर्ससोर अता.

बळयिर 9:31

अस्के पया, यहुदा पटटे, गालिल पटटे, सामरिया पटटे, विस्वसिरा मुडुन बोरे तिपल केवोर. अदिनेनाह्‌क ओरिह्‌क सुकम दोर्कता, ओर विस्वसते बेर्ससोर अंदुर. येसुसामिन रेयिस ताकिंदुर. पवित्र जीवा ईतद तोळते ताकिंदुर. वेल्‍लाटोर येसुन विस्वस कीसि, ओरा मुडा संगे कलियिंदुर.

रोम सहरतोर 16:3

पिरिस्किलाल, अक्‍विलाल, वेर आळ इर्विरिन आस, नना सीता कीय्ह्‌नन इनजोर ओरिन वेहाटु. ओर नावा संगे किर्स्तु येसुना सेवा केवालोर आंदुर इनजोर पुतिरे.

रोम सहरतोर 16:5

ओरा लोतगा जमा आयवालोर विस्वसिरा मुडुह्‌क नना जय येसु इह्‌नन. ओसो मियग्डोर दुस्रोर विस्वसिरा वने सीता वास्ता. नावा गोतयाल इपनितुसिह्‌क जय येसु इह्‌नन. पूरा आसिया पटटगा किर्स्तुन मुने विस्वस कीतोग़ ओग़े आंदोग़.

रोम सहरतोर 5:7

केंजाट, कर्तुळ मन्कनेनाह्‌क, तना जीवा ईयलाह, बोग़ाय तयर मनदनोग़ा? आंह बेस गूनमतोग़ मन्कनेनाह्‌क इसि डोललाह, बोग़ो ओर्वोग़ दीरा कीसि तयर आतेक आयनोग़.

1 कुरिंततोर 16:1

कोताङ अर्हतनद पोल्‍लोतुन ताल्ह्‌किस मतिर, अदिन वेहतह्‌नन: येरुसलेम सहरतोर देवुळता मन्कलोरेनाह्‌क, कोताङ अर्हतनद पोल्‍लोता लोप्पा, गलाति पटटोरविस्वसिरा मुडुन नना बह वेहतन, अद्रम मीट वने कीम्ह्‌टु.

1 कुरिंततोर 7:17

सबेटोर विस्वसिरा मुडोरिन नना इद्रम काग़्हतह्‌नन: सामिनग्डाहि मीक बेद्रमता मनमुळ दोर्कता, अद्रमलेह्‌काने पिसाट. देवुळि मीक तना मन्कलोर आयलाहि आचता अस्के, मीट बेद्रम मतिर, अद्रमलेह्‌काने मन्ह्‌टु इह्‌नन.

1 तिसलुनितोर 2:14

इतेके बेद्रम यहुदा पटटगा, किर्स्तु येसुना विस्वसिरा मुडुन, तमाय यहुदि मन्कलोर पकाय तिपल कीतोर, अद्रमे मीवा देसेमतोर वने मीक तिपल कीतोर. अदिनेनाह्‌क यहुदि विस्वसिरिह्‌क आतप लेह्‌कान, मीक वने आता.

1 योहन 3:16

येसुसामि मयेनाह्‌क तना जीवा ईतोग़. अस्केडाहिये जीवा कीयनद पोल्‍लोतुन माट पुतल. अदिनेनाह्‌क माट वने मावा ऐंगेटोर विस्वसिरासाटि गर्ज अरतेके, जीवा वने ईयलाह तयर मनदना गावले.

तोहचीतव पोल्‍लोङ 1:4

नना योहननन, आसिया पटटाङ एळुङ सहर्कना विस्वसिरा मुडेनाह्‌क, इव पोल्‍लोङ रासलाह आतन: मुनेताह अमेसा मतदु, इंजेके वने मनदनदु, ओसोवने वायनद देवुळि, ओसो तना राजकुर्सता मुनेह मनदनव, तानग्डाङ एळुङ जीवाङ; ओसो देवुळतेनाह्‌क बर्वस लायकता साक्सि एवाल, हामुरताहि जीवा अरवालोरग्डाहि मुनेतोग़, अहे बूमतोर राजालोरिन ताकिह केवाल येसु किर्स्तु, वेरु मीक देय्वा ईयिर, सुकम ईयिर. येसु किर्स्तु माक जीवा कीतोग़, ओसो तना नेतुर पोहचि, माक मावा पापमताहि विळ्सिह कीतोग़.