रोम सहरतोर 14:7 - माडिया गोंड पवित्र सास्त्रम

^7-8 नना इद्रम बाराह्‌क इह्‌नन इतेके, माटु मावाय अदिकरते ताकवल, मति सामिनाये अदिकरता इळ्न मह्‌नल. हातेकाय पिसतेकाय, सामिनाये मन्कलोरल आंदल. हातेके, तान्के मान ईसि हायनल, पिसतेके तान्के मान ईसि पिसिह्‌नल.

रोम सहरतोर 14:7 Iomraidhean Croise

रोम सहरतोर 14:9

डोलतोर ओसो जीवात मनवालोर विस्वसिरा माल्काल आयलाहिये, किर्स्तु डोलिस ओसो जीवा अरतोग़.

रोम सहरतोर 8:38

मावा सामि येसु किर्स्तुन मयेनाह्‌क डोललाह लोहचि, माक इचोन जीवा कीता इनजोर, देवुळि तोहता. हामुर आयि, पिसमुळ आयि, पोग़ोटाङ देवतुल्क आयिङ, देयह्‌क-बूतह्‌क आयिङ, नेटा रेयि आयि, नाळता आल्सुळ आयि, पेन्क-हानास्क आयिङ, पोग़ोटा बूमतगा ओसो इळ्ता बूमतगा देवुळि पुटिह कीतव बेवे आयिङ, मयगा मनदनद देवुळता गूनमताहि, माक बेवे एग़िह कीया पग़वोङ इनजोर, नना बेस-नेह्‌ना पुतन.

2 कुरिंततोर 5:15

बेद्रम इतेके, पूना पिसमुळ दोर्किह कीतोर मन्कलोर, इंजेटाहि तमेनाह्‌क पिसमाकिर. मति किर्स्तु डोलिसि ओसोवने जीवा अरतोग़, ओनेनाह्‌क पिसिर इनजोर, ओग़ सबेटोरेनाह्‌क डोलिस मतोग़.

1 तिसलुनितोर 5:10

मावा येसुसामि ओसो वायह्‌पा, माट जीवात मतेकाय, डोलिस मतेकाय, माट ओना संगे पिसना इनजोर, ओग़ मयेनाह्‌क डोलिस मतोग़.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

1 पत्रु 4:2

अहे मीट पिसनाङ दियाङ एवनाहि, मीटु लाग्वाङ विचर्कने ताकलाह गिर्दा आयवा, देवुळता विचरते तिरियसोरे मनदकिर.