रोम सहरतोर 16:26 - माडिया गोंड पवित्र सास्त्रम

²⁶ मति इंजेके अमेसा मनदनद देवुळि, तना कबुरतोरा सास्त्रमता मेटे, इद मकतद कबुरतुन, माक पुन्पिह कीयलाह आता. सबे जातिनोर मन्कलोर इद कबुरतुन विस्वस कीसि, देवुळताङ केंजिर इनजोर, तान पोकुर कीयलाह, देवुळि उकुम ईता.

रोम सहरतोर 16:26 Iomraidhean Croise

मार्कल 16:15

पया ओसो इतोग़, “मीट पूरा बूममेंड अन्जि, नावा बेसता कबुरतुन सबेटोरिह्‌क पोकुर कीम्ह्‌टु.

बळयिर 10:43

येसुना मोकतेनाह्‌कु, येसुन विस्वस कीतोर कतमतोरा पापमतुन देवुळि मापि कीस्ता इन्जि, मुनेतोर देवुळताङ सबेटोर कबुरतोरा सास्त्रम वेहतह्‌ता,” इनजोर पत्रु इतोग़.

बळयिर 6:7

अद्रमे पया, देवुळता पोल्‍लो वेल्‍लाय पोकुर आसोर अता.येरुसलेम सहरतगा विस्वसिर वेल्‍लाय बोल्गतोर. अहे यहुदि बूमयालोर वेल्‍लाटोर, येसुन विस्वस कीसि, ओना कबुर केंजलाह आतोर.

रोम सहरतोर 1:2

अद कबुर निटम आयग़ा इन्जि, देवुळि वेल्‍लाय मुने तना कबुरतोरा मेटे, पोल्‍लो विळ्सिस मता, अद माकु पवित्र सास्त्रमतगा दोर्किह्‌ता.

रोम सहरतोर 1:20

इतेके देवुळ पंडटव सबेटव, बूम पुटटस्केडाहि लोकुरिह्‌क दिसिह्‌ताङ. देवुळता बेस्केन मारवद लावु, ताना बुदि, इद मन्कलोरिह्‌क दिसवेक तेला, देवुळ पंडटविन ऊळतेके, इव पोल्‍लोङ ओरिह्‌क बेस-नेह्‌ना पुनदनाह आस्ताङ. अदिनेनाह्‌क देवुळतुन पुनोम इनजोर, ओर इंजेक इनदा पग़वोर.

रोम सहरतोर 1:5

सबे जातिनोर ओना पोल्‍लोतुन विस्वस कीसि, ओनाङ केंजिर, अह कीसि ओना पेदिरतुन मान ईयिर इनजोर, देवुळि येसुना मेटे, नाक ओना बळयि आयलाहि देय्वा ईता. इव सबे पोल्‍लोङ मीट इतेके पुह्‌निरे.

रोम सहरतोर 15:18

यहुदि आयवोरु नना वेहतव पोल्‍लोन केंजतोर; नावा कयदे कीतवु, बामनाह लेह्‌काडाङ सीनान ऊळतोर. ऊळिसि, केंजिसि, किर्स्तुन विस्वस कीतोर. इद्रमलेह्‌का देवुळता जीवाता लावते, येरुसलेम सहरताहि इलुरिकुम पट एवनाह, नना किर्स्तुना बेसता कबुरताङ सबे पोल्‍लोन तपवालेवा वेहतन. इद्रम किर्स्तु नावा कयदे कीतव पोल्‍लोनु दीराते वेहतह्‌नन, अविस्किन विळ्सिसि दुस्रा बेदे वेहोन.

रोम सहरतोर 15:4

इद्रमलेह्‌का देवुळता सास्त्रमतगा बाताङ बाताङ पोल्‍लोङ मुने रासतव मन्ह्‌ताङ, अव पोल्‍लोङ माक काग़्हतलाहि, रासतव मन्ह्‌ताङ. अविस्किन अर्वतेके माक दीरा दोर्किह्‌ता. अद्रमे माट तिपल्कने आरेम आयवा, देवुळता पोग़ोन आसा तास पग़यह्‌नल.

