रोम सहरतोर 16:3 - माडिया गोंड पवित्र सास्त्रम

³ पिरिस्किलाल, अक्‍विलाल, वेर आळ इर्विरिन आस, नना सीता कीय्ह्‌नन इनजोर ओरिन वेहाटु. ओर नावा संगे किर्स्तु येसुना सेवा केवालोर आंदुर इनजोर पुतिरे.

रोम सहरतोर 16:3 Iomraidhean Croise

बळयिर 18:26

पया ओग़ इपिसुस सहरतगा देवुळता पार्तनाता लोन अतोग़, अन्जि अगा पका दीराते पोल्‍लोङ वेहन्दोग़. उंद दिया पिरिस्किलालि, अक्‍विलाल, वेरु ओग़ वेहतनाङ पोल्‍लोन केंजतोर. केंजिसि ओन तमा लोन ओसि, देवुळताङ पोल्‍लोन ओसो बेस-नेह्‌ना तेळियिह कीसीतोर.

रोम सहरतोर 16:10

अपिलेसिह्‌क नना जय येसु इह्‌नन. ओग़ तिपल्कने विस्वसतुन विळ्सवा, किर्स्तुन पोस मंदोग़. अरिस्तुबुलुसना लोते मनवालोर सबेटोर विस्वसिरिह्‌क, नना जय येसु इह्‌नन.

रोम सहरतोर 16:4

ओर तमा जीवाता पर्वा केवा, नाक पिसिह कीयलाहि तयर आस मतोर. इद पोल्‍लोतुन नना बेस्केन माग़्ङोन, अहे यहुदि आयवोर विस्वसिरा मुडोर वने माग़्ङोर.

रोम सहरतोर 16:7

नावा यहुदि जाततोर अन्द्रनिकुस, यूनिया, वेर इर्वुरिह्‌क नना जय येसु इह्‌नन. किर्स्तुनाङ बळयिरग्डाहि ओर कम आयोर. नना विस्वस कीयनामुनेन, ओर विस्वस कीतोर, ओसो नावा संगे जेलते वने मतोर.

रोम सहरतोर 16:9

ओसो नावा गोतयाल इस्तुकुसिना सीता कीय्ह्‌नन. किर्स्तुना सेवाते मावा ऐंगेटोग़ उरबानुसिह्‌क नना जय येसु इह्‌नन.

रोम सहरतोर 8:1

(मुने नाक पापम ताकिह कीसि, अमेसाता हामुरतेके ओसींदु.) मति इंजेके नना येसु किर्स्तुन विस्वस कीताह्‌कु, नयगा मनदनद देवुळता जीवा पापमता, हामुरता कयदग्डाहि नाक विळ्सिह कीता. अदे जीवा इंजेके नाक ताकिह कीस्ता. (अदिनेनाह्‌क देवुळि कसुरतोरिर इन्जि, मावा नेयम कीयग़ा इनजोर, माक बातय रेय इले.) येसु किर्स्तुन विस्वस केवालोरिह्‌क, [मन्कना बुदते ताकवा, देवुळता जीवा वेहतप ताकवालोरिह्‌क,] देवुळि बेस्केन सिक्सा एवो.

रोम सहरतोर 8:11

बेद देवुळि येसुन हामुरतग्डाहि तेग़्किह कीता, अदे देवुळता जीवा, मीवा जीवातगा जागा आता. अदे जीवाता लावते, मीट डोलतापया वने, देवुळि येसु किर्स्तुन कीतप लेह्‌का, मीवाङ मेंदुस्किह्‌क वने उंद दिया जीवा ईयग़ा.

1 कुरिंततोर 16:19

इगा आसिया पटटे मनवालोर विस्वसिरा मुलु, मीक जय येसु इन्ह्‌तोर. अक्‍विलाल, पिरिस्किलाल, वेर आळ इर्वुरा लोतगा जमा आयवालोर विस्वसिर सबेटोर वने, मीक जय येसु इन्ह्‌तोर.

2 कुरिंततोर 12:2

किर्स्तुन विस्वस कीतोग़, ओर्वोग़ मन्कन पुतन. चोव्दा वर्साना मुने, देवुळि सबेट्क पोग़ोटा बूमतगा, ओन ओस मता. ओग़ मन्कल मेंदुल अग़्के अतोग़ा, बार ओना जीवा गळ्क पोग़ोन अन्ज मता, नना पुनोन, देवुळिये पुन्ह्‌ता.

2 कुरिंततोर 5:17

बह इतेके, इंजेके बोर बोर किर्स्तुना संगे जोळेम आतोर, ओर पूना मन्कलोर आतोर. ओरगा मतव पाळ्नाङ पोल्‍लोङ मायताङ. इंजेके ओरा पूरा पिसमुळ पूना आता.

गलातितोर 1:22

इंजेके नाकु यहुदा पटटे मनवालोर किर्स्तुना मुल बेस्केन कलियोर आसि, ओसो ओर नाक पुनोर वन आसि.

पिलिपितोर 2:25

(तिमोति मियेके पया वायनोग़ निटमे, मति) इंजेके मावा तोळतोग़ विस्वसि मियग्डोग़ इपप्रुदितुन मियगा मल्हच लोहतलाह, विचर कीयलाह आतन. ओग़ बेसता कबुर वेहतलाह नावा संगे तोळ आंदोग़, ओसो अद कबुरतेनाह्‌क नावा संगे लळेम आयवाल वने आंदोग़. नावा साय्ता कीयलाह, मीट ओन लोहच मतिर.

कुलुसितोर 4:11

युसतुस येसु इनवाल वने, मीक जय येसु इन्ह्‌तोग़. देवुळता राजेमता कबुरतुन पोकुर कीयनद कबळते, वेर मुवुरे यहुदि विस्वसिर नावा संगे सेवा कीस्तोर. वेर नावा संगे मनाह्‌कु, नावा जीवातुह्‌क पका दीरा वास्ता.

2 तिमोति 4:19

पिरिस्किलान ओसो ताना मुजो अक्‍विलान जय येसु वेहा, अहे उनेसिपुरुस इनवाना लोतोरिह्‌क जय येसु वेहा.