रोम सहरतोर 15:3 - माडिया गोंड पवित्र सास्त्रम

³ (माट बह ताकना इनजोर, किर्स्तुमाक तोहचीतोग़. ओग़ इद बूमतगा मनदह्‌पा,) तन्क विचर वातव कबस्क कीसोर तिरियोग़. अद्रमे मन्कलोरा कदर वने पर्ह्‌कोग़.(मति देवुळबाबाह्‌क विचर वातव कबस्किने कींदोग़.)सास्त्रमतगा ओना लोप्पा इद्रम रासतद मन्ह्‌ता इतेके, ए देवुळतिन, नीक पास्कताङ पोल्‍लोङ नाक तोकताङ, इनजोर रासतद मन्ह्‌ता.

रोम सहरतोर 15:3 Iomraidhean Croise

मत्याल 10:25

आयो, कग़यवाल गूरुनलेह्‌का ओसो ओर्युलतोग़ माल्कानलेह्‌का आयना, इचोने ओन्क बेसु. नना लोता माल्कानन मन्ज तेला, नाके ओर देयह्‌कना मुक्याल इन्ह्‌तोर; मीट इतेके लोता मन्कलोरिर इन्जि, मीक बेचोन वीळिस तिपल कीयनुर, इदिन सीताते तासाटु!

मत्याल 26:39

पया ओग़ु उचुन मुनेह अन्जि, कप मुळ्न्दिसि दंडुम अरतोग़, अह कीस पार्तना कीतोग़, “ए बाबा, निमा इह कीकन तेला इन्ज इतेके, नाक इद गोसा आयमाकि. तेला मति इद नावा विचरते आयो, नीवाय विचर मतपु आयि.”

मत्याल 26:42

पया ओग़ ओसो उंद मल्का अन्जि, देवुळतुन पार्तना कीतोग़, “ए बाबा, इद गोसा नाक एताय पोयतग़ा इतेके, नीवाय विचर मतपु पूरा आयि,” इनजोर ताल्ह्‌कतोग़.

मत्याल 27:44

बोर डाकुर ओना संगे हव्कनागुटानगा वेळ्हच मतोर, ओर वने अहे इनजोर ओन पास्किंदुर.

योहन 15:24

बेव डीसाताङ कबस्किन दुस्रोर बोरे केवोर, अव कबस्किन नना ओरगा केवेके, ओरगा कसुर मनो आवालि. मति ओर इतेक, इंजेके नावाङ कबस्किन ऊळिस तेला, नाकु अहे नावा बाबान कोंटे कीस्तोर. अदिह्‌क ओर कसुरते अरयह्‌तोर.

योहन 4:34

मति येसु ओरिन इतोग़, “बोग़ नाक लोहतोग़, ओना विचर मतप कीयना, ओसो ओना कबळतुन पूरा मारिह कीयना, इदे नावा तिंड आंदु.

योहन 5:30

“नना नावाय अदिकरते बातय कीया पग़वोन. बेद्रम बाबाल नाक वेहतह्‌तोग़, अद्रमे नना नेयम कीय्ह्‌नन. नना नावाय कुदता विचरते आयो, मति नाक लोहतोग़ बाबाना विचर मतप कीय्ह्‌नन, अदिह्‌क नावा नेयम सेतेम अरयह्‌ता.

योहन 6:38

बाराह्‌क इतेके नना नावा विचरते कीयलाह आयो, मति नाक लोहतोना विचर मतप कीयलाह, देवुळदीपताहि रेगतन.

योहन 8:29

बोग़ नाक लोहतोग़, ओग़ नाक तोळ मन्ह्‌तोग़. बेव कबस्क ओन्कु गिर्दा वास्ताङ, अवे कबस्क नना अमेसा कीसोर मह्‌नन, अदिह्‌के ओग़ नाक वग़ोने विळ्सिस एवोग़,” इनजोर इतोग़.

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.

पिलिपितोर 2:5

बेद्रम येसु किर्स्तुना बुद मता, अद्रमे मीवा वने बुद मनि.

पिलिपितोर 2:8

मन्कल आसि, ओग़ इचोन उड्ला बुदतोग़ आतोग़ इतेके, देवुळबाबाना पोल्‍लोतुन केंजिसि, तना जीवा वने ईतोग़. हव्कनागुटाता हामुर ओसोय लजाता मन्ज तेला, अदिन वने ओग़ तना पोग़ोन एतोग़.