रोम सहरतोर 3:21

इद्रमि, यहुदिर आयिर, यहुदि आयवोर आयिर, सबेटोरे पापम कीतोर. कीताह्‌कु, देवुळताहि दोर्कनद मान, कदरतगा एवया पग़वोर. मति इंजेके, अडोङ माळवालेवा, मन्कलोरिन सेतेमतोर कीयलाहि, देवुळि ओरिह्‌क दुस्रा अग़ तयर कीता. अद अग़दा लोप्पा, मोसानाङ अडोना सास्त्रम, अहे देवुळता कबुरतोरा सास्त्रम वने, मुनेन वेहता. अद अग़ इद्रम मन्ह्‌ता इतेके, मन्कलोर येसु किर्स्तुन विस्वस कीतेके, देवुळि ओरिन सेतेमतोर इनजोर इन्ह्‌ता. विस्वस केवालोर बोरे मनिर, देवुळि ओरा जात-कुलमतुन ऊळवा, ओरिन सेतेमतोर इनदग़ा.

गलातितोर 3:8

इंजेके विस्वसतुह्‌के, सबे जातिनोर सेतेमतोर आयना इन्जि, मुनेताहि देवुळता विचर मता. मताह्‌कु, अद अब्रहम मुय्तोनु मुनेने इद बेसता कबुर वेहता, सबे जातिनोरिह्‌कु नीवा मेटे बर्कत दोर्कग़ा, इद्रम सास्त्रमते रासतद मन्ह्‌ता.

इपिसुसतोर 1:9

देवुळि मुने मकिह कीस तासिस मतद पोल्‍लोतुन, इंजेके माक पुनाह कीता. इद्रम कीयलाहि ताना गिर्दा मता. मुनेन तना विचर कीस मतपु, किर्स्तुना मेटे इंजेके अद पोल्‍लोतुन पेसिह कीता.

इपिसुसतोर 2:20

जोता दोहचि ताना पोग़ोन लोन पंडटप लेह्‌काने, किर्स्तुनाङ बळयिर ओसो देवुळता जीवाते वळ्ह्‌कवालोर काग़्हतव पोल्‍लोनाहि, देवुळ वने मीट विस्वसि मुडुन निल्पिह कीयलाह आता. किर्स्तु येसुये ताना मूलाता आदर बंडालेह्‌का आतोग़.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

1 तिमोति 3:16

ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”

2 तिमोति 1:10

इंजेके माक पिसिह केवाल किर्स्तु येसु बूमतगा वास मताह्‌कु, देवुळि मावा पोग़ोन दया कीता इनजोर तोहचीता. किर्स्तु हामुरता लावतुन बूळे कीतोग़, ओसो बेसता कबुरतुन विस्वस केवालोर मन्कलोर, अमेसा-अमेसातुह्‌क देवुळता संगे पिसिह्‌तोर इनजोर तोहतोग़.

इब्रितोर 13:8

येसु किर्स्तु मुने वने, इंजेक वने, अमेसा-अमेसातुह्‌क बेस्केन वने, बद्लेम आयवाल आयोग़.

इब्रितोर 9:14

अह इतेके, किर्स्तुना नेतुर बेचोन वीळिस एडिह कीया पग़यह्‌ता! देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता. मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता. कीयनाह्‌कु, माट जीवात मनदनद देवुळतुन माळ पग़यह्‌नल.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

तोहचीतव पोल्‍लोङ 1:17

नना ओन ऊळिसि, मेग़्यतप लेह्‌कान ओनाङ काल्कनगा अरतन. अरतस्के ओग़ नावा पोग़ोन, तना तिनळ कय तासिस इद्रम इतोग़: “रेयमा! ननाय सुरुतोनन, ननाय मारेंगातोनन;

तोहचीतव पोल्‍लोङ 19:10

इतस्के नना अद देवतुलतुन दंडुम अरयलाह, तानाङ काल्क अरतन; मति अद इता, “नाक दंडुम अरमा! नीवा लेह्‌कान, नीवा ऐंगेटोर विस्वसिरा लेह्‌कान, नना वने येसुनेनाह्‌क साक्सि ईसोर, देवुळतुन माळवानने! देवुळतुने मोळ्का. बह इतेके येसुना साक्सि ईयनदे, देवुळता सेतेम कबुर वेहतनाह आस्ता,” इनजोर इता.