रोम सहरतोर 12:15 - माडिया गोंड पवित्र सास्त्रम

¹⁵ गिर्दा केवालोरा संगे मीट वने गिर्दा कीम्ह्‌टु. अळवालोरा संगे मीट वने अळ्म्ह्‌टु.

रोम सहरतोर 12:15 Iomraidhean Croise

लूकाल 1:58

अद रिकम आतस्के, ओरा एरे-गूरेतोर ओसो जीवातोर केंजतोर. केंजिसि देवुळि ताना पोग़ोन बेरा दया कीता इनजोर, ओर वने पका गिर्दा आतोर.

बळयिर 11:23

बार्नबस अगा एवतोग़ अस्के, देवुळि अग्डोर विस्वसिरिह्‌क बेद्रम देय्वा ईता इनजोर, ओग़ ऊळिसि, पका गिर्दा आतोग़. ओग़ इतेके सेतेमतोग़ मन्कल, पका विस्वस केवाल, ओसो देवुळता जीवाते निंदिस मनवाल. “मीवा पूरा जीवाताहि येसुन विळ्सवालेवा निच मन्ह्‌टु” इन्जि, ओर विस्वसिरिन वेहतोग़. पया बार्नबस अगा मनदह्‌पा, वेल्‍लाटोर येसुन विस्वस कीतोर.

1 कुरिंततोर 12:26

अदिनेनाह्‌क मावा मेंदुदग्डा बेदाय उंदतुह्‌क दुकम पुटटेके, ताना संगे सबेटविह्‌क दुकमे आस्ता. उंदतुह्‌क मान दोर्कतेके, सबेटव ताना संगे गिर्दा आस्ताङ.

2 कुरिंततोर 11:29

बोग़ाय विस्वसि मन्कल कमजोर आतेके, नना वने अद्रमे आतप लेह्‌का आय्ह्‌नन. ओर्वोग़ विस्वसि मन्कन, बोराय पापमतके लेसिह कीतेके, नावा जीवा चुहेम आयो.

2 कुरिंततोर 2:3

मीट नाक गिर्दा आनाह कीतेके, मीट वने गिर्दा आयकिर इनजोर, मीट सबेटोरा पोग़ोन नावा बर्वस मन्ह्‌ता. मति नना वातस्के, नाक गिर्दा आनाह कीयना वाटो, नाक दुकम आनाह कीकिर बहे इनजोर रेयतन. अदिनेनाह्‌क चट्पिट मियगा वावा मुने, उंद सीटि लोहच मतन.

पिलिपितोर 2:26

मति ओग़ मीक ऊळलाह पका आलिह कींदोग़. ओग़ बेमरते मतदिन मीट केंजतिर, केंजिसि मीट पका आलिह कीय्ह्‌निर इनजोर ओन्क एर्का आतस्के, ओना जीवा चुहेम आयो.

पिलिपितोर 2:28

अदिह्‌क ओन मियगा चट्पिट लोहतलाह, विचर कीयलाह आतन. ओन ऊळकिर अस्के, मीक बेस गिर्दा आयग़ा; ओसो नावा जीवातुह्‌क वने सितुर आयग़ा.

इब्रितोर 13:3

(तमा विस्वसतेनाह्‌क) जेलते मनवालोरिन माग़्ङमाट. मीट वने ओरा संगे जेलते मनदना लेह्‌कान विचर कीम्ह्‌टु. (तमा विस्वसतेनाह्‌क) उच्वुर मन्कलोर तिपल आस्तोर, मीट कुदि तिपल आतप लेह्‌का, ओरिन सीता कीम्ह्‌टु.